السماعات الخلفية

**memoo305** · 22-07-2008 08:44 PM

انا جبت كاسيت سوني اكسبلود وحاسس ان السماعات يتاعت الفابريقة مش عامله معاه اي حاجة.
فعاوز اغير السماعات إلى ورا بسمعات تكون محترمه بس ماحفورش لها بعني تكون نفس مقاس سمعات العربية الخلفية.
حد من أهل الخبرة ينصحني أجيب سماعات ماركتها ايه وبكام ومنين.
بارك الله فيكم

السيارة لانوس

**Sherif Khalifa** · 22-07-2008 10:22 PM

منتظر اية من سماعات LG مصرى :)؟؟!!

السماعات الدائرية مش هتيديك النتيجة الى فى دماغك بس لو عايز فرق بسيط فى pioneer or kenwood كويسين

**Strong** · 23-07-2008 01:17 AM

السماعات الدائرية كلها وحشة لو عايز سماعات حلوة هات البيضاوي ولو مش عايز تحفر في الرف الخلفي هات حوامل ليهم أنا جبت الاتنين ب 15 جنيه وشكلهم حلو ومش هتحتاج تقطع في رف العربية وهيدوك صوت تمام إن شاء الله ، والصوت بتاع البيضاوي أعلى وأقوى وممكن مع جي ام وشوية تعلية للصوت هيعمل زلزال ويرج العربية باللي حواليها .

بس خلي بالك في منهم أنواع كتير وللأسف دايما حظي وحش فيهم فاسأل على النوع الكويس قبل ما تشتري أنا اشتريت كتير لغاية 250 للسماعتين وكلهم أوحش من بعض بتلاقي السماعة بتفرقع وتتطقطق بعد فترة بسيطة من الاستخدام.

**محمد فريد** · 23-07-2008 06:35 PM

المشاركة الأصلية كتبت بواسطة AM011

بس خلي بالك في منهم أنواع كتير وللأسف دايما حظي وحش فيهم فاسأل على النوع الكويس قبل ما تشتري أنا اشتريت كتير لغاية 250 للسماعتين وكلهم أوحش من بعض بتلاقي السماعة بتفرقع وتتطقطق بعد فترة بسيطة من الاستخدام.

لا مش حظك وحش ده سوء استخدام
استنى بس متزعلش
انا اقصد انك مبتوظفش السماعات صح
يعنى ممكن تكون بتركب سماعات ضعيفة على جى ام عالى
او بتحمل بيز على سماعات مش مخصصة للبيز
يعنى لو عايز بيز تجيب صب وتخلى السماعات لل هاى رينج والميدرنج
ولاحظت من ردك انك اشتريت سماعات رخيصة اساسا ده ثمنهم ميجيش سماعات بيونير 350 وات

فالنهاية انا قصدت التوضيح مش أكتر

**Strong** · 23-07-2008 10:40 PM

المشاركة الأصلية كتبت بواسطة mody_2002_mody

لا مش حظك وحش ده سوء استخدام
استنى بس متزعلش
انا اقصد انك مبتوظفش السماعات صح
يعنى ممكن تكون بتركب سماعات ضعيفة على جى ام عالى
او بتحمل بيز على سماعات مش مخصصة للبيز
يعنى لو عايز بيز تجيب صب وتخلى السماعات لل هاى رينج والميدرنج
ولاحظت من ردك انك اشتريت سماعات رخيصة اساسا ده ثمنهم ميجيش سماعات بيونير 350 وات

فالنهاية انا قصدت التوضيح مش أكتر

شكرا لردك ، وهو فعلا ممكن يكون سوء استخدام أو بمعنى أصح ان المرة اللي بدأت السماعة تشخلل كنت أول مرة أعلى الصوت على الآخر ، والصوت مكنش عالي زي باقي العربيات اللي بأشوفها معليه الصوت لدرجة انه بيرج الأرض ، بس هي المشكلة ان أقل نوع في السماعات الكويسة أو بمعنى أصح أقل تمن لقيته كان 850 جنيه للسماعتين ومفيش ضمان معاهم، ولما أسأل اللي هاشتري منه بيقولي انت ونصيبك ومش عايز يقولي على النوع الكويس ، فحاسس ان ملهاش لزمة وخايف أجيبهم يفرقعوا زي غيرهم ويتحطوا في الشوال مع السماعات اللي ضربت

، فقلت اريح نفسي واشتري سماعات عادية في حدود 250 للسماعتين وماعليش الصوت للآخر ولو لقيت حاجة بالضمان أهم حاجة ممكن اشتريها حتى لو غالية

وياريت لو حضرتك عارف نوع سماعات كويس ومضمون أجيبه بالإسم وحد جربه تقوللي عليه بس عايز صوت عالي ومتكنش بتفرقع وتشخلل

**badroo_included** · 25-07-2008 10:32 PM

bema en el cassette sony xplod.. yeb2a hatlak sam3ten sony xplod brdo.. baydawi.. 400 watt.
da el model bta3hom XS-GT6948X
kano b 350 geneh..
ana merkbhom 3ndi m3 cassette sony w sothom gamed gedn w mest7meel volume 3ali w kol 7aga..