الموضوع: مبروك . الحكومة هاتعطف علينا ب 5 لتر بنزين كل يوم

ما هو مفيش حاجة هاتتعدل و الدعم ده موجود (فلوس ببتحرق في الهوا بدون أي أستثمار حقيقي )
لا مستشفيات هاتتعدل ......... و لا طرق هاتتعدل ............ و لا أي خدمة هاتتعدل .

الدعم ده كارثة

مفيش دولة متقدمة عندها دعم على أي حاجة .
كل الناس بتشتغل ........ و مقابل لعمل بتحصل على منتجات و خدمات ذات جودة عالية .

أنا مش أخواني على فكرة ........

دي وية مشاركات لي في مواضيع مشابه

من ناحية العدالة الأجتماعية

فيه ناس مش لاقية تأكل و مش لاقيه شغل و مش لاقيه تعليم و لا مستشفيات في الأرياف
و أحنا هنا معانا عربيات ......و كمان بنأخد عليها دعم بنزين بالاف الجنيهات سنويا و هما مش بيشوفوا الكلام ده علشان حقيقة بسيطة و هو انه معندوش يشتري عربية زي اللي احنا شارينها .
فين العدالة في توزيع 20 مليار دول ؟؟؟؟

الدعم ده أصلا كارثة .

هاقولك ليه .
واحد فقير في الصعيد مثلا معندوش عربية و دخله على قده .

واحد تاني معاه عربية و شغال في شركة و بيقبض مثلا 3000 جنيه .

انت عارف ان اللي معاه عربية و بيقبض 3 الاف جنيه ........... بيحصل على دعم يصل لالاف الجنهيات سنويا لمجرد أنه عنده عربية

و الفقير الغلبان في الصعيد أو الأرياف مش بيشوف 1 % من الدعم ده .

فين العدل في الدعم بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

ده المفروض بيكون تدريجي ....... ثانيا يكون فيه رفع دائم عن الطاقة مقابل تقديم خدمة أوتوبيسات و قطارات بأسعار معقولة للناس عموما .

أنا عندي فلوس الدعم دي تروح لتجويد الخدمات و بناء المصانع أحسن 100 مرة من أن أنا أخد دعم على البنزين .

علمني الصيد و مش عايز منك سمكة .

أرجوكم عايزين نبص للموضوع شامل ......... و مش عايزين نبص تحت رجلينا .

المشاركة الأصلية كتبت بواسطة captain-ahmed

ياجماعه والله العظيم لازم نعمل وقفه لازم يكون لينا صوت ووجود واتمنى نايل موتورز تعمل وقفه او تنظم حاجه زي كده نعبر عن استياءنا دا اسمه استهبال واستنطاع خدمات ايه وتعليم مين ومستشفيات مين الي بيتكلم عنها دي
هو بيتكلم عن دوله تانيه

تعليم متخلف وخدمات معدومه ومستشفيات الي يدخلها سليم يخرج منها ميت والدليل حصل معايا في اقرب انسان على قلبي الله يرحمه وكل حاجه زفت

كمان يغلوا بنزين وسجاير ويحددولنا 5 لتر ف اليوم اعمل بيهم ايه دول ان شاء الله انا واحد شغلي ف اسكندريه وبسافر من القاهره لاسكندريه كذا مره في الاسبوع
ايه الاستعباط دا

أنا معاك إن الفكرة مش على المزاج قوي

لكن الكلام حقيقي
الدعم لابد يوصل لمستحقيه فقط
الحل التاني لو مش قادرين نوصل الدعم لمستحقيه الحل إن الدعم يترفع بالكامل

لكن يفضل دعم الوقود ياكل ميزانية البلد مينفعش

محتاجين نوجه الدعم لحاجات أهم زي التعليم والصحة والمرافق العامة

لكن الطريقة تكون مدروسة كويس
-
-

عايزين نهضة كمان كدة مش كفاية علينا . عايزين نتوب
الاحلى من الخبر ان فيه ناس هاتدخل تدافع عن القرار ده ولو القرار اتلغى برده هم هم هايدخلو يشكرو الظروف السعيدة وده حصل قبل كدة كتيييييييييييير
هو صحيح حسنى مبارك الحرامى العلمانى اللى مابيتقيش ربنا كان بيمشى البلد ازاى هو وحكومته ؟

المشاركة الأصلية كتبت بواسطة hondawy_2008

افتكاسات الاخوان

كنت مشيها ازاي يا حسني ؟؟؟؟!!!!!

دخلونا في أزمة كهربا و مية و طاقة

الله يحرق اليوم اللي طلعت فيه الثورة اللي هترجعنا 100 سنة ورا ديه

أنا مش مشجعين الأخوان ... و لكن أحقاقا للحق .

و له لهم ذنب في اللي بيحصل

مبارك مسلمها خرابة ........ و الشعب بيكمل عليها .

مظاهرات فئوية بالجملة .... القوى السياسية غير متعاونة مع بعضها بما فيها الاخوان و محدش عايز يوصل لطريق وسط و المعارضة المدنية بتتلكك للأخوان و شايفينهم غلط في غلط ...... و الأخوان شايفينهم غير وطنيين و بصراحة الطرفين طمعانيين في السلطة .

لو هانتكلم عن الثورة ........ قطع الدعم الحكومي .... و خلق فرص عمل حقيقية هو الثورة الصحيحة .
و إلا كان مبارك فضل الرئيس و نفضل طول حياتنا نأخد دعم
و لكن لا يوجد صناعة و لا جودة في التعليم و الصحة و خلافه .

الشعب المصري و مصروفاته أكبر من دخل مصر و أيراداتها .
الزيادة في المصروفات نتيجة للزيادة السكانية و ما يتبعه من زيادة على الطلب للطاقة و الطعام و مستلزمات الحياة هو أقل من الأنتاج الفعلي و بالتالي هانفضل نشعر أن البلد تعبانة

طول ما المعادلة دي مش مظبوطة
اللي عايز يشوف الحقيقة بشكلها القبيح هايشوفها ......... و اللي عايز يلوم أي حد و خلاص على مشاكلنا هايعمل كدا برضه و كل له وجهه نظره طبعا .
مع تحياتي

المشاركة الأصلية كتبت بواسطة tutankhamoun

لو هانتكلم عن الثورة ........ قطع الدعم الحكومي .... و خلق فرص عمل حقيقية هو الثورة الصحيحة .