email نيسان مصر؟

**ASHAALAN** · 31-12-2012 03:13 PM

لو سمحت حد معاه email لنيسان مصر عشان عايز أعمل شكوى ضد auto Egypt؟

**man1974** · 31-12-2012 04:03 PM

ممكن تجرب: hotline@nissan.com.eg
أنا بصراحة لسه مجربتوش ولكن أنصحك تبعت فاكس أفضل ما زال هتشتكلي لنيسان مصر. ده لأن الفاكس بيهتمو بيه أكثر. لكن الإيميل ممكن يتحزف بضغطة زر، وهقولك مفيش حاجة وصلتنا. لكن الفاكس بيروح الأول على السويتش بتاع الشركة، وبيخدو منه صورة يرسلوها إلى الجهة بتعته ويفضل الأصل عند السويتش. وده معنا إن المدققين بتوع شهادة الأيزو بتاع الجودة اللي بيتفشو على الشركة كل فترة، يأخذ عينات من الفاكسات ويتتبعوها ويشوفو الشركة عملت فيها إيه الإجراءات اللي اتخذتها لعلاج هذه المشكلات.
رقم الفاكس هو: 38340930

ممكن برده تكلم 16244 وتاخذ رقم الفاكس ويسلام لو تاخد اسم المدير المسؤول وتحطه على الفاكس. وياريت يكون الفاكس باللإنجليزي كمان.

بس معلش سؤال غلس شوية: ممكن أعرف الشكوى بخصوص إيه؟

**ASHAALAN** · 31-12-2012 04:51 PM

متشكر جدا, أنا عايز اشتكي المبيعات عشان حاجز من شهر 9 والمفروض كنت استلم في 12 بس لحد دلوقتي مفيش حاجة , ولما باكلمهم بيتعاملوا بمنتهى قلة الذوق كأنهم بيعملوا فيا جميلة وبيقولوا لو عايز تسحب فلوسك تعالى اسحبها من بكره !!!

**ASHAALAN** · 31-12-2012 04:52 PM

أنا حابعت الفاكس وكمان email و حاعمل copy ل نيسان جلوبال

**canner** · 31-12-2012 08:05 PM

بص حضرتك اتصل ببتاع المبيعات اللى حجزت معاه العربية و افضل وراه و اتصل بيه من نمر مختلفة علشان شويه و ح يعرف نمرتك و مش ح يرد عليها

و معلش مافيش حاجة فى الدنيا دى بالساهل

تحياتى

**ASHAALAN** · 31-12-2012 08:37 PM

شكرا ليك بس اختلف معاك, مش المفروض إن الواحد يجري ورا حد عشان يدفع فلوس, بالذات كمان لما تبقى 100 ألف جنيه, العكس هو الصحيح, على أي حال أنا ولا عايز حد يجري ورايا ولا أنا أجري ورا حد, أنا عايز الشركة تنفذ ال اتعهدت به مش أكتر وعلى اساسه أنا رديت احجز عندهم

**youssef_u** · 31-12-2012 08:42 PM

معلش يا باشا سؤال ،، هو حضرتك حاجز مع السبع ولا مودرن ولا اوتو ؟ و انهي فرع ؟

**man1974** · 31-12-2012 09:17 PM

أنا كما حاجز سوبر صالون بقالي شهرين من وكيل نيسان في الإسماعيلية (شركة آي أف جي). ومكبرين على الآخر، والغريب إن عربيات نيسان صني موجودة في معرض لا يبعد عن الوكيل سوى 200 متر ولكن بأوفر برايس. وعمار يا مصر.

**asyl84** · 31-12-2012 10:15 PM

ربنا معاكم يا جماعة وتستلموها على خير والحمد لله انى حسيت بكدة قبل ما اغرق انا كمان لانى عايز اشترى نيسان الشكل القديم وقالولى احجز وخدها بسعرها لكن انا ماحبش انيم ابنى برة خصوصا لو المدة كبيرة كدة عشان كدة حجزتها وفى خلال اسبوع هاخدها طبعا بااااوفرررررررررررررررر برايس وعلى كلامهم لانى عايز الشكل القديم لكن لو الجديد كان هيبقى الصبح