الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة hosini2000

هذه المشاركة أكتبها بعد قرارا مني بالمقاطعة كنت واخده بعد حظري على الموقع لأني كتبت كلمة عن الجمارك التي تذهب لجمال و علاء (فاكرينهم ؟)
اليوم دخلت كمشاهد (كعادتي) لاجد هذا الموضوع ..و بصراحة استفزني جدا جدا ..ما استفزني هوالردود و -اعذروني- الولولة على القرار و ان لم يخل الموضوع من مشاركات جيدة ..
بصوا يا جماعة : الله الله ع الجد و الجد الله الله عليه..
الدعم اللي جزء كبير منه بيروح للمحروقات يروح ليه لناس عندها عربيات بينما في ناس مش لاقية تاكل و كلنا بنشتكي من مستوى التعليم و الصحة و الطرق ..مش الأولى بيه صحة و تعليم و طرق و عيش ؟ و لا الفسح و التنطيط و الساباقات و الخمسات ؟
مبارك سابلنا (كلنا) البلد خربانة ..وادامنا طريق من اتنين : يا كل واحد ياخد حتة من اللحاف على قد قوته و جبروته و بالتالي ناس كتير تبرد ..يا إما كلنا نتغطى باللحاف نفسه ..و اللي معاه يستحمل شوية علشان اللي مامعاهوش ..
لكن البلد تبقى في الحالة دي و يسيبوا البنزين أسعاره كده و يتهرب و يتباع في السوق السودا و لا حتى تستهلكه ناس مش محتاجة و أجانب و شباب خارج يتفسح و ناس بتركب عربية لواحدها ..كل هذا السرف و في ناس عايشة في المقابر و ناس بتستلف علشان تعلم عيالها و ناس مش لاقية حق الرغيف و لا الدوا ..

اللي راكب عربية و زعلان انه مش هايعرف يروح مصيف : مش مكسوف من نفسك ؟ مش حاسس ان كلامك فيه حاجة غلط و مش شايف ألوف في البرد ده مش لاقيين غطا و لا اكل و لا دوا ؟

اللي راكب عربية و شايف ان ال5 لتر هايخلصوا في الزحمة : اركب مواصلات ..
انزلوا من عروشكم شوية و اركبوا مع الناس ..عاوزين مصر تنهض ازاي و احنا مالناش شغلة غير التريقة و النقد الباطل و تكسير المجاديف ؟
عاوزين البلد تنهض ازاي و احنا مش عاوزين نتخلى عن أي حاجة و لا نضحي بأي حاجة ؟

هوا ده الي مبارك كان عوز الشعب يوصله ...

الحقد الطبقي و ثورة الجياع ... و الشعب ياكل في بعضة و يصفى على ناس معينة ...

مع احترامي الكبير لحضرتك يا باشا مع انك شايف انوا العربية و المصيف عرش و حاجة ملهاش حل

احب اقلك معظم الي راكب عربيات جايبها قسط و شغال موظف او اي حاجة يجي اكتر من نص مرتبه رايح قسط العربية ... ليه عشان هوا لو راح شغله بموصلات مش حيوصل اصلا و لو وصل حيدفع قد كدة ...

ثانيا مش كل الناس راكبه العربيات ترفيه و فسح ... العربية الراجل بيروح الشغل و يوصل مراته الشغل و يودي عياله المدرسة لو حسبت كل ده حتلاقي انوا لو زنق نفسه دفعه قسط حيبقى معاه عربية بدل ما يرمي الفلوس في الموصلات ... و ده غير مصاريف العربية الزيادة التصليح و الخبطات و الحقد الي كل واحد يخبطهالك وياخدلك الكبوت و الجنب بمسمار عشان بيفكر بمنطق حضرتك ...

ثالثا الي بيروح مصيف مرة في النسة ده 5 ايام .. احب اقلك انوا معظمها رحلات مدعمة من الشغل او حتى لو قدر ياجر شالية او شقة من حد صاحبه او معرفة بسعر مناسب بيقى بيحوشهلها طول السنة عشان مراته و عياله ليهم حق عليه مينفعش يحرمهم .. يعني الولد يطلع معقد عشان زمايلة راحوا البحر مرة في السنة و هوا مرحش ؟!

و بعدين الحياة لازم الواحد يدي نفسه فرصة شغال 360 يوم في السنة و بتحوش مصيف 5 ايام ...

بعدين احب اقلك حاججة ... ربنا وزع الارزاق على الناس و يأتي الملك و الغنى لمن يشاء

في ناس معاهم ملاين و عربيات بقد كدة و بيسافر يصيف بقد كدة بس ده ربنا اداله كدة عشان هوا يستهال كدة و انتا متعرفش هوا تعب قد ايه عشان ربنا يوصله لكدة ... و ده بيكون قليلي عشان بالحلال و ده بيكون العيلة جدود عن جدود و ده بيبقى تعبان في الفلوس و بيفرق معاه الربع جنيه ...

انا مرة كنت مع واحد صاحب مجموعة قرى سياحية في الغردقة و معاه ملايين و اراضي و عربية ب 5 مليون جنيه .. مرة نزلنا قعدنا على قهوة و حب يركب مشورع و احنا رايحين ... ركبنا فهناك شارع الهضبة لشري مثلا الاجرة نص جنيه ... فالراج بيدي السواق جنيه استنى شوية السواق مرجعش الباقي راح قله فين الباقي يا اسطى .. السواق اتصدم و بصله كدة ! قاله يا بيه انتا شكلك نضيف و مستريح و وشك منور حدور على النص جنيه ... قاله مش الاجرة الرسمي نص جنيه و الناس كلها دافعة النص جنيه انا ادفع الضعف ليه ! السواق قاله اتفضل يا بيه و حقق عليا و شوية و حيبوس رجله ...

لما نزلنا سالته عملت كدة ليه ما انا سبته النص جينيه بتاعي ... قالي اقلك حاجة و متزعلش

قلتله قول .. قالي جدودنا قاللونا ( متهونش غير على الغلبان) يعني طبقة الاغنية اكتر ناس عارفين قيمة القرش و مبيضيعش حقة ابدا ... و من ساعتها و انا الكملة ديه في وداني و احترمته و علمني درس لن انساه ...

و فعلا شوف و فكر في الحياة حتلاقي صح كدة ... الغلابة بيشتروا و يصرفوا و يركبوا عربيات و يضيعوا فلسهم الي بيشتغلوا بيها شهر بشهر .. لكن الغلابة دول بيوصلوا لمستوى عايششين ببلاش و هدايا و مجاملات و خدمات مقابل خدمات ... و كدة يعني

و بعدين احنا عايشيين على مبدأ اصرف ما في الجيب يأتيك ما في الغيب و ده مينفعش عشان كدة مش عارفين نحوش حاجة ولا نبقى مستقرين ماديا ...

ياراجل الواحد معهوش فلوس لو حد تعب مراته او عياله حيجبلهم منين .. الي جي رايح مصاريف ...

و بعدين الغلابة نوعين يا صيع هما عاجبهم العيشة كدة و عاوزي يفضلوا كدة

يا غلابة ناس طيبين و دول راضييين بكدة و مبسوطين اكتر مني و منك باللقمة الي بربع جنيه و لو قعد يوم من غير اكل بيحمد ربنا و يشكرة و ده ربنا بيبعتله رزقه لحد عنده ..

و انا شفت الموضوع ده كتير .. مهما رتبت و دبرت و عملت ربنا بيعت رزق الغلبان لحد عنده من غير ما يطلب او يفكر .. و دول الي ربنا بيرحمنا بيهم ... ربنا مش عاوز يخسف بمصر الارض عشان الناس الطيبين دول ...

و بعدين احنا بقين وحشين ... محدش راضي ولا بيحمد ربنا

لا بقينا بنحقد على بعض و بنبص على لقمة بعض و بنموت بعض

و نسينا ان الارزاق مكتوبة و الاقدار مكتوبة و ربنا وزعها بمزاجه و منقدرش نعترض .. و الحرام مبينفعش

على فكرة انا ولا اخواني ولا مسلم متششد و حتى مبصليش يعني عشان محدش يقلي انتا بدروش ...

بس الناس الكبيرة اجدادا و ابهاتنا ربنوا على الحلال و علمونا الرضي و القناعة و ده كنز لا يفنى و ربنا بيسترها مع الواحد عشان كدة مع انوا مقصر في حقه

و بعدين الاخوان و المتشددين دول مش مثل الاسلام و العبادة كل واحد بينه و بين ربه

المشاركة الأصلية كتبت بواسطة kareem.elaraby

ميين سمعك
انا بقيت حاسس بنبضي في راسي من الصداع و الفرسه

والله يا باشا الواحد جايب اخره من كل حاجة ... و ربنا يسترها علينا عشان احنا غلابة

و بعدين والله في كلام كتير كنت عاوز اقوله بس يلا كفاية كدة مش حيأثر في الناس الي عمالة تقولك عروش ... حقد و عدم رضى و كراهية بقت بطريقة لا تطاق ... ياخي بص في لقمتك قبل ما تبص في لقمت غيرك ...

و الارازاق اولاد و صحة و راحة و زوجة و مليون الف حاجة اخرها الفلوس ...

و بعدين مهوا في واحد ربنا بيديه مليون جنيه بيروح يشتري عربية ب نص مليون و يركبها 6 شهرا مثلا و الي ربنا رزقه نص مليون حيشتريها ب 250 الف و يركبها و الي ربنا رزقه ب 250 الف حيشتريها ب 150 و بعديها ب 5 ولا عشر سنين واحد حيشتريها ب 100 و بعدين 50 او اي كان على حسب المستوى الي ربنا كتبهولك ...

ارضي بالي ربنا كتبهولك و اعمل اقصى ما تقدر و اسعى

و احب اقلك انك لو سرقت و اكلت حرام و بقى معاك مليون جنيه و ابنك طلع سليم ستر من ربك و مبطلتش ( عشان في ناس اولادها بتطلع معاقه ) حتأكل ابنك حرام ربنا مش حيباركلك فيه .. يا حيحصله حاجة و تعمله عمليه بقد كدة و خسرت فلوسك يا حيطلع صايع فاشل خمرجي و حشااش و حيضيعلك الفلوس يا حتركبه عربية بما حرام حيموت فيها ... ربك مبيسبش حد على فكرة و فكرة و انتا تعرف ..

لكن الي ربنا رزقه ب 100 الف تلاقيه عمالة يشتغل و طالع بوزم عين امه عشان يوفر قرش حلال لولاده و تلاقي الولد ربنا كرمه متفوق في دراسته و راكبين عربية ب 50 الف ربنا حارسها و محافظله عليها و مراته بنت حلال مش عمالة تبعزق الفلوس على حجات ملهاش اي تلاتين الف لزمة بل تحرم نفسها عشان الولد يجيله لعبة او تلفون او يحوشوا للمصيف ...

مشكلتنا انا مش عاوزين نبص على الحقيقة و عاملين نفسينا مش واخدين بلنا ...

ده مش تخاريف ولا دروشة ولا اي حاجة ... لو الدين قال كدة برضه ديه اساسيات الحياة ...

اقول ايه تاني بس الواحد قلبه تعب :( محدش عاوز يفهم انوا الرزق بيجي لغاية عندك و بعدين لو انتا بتعمل الي عليك و اخرك جمعت 100 الف مش مليون زي فلان مهوا ربنا يا اخى كاتبلك كدة ايه حتعترض كمان !!!!!!! يعني منتا متعرفش ظروف التاني ده ايه ...

و بعدين هيا ديرة حياة ... الاغنية دول ناس ربنا كرمهم لاسبابه الخاصة ملهاش مقياس عندنا و تلاقيه اصلا سبب انوا في الف واحد تاني عايش تحته ... يعني لو واحد عايش في قصر و عنده 100 خدام و سواق و طباخ مش ديه ارزاق ؟! ربنا سخر الراجل ديه يكون سبب في رزق الناس ديه ..

الدنيا ماشية كدة بس احنا الي نسينا .. و ربنا يبارك في جدودنا و ابهاتنا الي ربوا الواحد على مبادأ فعلا لو عشنا بيها حنستريح ...

و مينفعش الناس كلها تبقى اغنية ولا الناس كلها تبقى فقرية .. هيا ديرة حياة كلنا بنكمل بعضينا .. اه لو نرضى و نفرح بالي في ايدينا ... يااخي ده الواحد كان فرحان بالية و النحلة اتفرج على العيال الي ابهاتها حراميه يجبله ايفون بقد كدة تلاقي الولا رماه في الزبالة و مش عاجبه .. واحد تاني شقيان يجيب لابنه حاجة تلاقي الواد محافظ عليها زي عنيه ...

الحمدلله و ربنا يكرمنا و يرزقنا و يبارك .. الدنيا لسه بخير حتلاقي ناس طيبة كتير ربنا مش عاوز يشيل مصر بالطوفان عشانهم ..