مبروك . الحكومة هاتعطف علينا ب 5 لتر بنزين كل يوم

**yyy** · 02-01-2013 10:41 PM

المشاركة الأصلية كتبت بواسطة tutankhamoun

أنت عارف المشكلة أيه يا أستاذ أحمد ؟
ان الناس أتعودت على الدعم ....... و بالتالي الأغلبية بتعتبره حق مكتسب .
مع أن الدعم ده المفروض بيكون في حالات معينة فقط لا غير .

و الصحيح
هو أن أي سلعة تباع بسعرها الحر و يكون عليها جمارك لمساعدة الحكومة في تنفيذ خطط التنمية .
=====

و المرتبات بردو تبقي بالسعر الحر
لكن الحكومه كدا بتحتكر
يعني علشان مفيش شغل فبتشغلك بالسعر ال علي مزاجها
و في نفس الوقت هيا المتحكمه في الاسعار فتبيع علي مزاجها
و مفيش نسبه بين السعرين !!!

**shaddadfalcon1** · 02-01-2013 10:48 PM

كنت لسه بتكلم مع واحد عن دبي وقالي الأتي

عشان اطلع رخصه بس لازم ادفع اكتر من 4000 درهم يعني اكتر من 7000 الاف جنيه وكل مره تسقط تدفع 1100 درهم
عشان تاجر شقه بتدفع 5% للبلدليه و5% مش عارف ايه تاني و5% كمان لايه وعقود كل سنه يعني تقريبا بتدفع اكتر من 15% من تمن الأيجار السنوي للدوله

والبنزين اغلي من عندنا كمان

ياتري لو عندنا عملو كده يبقي رد فعل الناس ايه؟
طبعا هيقولو لما يظبطو الدنيا يبقي ياخدو

طيب هما هيببطو الدنيا منين ؟

**Ahmed Selim** · 02-01-2013 11:22 PM

المشاركة الأصلية كتبت بواسطة shaddadfalcon1

كنت لسه بتكلم مع واحد عن دبي وقالي الأتي

عشان اطلع رخصه بس لازم ادفع اكتر من 4000 درهم يعني اكتر من 7000 الاف جنيه وكل مره تسقط تدفع 1100 درهم
عشان تاجر شقه بتدفع 5% للبلدليه و5% مش عارف ايه تاني و5% كمان لايه وعقود كل سنه يعني تقريبا بتدفع اكتر من 15% من تمن الأيجار السنوي للدوله

والبنزين اغلي من عندنا كمان

ياتري لو عندنا عملو كده يبقي رد فعل الناس ايه؟
طبعا هيقولو لما يظبطو الدنيا يبقي ياخدو

طيب هما هيببطو الدنيا منين ؟

الرخصة فى الإمارات تكلفتها بتفرق من إمارة للتانية

أنا مطلع رخصة مكلفاني 100+400+900+500= يعني 1900......و ده ليه مبرر على فكرة.
الدولة أخدت من دول 500 درهم و ال 900 و 500 الباقيين راحوا لمدارس تعليم السواقة ( مدرسة علمي و مدرسة نظري و على الأقل العملي مش حكومية) اللى بتدخلها مش بمزاجك.......علشان الناس تبقى بتسوق صح.

الإيجار فى الشارقة بتدفع للدولة 600 درهم سنوية مصاريف توثيق عقد الأيجار فى البلدية فقط لا غير...سواء أجرت ب 1000 أو 5000 فى الشهر........و بتدفع تأمين مسترد للكهرباء و المياه و الغاز 2000 درهم.....مرة واحدة طبعاً.

ليا صديق لسه بيأجر حالياً فى دبي.........هسأله و أجيبلك التفاصيل.....مع أني أعتقد أنها لو زادت عن الشارقة مش هتزيد كتير.......و في رأس الخيمة مفيش مصاريف توثيق ولا تأمين ولا أى حاجة.

نسيت أقولك أن هنا البنزين غالي........يعنى ال 95 ب 1.73 درهم للتر ( وفيه 92 بس مش منتشر فى كل المحطات)......و ده بالنسبة لدول الخليج غالي جداً...........بس فى المقابل ممكن تركب عربية زيرو محترمة زي الأكورد ب 75 أو 80 ألف درهم........و بكده تكون أترحمت من عربية موديل حاجة و 70 محتاجة كل شوية شغل و صيانة عند الميكانيكي علشان تمشي.

و نسيت اقولك برضه أن مع غلو البنزين فيه وسائل مواصلات أدمية.....بتوديك من أول دبي لأخرها ب 20 درهم أو أقل.

و نسيت أقولك أن الشوارع كلها زي الفل و مش بتخليك تتخيط فى مصاريف تصليح علشان لبست حفرة أو مطب.....او حتى مصاريف كل شوية علشان تربط العفشة و تظبط زوايا أو تغير كاوتش و جنط.

و نسيت أقولك أنت التأمين الصحي الحكومي لغير المواطنين..........تأمين معقول (أو ممكن نعتبره محترم جداً بمقارنته بالتأمين الصحي فى مصر).....ممكن يعمل عملية لواحد مش مواطن ببلاش أو بمصاريف قليلة.....و أعرف واحد لسه عامل عملية اللوز لأبنه من شهرين.

و أخيراً لما أكون بقالي 30 سنة بتسرق من الحكومة.......يبقى طبيعي لما تيجي الحكومة تطالب بحاجة زيادة اقولها ظبطي الأول و بعد كده خدي خصوصاً لما تكون الحكومة وعدت بحاجات كتير و مفيش حاجة واحدة أتنفذت :)

**hossam_elwani** · 03-01-2013 12:26 AM

المشاركة الأصلية كتبت بواسطة ahmed_adham

على فكره يا جماعه 150 لتر في الشهر مش شويه. لو اللتر بيمشي 10 كيلو يبقى ال 1800 لتر بيمشو 18 ألف كيلو في السنه. شوفو العربيات المستعمله المعروضه للبيع او حتى عربياتكو انتو هتلاقوها بتمشي في المتوسط بين 15 الف ل 20 الف كيلو سنويا يعني 18 ألف هتكفي ناس كتير جدا ممكن 95% من الناس.

المهم بس يكون الليمت سنوي مش شهري لأن الاستهلاك في شهر ساعات بيزيد عن التاني حسب ظروف الخروجات والمشاوير.

والى بيستخدم العربيه كل يوم يعمل ايه ؟؟؟

**Kareem.ElAraby** · 03-01-2013 07:30 AM

المشاركة الأصلية كتبت بواسطة Ahmed A.Maksoud

الرخصة فى الإمارات تكلفتها بتفرق من إمارة للتانية

أنا مطلع رخصة مكلفاني 100+400+900+500= يعني 1900......و ده ليه مبرر على فكرة.
الدولة أخدت من دول 500 درهم و ال 900 و 500 الباقيين راحوا لمدارس تعليم السواقة ( مدرسة علمي و مدرسة نظري و على الأقل العملي مش حكومية) اللى بتدخلها مش بمزاجك.......علشان الناس تبقى بتسوق صح.

الإيجار فى الشارقة بتدفع للدولة 600 درهم سنوية مصاريف توثيق عقد الأيجار فى البلدية فقط لا غير...سواء أجرت ب 1000 أو 5000 فى الشهر........و بتدفع تأمين مسترد للكهرباء و المياه و الغاز 2000 درهم.....مرة واحدة طبعاً.

ليا صديق لسه بيأجر حالياً فى دبي.........هسأله و أجيبلك التفاصيل.....مع أني أعتقد أنها لو زادت عن الشارقة مش هتزيد كتير.......و في رأس الخيمة مفيش مصاريف توثيق ولا تأمين ولا أى حاجة.

نسيت أقولك أن هنا البنزين غالي........يعنى ال 95 ب 1.73 درهم للتر ( وفيه 92 بس مش منتشر فى كل المحطات)......و ده بالنسبة لدول الخليج غالي جداً...........بس فى المقابل ممكن تركب عربية زيرو محترمة زي الأكورد ب 75 أو 80 ألف درهم........و بكده تكون أترحمت من عربية موديل حاجة و 70 محتاجة كل شوية شغل و صيانة عند الميكانيكي علشان تمشي.

و نسيت اقولك برضه أن مع غلو البنزين فيه وسائل مواصلات أدمية.....بتوديك من أول دبي لأخرها ب 20 درهم أو أقل.

و نسيت أقولك أن الشوارع كلها زي الفل و مش بتخليك تتخيط فى مصاريف تصليح علشان لبست حفرة أو مطب.....او حتى مصاريف كل شوية علشان تربط العفشة و تظبط زوايا أو تغير كاوتش و جنط.

و نسيت أقولك أنت التأمين الصحي الحكومي لغير المواطنين..........تأمين معقول (أو ممكن نعتبره محترم جداً بمقارنته بالتأمين الصحي فى مصر).....ممكن يعمل عملية لواحد مش مواطن ببلاش أو بمصاريف قليلة.....و أعرف واحد لسه عامل عملية اللوز لأبنه من شهرين.

و أخيراً لما أكون بقالي 30 سنة بتسرق من الحكومة.......يبقى طبيعي لما تيجي الحكومة تطالب بحاجة زيادة اقولها ظبطي الأول و بعد كده خدي خصوصاً لما تكون الحكومة وعدت بحاجات كتير و مفيش حاجة واحدة أتنفذت :)

الله ينور عليك

**amr5500** · 03-01-2013 07:47 AM

المشاركة الأصلية كتبت بواسطة ahmed a.maksoud

و أخيراً لما أكون بقالي 30 سنة بتسرق من الحكومة.......يبقى طبيعي لما تيجي الحكومة تطالب بحاجة زيادة اقولها ظبطي الأول و بعد كده خدي خصوصاً لما تكون الحكومة وعدت بحاجات كتير و مفيش حاجة واحدة أتنفذت :)

هي الحكومه الحاليه هي اللي مسئوله عن اخطاء ال 30 عام الماضيه!!!!!!!!
سبحان الله

**tutankhamoun** · 03-01-2013 08:05 AM

المشاركة الأصلية كتبت بواسطة amr5500

هي الحكومه الحاليه هي اللي مسئوله عن اخطاء ال 30 عام الماضيه!!!!!!!!
سبحان الله

+11111111111

الناس في الموضوع بتتكلم عن الحكومة و كأنه شخص حقيقي و ليس شخص أعتباري .

كلمة حكومةمطاطة قوي قوي .....

مش دول اللي كانوا حاكمين البلد ال 30 سنة اللي فاتت علشان نقولهم أعملوا الأول و بعدين نبقى نقبل أننا نتنازل عن الدعم (اللي هو أصلا غلط )

و بعدين أنت عامل زي الأبن اللي بيقول لأبوه .... مش هاقبل تقطع عني المصروف ..... إلا إذا أشترت لي هدوم جديدة .

و هو مش مدرك أن الأب بيقطع المصروف ......... علشان مش معاه يعطي مصروف أصلا ...... ما بالك بالهدوم الجديدة !

المثل البلدي بيقول

أطبخي يا جارية ......... الجارية قالت ....... كلف يا سيدي .

عايز الحكومة تطبخ ......... اديها فلوس تكلف .... (ده مثال توضيحي لا ينطبق على حالتنا و لكنه توضيحي و فيه جزء كبير من الواقع المصري .)

**tutankhamoun** · 03-01-2013 08:06 AM

أنا عايز أعرف رأي الناس لو

الحكومة قالتلهم نشد الحزام سنة ........ و ما نأخدتش قرض من البنك الدولي

عايز أعرف رد الفعل ...

**tutankhamoun** · 03-01-2013 08:16 AM

المشاركة الأصلية كتبت بواسطة yyy

و المرتبات بردو تبقي بالسعر الحر
لكن الحكومه كدا بتحتكر
يعني علشان مفيش شغل فبتشغلك بالسعر ال علي مزاجها
و في نفس الوقت هيا المتحكمه في الاسعار فتبيع علي مزاجها
و مفيش نسبه بين السعرين !!!

هي الحكومة بتشغلك بالعافية ؟
السوق مليان شركات قطاع خاص أفضل مليون مرة من الحكومة .
و بعدين الحكومة لو تبيع بالسعر الحر للبنزين ..... و تسيب الموضوع للقطاع الخاص .

يعني لا هايبقى فيه 5 لتر ...... و لا يحزنون .

-

الموضوع: مبروك . الحكومة هاتعطف علينا ب 5 لتر بنزين كل يوم

LinkBack

أدوات الموضوع

عرض

-

-

-

-

-

-

المواضيع المتشابهه

الف مبروك علينا عمرو السيد منسق قسم لوجان

مبروك علينا عودة المنتدى... ماروتي اجمع هنا

مبروك علينا جميعا عودة المنتدى بس ليا طلب صغير

الف مبروك علينا تمت اضافه مطبين جدد

الكلمات الدلالية لهذا الموضوع

المفضلات

المفضلات

ضوابط المشاركة