الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة ahmed_adham

على فكره يا جماعه 150 لتر في الشهر مش شويه. لو اللتر بيمشي 10 كيلو يبقى ال 1800 لتر بيمشو 18 ألف كيلو في السنه. شوفو العربيات المستعمله المعروضه للبيع او حتى عربياتكو انتو هتلاقوها بتمشي في المتوسط بين 15 الف ل 20 الف كيلو سنويا يعني 18 ألف هتكفي ناس كتير جدا ممكن 95% من الناس.

المهم بس يكون الليمت سنوي مش شهري لأن الاستهلاك في شهر ساعات بيزيد عن التاني حسب ظروف الخروجات والمشاوير.

كلام حضرتك ده بافتراض احسن الاحوال المروريه يعني طريقك اخضر علطول و مبتقفش في الزحمه خاااااااالص ،،،، و مش كل الناس يتعمل ال ٢٠ الف كيلو في السنه دي يعني انا اعرف ناس مشاويرها بتبقي قرب ال ١٠٠ كيلو يوميا !! و طبعا السبب في ان كله بيضطر يمشي دائري و محور لانهم الا حد كبييير فاضي عن وسط البلد و بالتالي بيمشي مسافات اطول كتييييير

المشاركة الأصلية كتبت بواسطة الع العمدة مدة

طيب يعني الناس هتدفع جمارك + سعر بنزين من دون دعم + مرتبات تحت الصفر + طرق من اسوأ الطرق في العالم وغير دا كله البنزين كله مغشوش دا فعلا ضغط علي اقتصاد الدولة يا حرام@

بالظبط ،، عايزين تشيلوا الدعم ماشي بس شيل الجمارك ماهو يعني من الاخر انا اللي هشيل نفسي في العربيه بقي يبقي متجيش تطلب مني فلووس عليها !!! ،،،، الحاجه التانيه عايز تشيل الدعم من علي السلع او تغلي ماشي بس برضه ارفع الاجور و المعاشات علشان الناس تعرف تشتري و محدش يقولي علشان الصحه و التعليم لان كل واحد في البلد دي عارف ان احنا هنتفحت و بعد كده برضه هتفضل الصحه زفت و التعليم زفتين ده اللي اهله دعوا عليه و دخل تأمين صحي او مستشفي حكومي بيطلع معاه نفس المرض و عليه ١٠٠ مرض غيره !! ،،،،،، و بعد كده بقي لما حد يكلمني علي الدول المتقدمه مفيهاش دعم اصلا احب اقوله ان البلاد بره بتدي مرتبات محترمه و بتدي خدمات محترمه و اه صحيح مفيش دعم علي السلعه بس في دعم فلوس بيجيلك باشكاالل كتير جدا

المشاركة الأصلية كتبت بواسطة kareem.elaraby

الراجل بتاع 18000 في السنه

لو انت ساكن في أكتوبر و شغلك في مدينه نصر فرضاا انك رايح جاي دائري
الفرده الواحده لا مؤاخذه يعني 60 كيلو رايح و زيهم جاي توتال 120
عاوز من كوبري أكتوبر 48 رايح بس يعني توتال 96
ده مشاوير شغل بس
120*21(الشهر)*12(عدد شهور السنه) = 30240 شغل بس لا فيه مشاوير بيت ولا خروجات ولا حتي مشوار التوكيل
ده علي فرض ان الراجل ده مش sales man
دول ليهم case تانيه خالص
يا ريت بس نبص لغيرنا و نشوف ظروفهم و اماكن شغلهم و اماكن سكنهم و نحط نفسنا مكانهم و نشوف ده هيبقي فيه اجحاف و ظلم لينا وهنقدر علي المصاريف ديه مع المرتبات بتاعتنا و الكلام مش لحضرتك بس ده لكل الاعضاء اللي داخلين يكتبوا أرقام يمكن حتي ما تشوفهاش في الاحلام الورديه و كلام theoretical بحت و بيدافعوا عن شويه ........* جاين حبا في السلطه و طلع في الاخر زيهم زي غيرهم لا عندهم خطه ولا يحزنون ولا حتي أدني تفكير و أظن مفيش دليل أحسن من القرارات اللي بتطلع قبل اذان الفجر و تتلغي بعد جماعه الفجر و كم التخبط اللي ما يطلعشي من واحد في ثانويه عامه مش دكتور في الجامعه و رئيس وزرا و رئيس مصر !
و بعدين العربيه بتبقي في الخليج بنص تمنها و عندك هنا الضعف و فاضيه و قارعه و بعض التوكيلات ما تعرفشي يعني أمان و سلامه الركاب همها البيع و الفلوس و طبعا ده عشان مفيش رقابه عليهم
عاوز تقارن بأمريكا تعالي أديك هنت صغير أوي
هيئه سلامه الطرق الفيدراليه
كل عربيه تدخل السوق الامريكي لازم يكون فيها minimum requirement في الامان و الخفاظ علي سلامه ركابها

بلاش دفاع و المشاعر و الاحاسيس و كل عواطف الجياشه ديه كلها
شيل الفيوز بتاعهم و حكم عقلك
مفيش مبررات نهائي
الصح صح و الغلط غلط و لو علي رقبتي !

الله يفتح عليك والله انت قولت الخلاصه