هل جمعية رسالة أهل للثقة ؟؟
أنا أسمع عنها فقط
لكن هل أحدكم يعطيني فيها قولاً عن تجربة لأتعامل معها
-
عرض للطباعة
هل جمعية رسالة أهل للثقة ؟؟
أنا أسمع عنها فقط
لكن هل أحدكم يعطيني فيها قولاً عن تجربة لأتعامل معها
-
توكل على الله
جمعية سمعتها طيبة
وكان في واحد صاحبي اشتغل معاهم سنتين كان بيجكيلي على مجهوداتهم الكبيرة
اخلص النية وتوكل
ممكن تروح المركز بتاعهم اللي في مصر الجديدة عند عمر افندي وتشوف بنفسك
انا بتعامل معاهم فى تبرعات لكفاله اليتيم
و عمرى ماسمعت عنهم كلمه وحشه
أنا بتعامل معاهم كمحاضر لدورات تدريب للمحاسبين - بدون مقابل - ، وصاحبى مشترك معاهم من ايام الجامعة فى كل الانشطة. هما بيعتمدوا على النشاط التطوعى من الشباب وليهم مجهود خدمى كبير.
ربنا يجازيهم كل خير.
اهل للثقه تماما بتعامل معاهم من اكتر من 5 سنين
الفكره انها مشهوره و دخلهم ما شاء الله كبير .. لو جنبك جمعيه ثقه و مش مشهوره هتكون اولى بالتبرعات انما لو معندكش يبقى رساله بدون تفكير
وانا برضوا مسمعتش عنهم حاجة ويارب ما مسمعش :_Alshmokh22[1]:
وانا مرة كلمتهم علشان يجوا ياخدوا تليفزيون قديم كان عندي زيادة وحددوا موعد والتزموا بيه ...
وبصفة عامة , انت بتتبرع لوجه الكريم وربنا ان شاء الله يتقبل منك سواء لرسالة او لغيرهم !!!!!! والله يربى الصدقات (اي يزيدها) وربنا يتقبل
ممممم بص رسالة جمعية كويسة وكل حاجة
بس نصيحة من واحد كان جوا رسالة , متتبرعش نقدى فيها , لو عاوز تتبرع اتبرع لناس فقيرة او جمعيات ثقة تانية , بس متحطش تبرعاتك النقدية فى رسالة
اقتباس:
المشاركة الأصلية كتبت بواسطة mahmoud nagieb
ممكن تبعتلى على الخاص تفاصيل اكتر، انا اعرف ناس فى ادارة الجمعية ولو فية قصور ممكن اكلمهم فية ويحسنوة.
ولك الشكر
ليه؟ يا ريت تعرفنااقتباس:
المشاركة الأصلية كتبت بواسطة mahmoud nagieb
من فضلك عرفنا وجهة نظرك او المعلومة اللى عندك
عشان انت كده خليت الشيطان يلعب فى دماغ ناس كتيير
ناس كويسين جدا
يارب حد يدخل يقول الحقيقة عشان انا مش عارف اقول حاجة....
ولكن هقول ان في خير كتير جدا ممكن تعمله، بنك الطعام، ومجدي يعقوب، و اي حد حواليك غلبان، اتحاد الاطباء العرب...وغيره كتير. اشمعنى رسالة يعني؟!
وبس.
اتمنى ان الاخ ال قال بلاش تبرع نقدى فى رساله يدخل يقولنا ايه السبب على العام علشان نعرف الصح من الغلط وجزاه الله كل خير على النصيحه والتوجيه
بأتعامل معاهم من زمان و ما شفتش عليهم حاجة تقلقاقتباس:
المشاركة الأصلية كتبت بواسطة ahmed1981
ياريت تقول ليه ؟؟؟؟؟؟ بعد اذنكاقتباس:
المشاركة الأصلية كتبت بواسطة mahmoud nagieb
ناس محترمين جدا
بيتصلوا يحددوا مواعيدهم
ويتصلوا تاني يستفسروا لو فيه شكاوي من مندوبيهم او اي تقصير
بصراحه لا غبار عليهم
كان فيه ملجاء ايتام جنبنا وكنا بنوديله تبرعات وفي الاخر اكتشفنا انها سبوبه وشغل نصب علي كبير
وفي الاخر قفلوا ومشيوا
لو حد حيتبرع يبقي يتبرع لاهل الثقه زي رساله وغيرها
شوف انا مش هتكلم عن رساله
بس غالبيه الجمعيات الخيريه دى مشاريع تجاريه اساسا للكسب الغير مشروع
نظام شحاته ونصب بس محترم
الفرق بينهم وبين الشحات الى فى الشارع -انه بيطلب المساعدة بنفسه وممكن يكون محتاج فعلا -او هوة مش محتاج اصلا ومحترف شحاته
الجمعيات دى بقه رفعت الحرج عن الشحاتين وبتشحت بدالهم-بصورة احنا بنعمل خير
الى بيحصل يلموا فلوس -او يعملوا دار ايتام يلموا عليهم فلوس وتبرعات
90 فى الميه من الفلوس الى بتتلم بيحطوها فى بطنهم والباقى فعلا بيصرفوهم على الخير
علشان تحس انهم عملوا حاجه
-نصبحه متتبرعش بفلوس نهائى--لو انته تعرف حد محتاج-او حد غلبان مقسط حاجه ومش قادر يدفع اقساطها-اتعامل بنفسك
لو عندك شويه هدوم عاوز تخلص منهم -ابقه اديهم لاى جمعيه وخلاص-واحتمال اصلا ميجوش يا خدوها-ويقولوا عاوزين تبرعات ماديه عندنا هدوم كتير
--خلاصه الموضوع دة مشروع تجارى بحت-وبيكسب دهب
جمعيه رساله من اكبر الجمعيات فى مصر تقريبا والحمد لله على مدار السنوات ال فاتت مشفتش اى شى وحش من الاداره العليا ولكن اكيد فى سرقات من الموظفين العاديين ودا شى موجود فى كل مكان كبير ذى رساله ولكن الرقابه عندهم كل يوم اعلى من اليوم ال قبله وبيظبتوا الرقابه عندهم جدااااااااااااااااااااا
ودكتور شريف نحسبه على خير ان شاء الله وراجل فعلا محترم جدااااااااااااااااااااا
نسيت اقول ان فى خلال السنوات ال كنت فيها فى رساله لقيت ان بعض المتطوعين بيسرقوا برضوا يعنى شباب عندهم 18 سنه او اقل بيعملوا خير فى التطوع وبرضوا حراميه تيجى اذاى مش عارف
خلاصه الكلام اى مكان كبير بيكون فى حراميه ودا شى اكيد بس الاهم ان الاداره العليا مش حراميه ومش بتساعد على السرقه بالعكس كل يوم بتخلى الرقابه اعلى من اليوم ال قبله علشان السرقه تقل
متعاملتش معاهم قبل كده
بس الافضل هو ان تعطى المحتاج حاجته بيدك يدا ليد منعا للشك والريبه
وكده انت تكون مطمن
كده كده ثوابك واجرك ان شاء الله محسوب لان انما الاعمال بالنيات سواء هم بقو قبلوها على نفسهم
او اعطوها لمستحقيها
فكلا الحالتين انت ان شاء الله مثاب وستأجر
انما افضل بالنسبه لى راى الشخصى منك للمحتاج افضل
انا كنت بروح جمعية الرسالة والحاجات دى كنت بعملها انا واصاحبى
1 توزيع شنط غذائية شهريا لغير القادرين
2 توزيع كفالات نقدية شهرية لغير القادريين على العمل
3 تقسيم لحوم الاضاحى وتعبئتها وتوزيعها طول العام
4 علاج غير القادريين
5 تجهيز بنات الاسر غير المحتاجة
بصوا يا جماعة , اولا انا قولت جمعية رسالة كويسة ومقلتش انها نصابة ولا سبوبة ولا الكلام ده
ثانيا انا بصراحة مش عاوز اخوض فى تفاصيل
بس الفكرة بشكل عام , ان رسالة قايمة على تبراعات , وفيها انشطة كتيييرة اوى ماشاء الله , ومع كبر حجم الانشطة والجمعية وسمعتها ادى لزيادة الاعمال الخيرية وبالتالى زيادة المتطوعين
ده ادى ان فيه مصاريف كتيرة بتتصرف على حاجات زى نقل المتطوعين والترفيه عنهم واكلهم وكل ده من فلوس التبرعات
ده غير حاجات تانية
الخلاصة , رسالة اتطوع فيها واكسب ثواب
بس انا لو معايا فلوس عاوز اتبرع بيها , هشوف حالات انا عارفها وهساعدهم بنفسى , وتبقى حاجة بينى وبين ربنا
مع ذلك انا مبقولش رسالة نصابة ولا حاجة , بالعكس هيا مثال كويس لمساعدة المحتاجين
بس برضه , التبرع النقدى يفضل يكون لحالات معروفة للمتبرع بشكل شخصى او جمعيات تانية معروف انها مش بتضيع فلوس التبرعات فى اتجاهات تانية
تحياتى
اقتباس:
المشاركة الأصلية كتبت بواسطة Mahmoud Nagieb
حضرتك انا عارف سكك الفلوس بتيجى منين وبتروح فين
لعلمك , تكلفة العمرات اللى بتطلع اكتر من مليون و300 الف فى السنة مش نص مليون
ومصدرها مش المناديل والورق اللى بتتباع ,
ومعلش ده اخر مشاركة ليا فى الموضوع
للعلم فقط يا جماعه بس فيه قاعده عامه ان حوالي 25% من التبرعات للجمعيات الخيريه بتتصرف في التنظيم والاعمال الاداريه. سواء ده شيء سلبي أو ايجابي وجب التنبيه ليس الا. والافضل دايما هوه التبرع المباشر لو تعرف حد يستاهل التبرع واللجوء للجمعيات بس في حاله انك مش عارف حد يستاهل مساعده ماليه.
ياجماعه انا فاهم الاستاذ محمد نجيب بيتكلم في ايه بالظبط
من الاخر انت بتكون نيتك لله عز وجل تعمل خير وربنا بيجازيك عليه
تاني حاجه بيكون ليك هدف ان التبرع بتاعك بيوصل لمستحقيه (رساله بتوصله لمستحقيه بنسبة مليون في الميه )
وعن تجربه وشفت بعيني ووالدتي والحمد لله بتطلع ال فيه النصيب ليهم
لكن عشان تضمن دا انصحك نفس نصيحته تبقى الحاجه عباره عن حاجات قديمه اجهزه ملابس الى خلافه
لكن مش بحبذ موضوع التبرع المادي بالفلوس عشان انا هدفي الاول والاخير ان جنيه ادفعه يوصل لمستحقيه
لكن ميهمنيش ان الجمعيه تعمل من الفلوس دي بدل انتقال او اي غيره للمتطوعين
انا هدفي اساعد المحتاج وعشان اضمن دا مش ضروري ادي فلوس لكن ضروري ادي حاجه قديمه جاكت لبس انشالله اكل اي شئ صدقني هيوصل لمستحقيه عن طريق رساله
طبعا لو الواحد استطاع ان يوصل التبرعات بنفسه اكيد حيكون احسن
المشقه في انك تبحث عن الناس المحتاجه وتوصلهم اللي ناقصهم بيكون عليه اجر عظيم
وفي نفس الوقت تكون ارتحت من الارتياب والشك
انا ليا تجربه مع رساله في التبرع ببعض الاشياء العينيه
بصراحه بيشيلوا الاشياء باهمال وعدم مبالاه
يعني ممكن تكسر او يحصل لها اعطال
ودي مفروض امانه توصل لصاحبها بحاله جيدة
ربنا يتقبل منا جميعا ان شاء الله
طيب مطبيعى يصرف جزء من التبرعات على الادارة والتنظيم...لان علشان الموضوع يستمر مش حينفع كلهم يبقوا متطوعين...لازم ناس تبقى موظفينفى الجمعية وبيشتغلوا وبيقبضوا اخر الشهر ومش معقولة حيشتغلوا ببلاش
انا راى دايما ان التبرع للجمعيات احسن من انك تدى فلوس لواحد فى الشارع متعرفش هو محتاج ولا اغنى منك
ولا تدى لواحد تعرف انه محتاج بس يمكن فى الصعيد ولا فى القرى واحد معدم اكتر منه مليون مرة
على الاقل الجمعيات دى بتوجه لناس درست حالتهم بواسطة ناس متخصصين ورتبتهم وفقاً للاكثر احتياجاً