الموضوع: يا ريت من زوي الخبرة او دكتور بيطري يفدني

انا الحمد لله كنت عامل مشروع ارانب كا هوايه وعايز اجرب حاجه جديده لكن حاليا بفكر ارجع في كلامي من الي بشوفه
الحمد لله من اول بدايه كانت بخسارة تلتين الانتاج طب طالما في الانتاج ماشي مش مشكله
تاني دورة كانت بخسارة التلت طب كويس تقدمت
وكنت بستفيد من كل حاجه بتحصل لحد اما عرفت تقريبا امشيها بنفسي من اول مسكته لحد بيع الانتاج
________________________________
نيجي بقي للشكوي (مواقف لسه اول مرة اتعرضلها)
1- عندي ام ماتت اول امبارح وكانت والده بقالها 3 ايام وكنت عشرتها في نفس اليوم وكانت سايبالي كوم عيال ونقلت الي عرفت انقله لامهات تانيه (انا مستغرب لانها كانت نشيطه جدا قبل ما تموت بيوم ودي مش من عاده الريكس)
وفضل شويه رضعتهم بنفسي فا ماتو لما اديت كل واحد فيهم 3سم لبن بخيره
2- في ارنب نتف شعره في القفص بقاله بتاع سبع ايام مع ان معاده المفروض يا بكرة يا يوم 1/1
3- ارنب عشرته ودخل في 31 يوم ومنتفش ريشه اصلا
4-ارنب كنت عشرته ولحظت بعد مرور 20 يوم ان لسه مفتري في اكله فعرته للدكر واتلقح فمش عارف بقي عشر ولا لاء
5-انا سايب فرق حوالي شبر في الشباك من فوق للتهويه ليهم بس المشكله اتجاه القه بحري قبلي ودور سادس وهي اعلي عمارة في المنتقطه فا في هوا شويه
6-انا لسه عامل شغل في الشقه وعملت جرادل الميه سيفون فدي عمالي مشكله في الادويه ان فاعليتها بتخف
7-انا بتعامل معاهم بادويه بشري زي الكيبوريكس لان لقيت ارنب بيعطس ولقيت بعد العطسه تقريبا بلغم
8-استخدمت كريم للجرب اسمه بنزنيل انا لحظت انه خف بس لسه مفهاش شعر فقلقان
9-عندي ام عصبيه وكذا مرة كانت هتعضني فلو عضتني هل لازم اخد ححقن او خلافه
______________________________________________
دلوقتي برضه انا لسه ان شاء الله هجيب كام بطريه كمان
فعايز اشوف احسن الانواع
لان الانواع الي عندي
1-ريكس/بابيون/فلاندر
الريكس انتاجه عجبني
البابيون لسه مشفتش من اي حاجه الفلاندر انتاجه الي شايفه ضعيف لانه 4 لكن برضه مستني التاني وهحكم
__________________________________
ومنصحش بالنيوزلاندي ولا الشانشيلا وحشين وعن تجربه
جدول الادويه الي ماشي بيه
السبت /الاحد دافع نمو
الاثنين املاح معدنيه
الثلاثاء فيتامين
ببقيه الاسبوع ميه عاديه
__________________________________
اسف يا جماعه علي الازعاج
وشكرااااا جدااااااااااااااا مقدما