جراند تيريوس عاوز اعرض الكاوتش بتاعها

انا معايا جراند تيريوس عاوز اعرض الكاوتش بتاعها ومش عارف اجيب اية اللي فيها 215/60/r16 وانا عاوز اعرض المقاس علي جنط 17 واحد نصحني بمقاس 255/55/r17
ومش عارف هينفع ولا لا وهل هوه متوفر ولا لا فياريت حد يساعدني

متابع ................

نصيحتي ليك بلاش لانك لو ركبت ال17 هتنزل بالبروفايل و مع شوارعنا الجميلة الكاوتش هيبقلل طبعا انا مش خبير و ده مش عن تجربة انا مجرد بقول الكلام اللي بسمعة من الناس انت لو شايف حاجة تانية براحتك

و ممكن تعمل بحث على جوجل Tire size calculator منه هتطلع مقاس الكاوتش المكافئ للأصلي

بالتوفيق

شكرا سامح لرايك بس انا كنت هكبر الجنط من غير ما اقلل الارتفاع كتير

انا كمان ياجماعة معايا تريوس 2009 والكاوتش بتاعها الاصلى لسه شغال وماشى معايا لغاية دلوقتى81 الف كيلومتر
ومش عايز حد يتفاجأ من الرقم لانه حقيقى والله
انا بقى عايز اغير الكاوتش بس عايز ابعد عن الدانلوب لانه مش حلو خالص
وعايز اعرض الكاوتش بس على نفس الجنط ال16
وانا اساسا مقاس الكاوتش
215/65 r16
بس ياجماعه التيريوس اللى معايا اللى هيا ال5 راكب مش الجراند

منصحكش ابدا ابدا ابدا انك تغير مقاس الكتالوج
لو الكتالوج مش مديك اختيارات يبقي خليك standard
تغيير مقاس الكتالوج حياثر بالسلب علي ثبات العربية بالاضافة الي انك لو عرضت الاطار حتضطر تقلل معامل رقم الارتفاع علشان تحافظ علي القطر الكلي للاطار وده حيخلي العربية تهبد في المطبات وممكن يخلي الكاوتش يعمل بلونة ويبوظ

اما من ناحية الانواع فانا حرتبهملك من حيث الجودة والاعتمادية:

1- مشلان (غالي موت)
2- بريدجستون (متجبش غير الياباني وحيبقي غالي بس ممتاااااااااز)
3- كونتينتال الماني (حتكون محظوظ لو لقيته بسعر كويس)
4- جود يير (ياباني) فردة ممتازة لكن عمرها قصير نسبياً
5- بريللي (لو الايطالي يبقي كويس)
6- كومهو كوري (وليس الفيتنامي) اقتصادي وسعره مناسب وجوده معقولة

غير كده متجبش اي حاجة تانية خسارة فيها الفلوس ده راي شخصي وانت خد قرارك

بص خليك فى المقاس الاصلى و بلاش تعريض
معتقدش ان العربية هتفرق كتير فى الثبات .... هى كده كده ثباتها وحش جدا اسألنى انا بسبب تصميم العربية نفسه و تصميم العفشة ..