اخى العزيز اللى بيبيعو العربية سواء الوكلاء او الموزعين حاسين بنفسهم زيادة عن اللزوم و شايفين ان العربية متباعه متباعه علشان كده هم مش بيجروا على حد
تحياتى
عرض للطباعة
يا باشا انا كلمت راجل المبيعات اللي انا حاجز معاه و قالي انهم موقفين كل التسليمات لان ممكن يكون في زيادة في الاسعار
ده ادعى إني اصمم على استلام العربية, يعني هو عايز ياخرني عشان يكسب أكتر!!
السلام عليكم
أنا اتصلت بنيسان إمبارح 1 يناير وسألتهم عن الأسعار، قالولي الأسعار زي ما هية مفيش تغيير. يبقى الوكلاء دول بيشتغلونا.
تاني حاجة قولت للموظف إني عاوز أعمل شكوى، فقالي أنه هياخد بياناتي ويبعتها لقسم الشكاوى وهما هيكلموني قبل الساعة 6 مساء، انتظرت تلفونهم إمبارح لغاية الساعة ستة ولا حس ولا خبر، الناس في نيسان نائمووووووووووووووووووووو ووووووووووووووووووووووووو ووووون. أنا الغسالة بتعتنا عطلة كلمت خدمة العملاء في شركة فريش اتصلو بيها في نفس اليوم 3 مرات وفي اليوم التالي جه الفني عملها صيانة من غير ما ياخد ولا مليم،
يا ناس، يا هووو، يعني الواحد يشتري غسالة فريش أحسن من نيسان صوبر صالون.
وبعدين عايز أقولكم على حاجة إحنا كده بنعمل دعاية للعربية وشركة نيسان ببلاش، لأن من كلامنا يتفهم إن العربية عليها ضغط ومش موجودة والإسعار ممكن تزيد كمان، يبقى العربية لقطة ومتتعوضش، الحق احجز قبل غيرك.
لذلك أنا لما كتب قبل كده عن التأخير كتبت ملاحظاتي على العربية عشان يبقى في توازن في شكوتي وعشان متبقاش شركة نيسان معلاقنه من رجلينه ونحن عمال نقول تحيا نيسان، تحيا نيسان. وبكده نيسان هتعرف إن كلما زادت الشكاوى عن التأخير زادت الملاحظات على العربية.
http://www.nilemotors.net/Nile/320317-a.html
وده هيساعد كل الناس المقبلة على شراء سيارة في اتخاذ قراره بشأن الشراء.
أنا أشكتيت بالتلفون و الايميل و الفيسبوك كمان، حستنى إسبوع محدش عمل حاجة ، حلغي الحجز و أجيب عربية تانية، أصلاً فكرة عدم الاهتمام من قبل مشتري مخليني قلقان جداً لو حصل حاجة في الصيانة، أنا فكر مرة اشتكيت رجب لما كان معاه توكيل فورد، عشان كنت بعيار إكصدام و ملقتش غير التايواني عنده و المهندس قالي أصل فورد بطلت تعمل قطع غيار للعربية ، في 48 ساعة واحد كلمني من فورد تركيا بيعتذر و بيقولي مشكلتك حتحل خلال 3 أيام ، بعدها رجب كلموني و قالولي الإكصدام جلنا dhl و احنا اسفين و مهندس الصيانة احنا زبطناه
علي فكره و الله انا زيك حاجز العربيه من شهرين برده من الاسماعيليه عند شركة اي اف جي و مش عارف اعمل ايه و كمان بيقولو ان المبيعات وقفه عشان الدولار مش مستقر و احتمال كمان العربيه تغلا شويه يا جماعه ياريت حد من المشرفين علي المنتدي يكلمنا شكره نيسان عشان نعرف الدنيا بس هتمشي ازاي