الموضوع: ان شاء الله مقدم على شراء كروز 2013 وعندى شوية استفسارات

المشاركة الأصلية كتبت بواسطة yasserelshakwe

عاوز اشتري كروز 2015 هل تنصحون بها وقطع الغيار متوفرة وفي متناول اليد
واخبار التوكيل بتاعها كويس ولا تعبان

2015 لسة منزلتش أصلا اللي موجود 2014 وفي كلام إن 2015 حتنزل صيني ..

بالنسبة لقطع الغيار والتوكيل فمعرفش عنه لسة لإن لسة العربية معايا بقالها شهر ونص

المشاركة الأصلية كتبت بواسطة hossam_elwani

ان شاء الله مقدم على شراء كروز هاى لاين 2013 بعد الحيره بين نيسان صنى والالنترا والاسترا الجديده

ولان لقيت الصنى جودة خامتها وتقفيل مش تمام وكمان الشكل مش هاضمه وحاولت اقنع نفسى بيها عشان السيفتى الى فيها وكونها يابانى ولكن مقدرتش بعد تفكير اخد من كتير اوى ولان كمان الالنترا سعرها مبالغ فيه جدا ووصل سعر الفئه الى توازى الكروز هاى لاين الى 152000 ولان لقيت الاسترا الكوزمو سعرها كتير عليها حبتين وكمان سعر اعادة البيع قدام حيزعلنى توكلت على الله وقولت خير االامور الوسط وقررت اجيب الكروز
الف مبروك السيارة يا استاذ حسام ولو انها متأخرة كتير قوى , يا رب تكون فى احسن حال وتكون الكروز عند حسن ظنك بيها وربنا يكفيك شر طريقك وشر عيون الناس . انا حاجز كروز 2015 ومستنى ورق البنك يخلص فبعد اذنك كنت حابب اطمئن من سيادتك على العربية واخبارها ايه معاك وهل فعلا مشاكل الموديل القديم اختفت ولا بظروفها ؟ واهم حاجة بالله عليك زيت الفتيس بتغيره ازاى وفين ؟ فى التوكيل ولا برا وعلى مرة واحدة ولا مرتين لان الواحد دماغه لفت من الموضوع دا . واخيرا شكرا مقدما على تقريرك الرائع عن العربية ويارب دايما تكون فى احسن الاحوال. مع خالص تحياتى