ان شاء الله مقدم على شراء كروز 2013 وعندى شوية استفسارات

**hossam_elwani** · 31-12-2012 12:36 AM

ان شاء الله مقدم على شراء كروز هاى لاين 2013 بعد الحيره بين نيسان صنى والالنترا والاسترا الجديده

ولان لقيت الصنى جودة خامتها وتقفيل مش تمام وكمان الشكل مش هاضمه وحاولت اقنع نفسى بيها عشان السيفتى الى فيها وكونها يابانى ولكن مقدرتش بعد تفكير اخد من كتير اوى ولان كمان الالنترا سعرها مبالغ فيه جدا ووصل سعر الفئه الى توازى الكروز هاى لاين الى 152000 ولان لقيت الاسترا الكوزمو سعرها كتير عليها حبتين وكمان سعر اعادة البيع قدام حيزعلنى توكلت على الله وقولت خير االامور الوسط وقررت اجيب الكروز

وعندى شوية استفسارات

1- ايهما افضل اشترى من الوكيل مباشراً ولا اشترى من موزع افضل؟؟

وايه افضل موزع لشيفروليه فى اسكندريه؟؟ من ناحية التعامل والامانه..

2- فى رأيكم ايه احلى لون عليها ؟؟

انا عامل استطلاع ياريت تشاركو فيه؟؟

3- ايه العلاقه بين اللون الخارجى ولون الصالون والطابلوه؟؟ يعنى هل اللون النبيتى بيجى الفرش الخاص بيها احمر والطابلوه احمر ولا ايه ؟؟

4- ايه الى بيجى مع العربيه يالتفصيل سواء كان كتالوجات او ضمانات او عده وخلافه ؟؟

تحياتى وشكرا للجميع

**Youssef.Awad** · 31-12-2012 12:59 AM

انا هاجاوب على اللون الخارجى فقط .. بافضل الفضى والدواخل تكون رمادى او اسود

**hossam_elwani** · 31-12-2012 01:37 AM

المشاركة الأصلية كتبت بواسطة amribrahim

موديل 2013 المفروض نزل فيه الماتور الجديد ايكوتيك

أنا بعشق الاسود خاريجي و بيج داخلي أو موكا إلي هو بني غامق

اشتري من منصور أحسن علشان تقدر تفاصل و كمان تبقى مطمن

بيج داخلى هو فيه بيج دخلى ؟؟ ياريت صوره للون المقترح

**hossam_elwani** · 31-12-2012 01:38 AM

المشاركة الأصلية كتبت بواسطة youssef.awad

انا هاجاوب على اللون الخارجى فقط .. بافضل الفضى والدواخل تكون رمادى او اسود

وهو فيه اسود داخلى كله شامل القماش الى فى التابلوه ؟؟

**hugan** · 31-12-2012 01:52 AM

مبروك مقدما حسام باشا

**hossam_elwani** · 31-12-2012 02:20 AM

المشاركة الأصلية كتبت بواسطة hugan

مبروك مقدما حسام باشا

الله يكرمك ويبارك فيك انا كنت مأجل شويه لبداية الصيف بس زى ما انت شايف العربيات اسعارها راكبه صاروخ وطالعه لفوق

**hossam_elwani** · 31-12-2012 03:00 AM

المشاركة الأصلية كتبت بواسطة s o p h o s

انا شاء الله تكون خير عليك ويوفقك للافضل
وعن اللون ففي لونين حلوين فراي فقط واحد من موضوع حضرتك

والتاني

والف مبروك مقدما ان شاء الله
تحياتي ..

شكرا وربنا يبارك فيك ويعزك

انا عجبنى اللون الاول بس خايف يكون لونها وحش فى الشمس ويكون فاقع زياده عن اللزوم عايز يتشاف فى الشمس على الطبيعه عشان احدد هو احلاهم ولا لا .. وكمان النبيتى فى الحسبان لانه لون جميل

**AlGazar2** · 31-12-2012 04:11 AM

هنصحك فى اللون

الاسود عليها مع حبه تظبيطات بيبقى فخم جدا
و الفضى بيبن كل تفاصيل العربيه و مش سهل يبان فى التراب

و الفرش الداخلى خليه اسود

هاتها من منصور احسن

و المفروض يجى مع العربيه الكتالوج بتاعها و كتاب الصيانة و الضمان و كوريك و مفتاح عجل و مفك تقريبا و حاجة بتتشد بيها العربيه من قدام

و الاستبن طبعا و المفتاحين

لو المكان محترم بيكون فى هدايا طقم دواسات و غطا و ميدالية

و مبروك عليك العربيه