ما هى أضرار زيادة منسوب الزيت عن المقاس الموجود بالموتور و شكرا
عرض للطباعة
ما هى أضرار زيادة منسوب الزيت عن المقاس الموجود بالموتور و شكرا
مكتوب عندى فى العربية بولو ان زيادة منسوب الزيت بيبوظ الcatalytic converter
اللى هو المفروض بينقى العادم اللى طالع, و يقلل من انبعاثاته الضارة
ازيك يا د/معاذ شكرا على اطمئنانك على
نفس الكلام مكتوب عندي فى الكتالوج
المفروض التوكيل يبقى عارف الكلام دة,بس نقول اية هى دى مصر,كلة بيلبخ
انا فضيت ربع لتر زيادة
زيادة الزيت بتخلى الموتور ينشع زيت ويحتاج جوان وش سلندر.. وبيبوظ البوجيهات على حسب رأى الميكانيكى بتاعى.............
الزيت الزيادة خطير جداً على الموتور لانة بيتحول إلى شبة "رغاوي" مما يتسبب بفقدانة للزوجة وبالتالي عدم تمكن الزيت بالقيام بمهمتة الرئيسية وهي الحفاظ على الموتور. "زي متكون ماشي من غير زيت".
زيادة الزيت تؤدي الي زيادة في الضغوط علي مكونات دائرة الزيت و بالتالي تؤدي الي انهيار اضعف المكونات و هو عادة جوانات الموتور مما يجعل الموتور ينشع زيت و لن يتوقف النشع اذا حدث الا بتغيير الجوان و ليس بتقليل الزيت فقط
كماقد يؤدي الي تفويت الموتور عن طريق انهيار جوانات السلندرات
الموضوع مش اسود قوي كده بس بيفرق اكتر لما يكون الموتور مستهلك و بالتالي معظم مكوناته عمرها قرب يخلص
ارجو ان اكون اضفت و ارجو ممن يجد خطأ ان يرد بالتصحيح اللازم
النشع ده بيبان فين؟اقتباس:
يجعل الموتور ينشع زيت
شكرا على ردودكم الوافية
أنا فضيت الربع لتر الزيادة و ربنا يستر ميكونش حصل أى ضرر
اغرب شىء ان اللى غير الزيت غلط هو التوكيل, مع ان المفروض يكونوا فاهمين شغلهم!! :evil:
كنت داخل اضيف فى الموضوع دة بس لقيت الزملاء هنا كتبوا كل حاجةن لذلك اللى هاعملة انى هالخص اللى قالوه:
1-أسوأ عيوب زيادة الزيت هى تعرضة للتقليب بواسطة الكرنك مما يؤدى الى تحوله لرغواى وفقدان لزوجته
2-زيارة الضغوط على على دورة الزيت
3-وصول كميات كبيرة من الزيت لجدران السلندرات اسفل البساتم مما يؤدى الى تسرب جزء منها لحيز الإحتراق وافساد حواص الغحتراق والبوجيهات
4-نشع جوان الكارتير
5-تسرب كمية كبيرة من الزيت من خلال خرطوم الفايض الى مسار تغذية الهواء والقو مما يؤدى الى افساد خواص الوقود وبالتالى الأحتراق والأداء وكذلك تدمير محفز العادم(الكاتالايزر)على المدى الطويل
طبعا هذة العيوب لا تظهر لحظيا لكن على المدى الطويل لكنها فى النهاية تقصر عمر المحرك
طيب لو عندك 2 ملم زيادة عن الحد الاقصي ممكن تعدي و لا لازم انزلهم