الموضوع: تكييف النوبيرا :(

حصل معايا حاجه شبهه كده كان العيب ف الفيشه اللي راكبهف الكمبروسر كانت معلقه ونضفتها عند الكهربائي والحمد لله بقي تمام

الف شكر لردود حضراتكم انا هروح لحد تاني بس بصراحه مبقاش في ثقه في الصنايعيه خالص
دا حماده الدكتور بتاع شارع الورش بصراحه هو فعلاً دكتور بس انا حسيت انه فعلاً بيحاول يعمل شغل عليا
خصوصاً بعد ماقعدت العب ف الفيوزات شكيت ان دا سبب المشكله و ف نفس كلامكم
انا هروح لحد تاني اقوله وش كده اكشفلي ع السير والفيوزات

وممكن حد فيكو يرشح صنايعي عنده ضمير او بيتعامل معاه يكون قريب من محيط عين شمس - المطريه - الزيتون اي حاجه ف الرينج دا والف الف شكر للمساعده من الجميع

المشاركة الأصلية كتبت بواسطة dr.kordy90

حصل معايا حاجه شبهه كده كان العيب ف الفيشه اللي راكبه ف الكمبروسر كانت معلقه ونضفتها عند الكهربائي والحمد لله بقي تمام

ممكن حضرتك تقولي هل كان بيطلع هوا سخن ولا قاطع سخن وبارد
عشان انا عندي بيطلع سخن عادي لكن المشكله ف البارد (وكشفت بنفسي ع الفريون)

المشاركة الأصلية كتبت بواسطة captain-ahmed

ممكن حضرتك تقولي هل كان بيطلع هوا سخن ولا قاطع سخن وبارد
عشان انا عندي بيطلع سخن عادي لكن المشكله ف البارد (وكشفت بنفسي ع الفريون)

كان بيطلع هوا سخن وقاطع بارد وبرده كشفت ع الفريون بنفسي لاقيته موجود وتمام بس الكمبوروسر مكنش بيلقط فكرت اجيب عصايه واشغل التكيف واهز الفيشه الصغيره اللي راكبهف الكمبورسور لاقيته بيشتغل وعادي روحت لواحد كهربائي قالي الفيشه مش مظبوطه ونضفها والحمد لله بقي تمام فغالبا هتلاقي الفيشه

ان شاء الله ممكن حضرتك تقولي التكلفه كانت كام وياريت توصفلي الكهربائي الي اتعاملت معاه ؟

التكلفه مفيش 5 جنيه ده الصبي بتاعه اللي عملها :d
انا من منصورة فاي كهربائي يعملها وانته لو عندك وقت اعملها هتفك الكارتيره اللي تحت عادي وتفك الفيشه وتنضفها بس عاوز تتاكد ان العيب منها هات عصايه وشغل التكيف عادي وهز الفيش بالعصايه لو لو لقط يبقي المشكله فيها وعلي فكره العيب ده شائع لان اعرف كزا واحد عنده نفس المشكله وبتوصل لحد تغير الفيشه ومتحاولش تحركها بايدك عشان خد بالك من المروحه والسيور قريبه بعصايه اضمن وربنا يسترها