بمناسبة أحداث 23 يوليو 1952

**OlaOsman** · 22-07-2008 11:42 PM

في خضم احتفالات الإعلام المصري بثورة يوليو السنة اللي فاتت سألت نفسي السؤال ده.. و طرحته في مدونتي والمنتديات و لقيت ناس تانية كتير في ذهنها نفس السؤال.. السؤال هو: هي ثورة يوليول بالطريقة اللي قامت بيها دي يبقى اسمها ثورة؟ و لا اسمه انقلاب عسكري او انقلاب الجيش على الحاكم و قلب نظام الحكم و تحويله من ملكي لجمهوري؟

أصل انا أفهم ان الثورة دي خاصة بالشعب.. زي الثورة الفرنسية اللي قام بيها الشعب الفرنسي.. أو ثورة الشعب ضد المستعمر زي ثورة القاهرة الأولى و الثانية ضد الاحتلال الفرنسي و ثورة 1919 ضد الاحتلال الانجليزي.. انما اللي حصل سنة 1952 ده يتسمى ثورة ليه؟.. مجرد سؤال

**aif** · 22-07-2008 11:46 PM

في اول الأمر كان اسمها حركة يوليو ... وده من واقع كلام الظباط الاحرار نفسهم ... ولما لقو الناس إنبسطت منها ... حبو يضفو عليها طابع شعبي ... بقى اسمه ثورة بدل حركة
وعموما ونظرا لمواضيعك المتميزة و بمناسبة الرخصة ......
انتي من الأحرار يا إنجي ... قصدي يا علا

**OlaOsman** · 23-07-2008 12:10 AM

المشاركة الأصلية كتبت بواسطة aif

في اول الأمر كان اسمها حركة يوليو ... وده من واقع كلام الظباط الاحرار نفسهم ... ولما لقو الناس إنبسطت منها ... حبو يضفو عليها طابع شعبي ... بقى اسمه ثورة بدل حركة
وعموما ونظرا لمواضيعك المتميزة و بمناسبة الرخصة ......
انتي من الأحرار يا إنجي ... قصدي يا علا

صح فعلا.. المانشيتات وقتها نزلت بإن الجيش قام بحركة سلمية.. شكلهم ما كانو عارفين يسموها ايه و بعدين زي ما انت بتقول كده، عشان يضفوا عليها الصبغة الشعبية (أو الشرعية) سموها ثورة

**Ghamrawy** · 23-07-2008 12:46 AM

هو انقلاب عسكرى بحت و تم تسميته بالثورة بالغلط علشان اللى بيثور و يحرك الثورة هو الشعب انما دى كدا جت معاهم بالصدفة و تم تغيير الاسم الى الحركة المباركة و بعد كده لما الشعب المضروب على دماغه و رضى بالحكم العسكرى سميت بالثورة المباركة
........................حاجة تضحك

**OlaOsman** · 23-07-2008 12:48 AM

المشاركة الأصلية كتبت بواسطة Nile_Storm

اللي اعرفه عن الثروه ان يومها بيتعرض فيلم الايدي الناعمه الظهر و بالليل فيلم رد قلبي :) :) :)

كفااااااااااية اوي.. مش مطلوب منك تعرف أكتر من كده

**ams** · 23-07-2008 12:54 AM

انقلاب عسكرى
تخيلو-على حسب ما اعرف يعنى- ان من اخر اسره للفراعنه لغاية 1952 م مصر كان بيحكمها اجانب

**Dr Ahmed** · 23-07-2008 02:04 AM

طبعا إنقلاب عسكرى
الرأى دا قلته قبل كده وقابله البعض بعنف وإنكار شديدين

تخيلو-على حسب ما اعرف يعنى- ان من اخر اسره للفراعنه لغاية 1952 م مصر كان بيحكمها اجانب

الحمد لله الفراعنة رجعوا يحكموا مصر!!!!!

**محمد المشد** · 23-07-2008 02:24 AM

اعتقد انها ثورة بك ما تحملة المعانى السامية والعادلة و الطيبة للكلمة 000 نعم كانت حركة الضباط الاحرا فى البداية وعندما قام بتأيدها الشعب وخرج لنصرتها سميت ثورة يوليو ، وطبعا انا مش عارف اية الهوجة اللى قامت اليومين دول علشان الملك والملكية 000 الا يكفينا فساداً لكى نتذكرة
واعلم ان هناك الكثير من الاخوة الذين سوف يختلفون حول مفهوم ومعنى الثورة ولكن النصيحة الوحيدة للبعض القراءة عن هذه المرحلة بأمانة وبصدق وبتجرد دون ادنى تحيز لكى تعرف الغث من السمين ، واعتقد اننا من اكثر شعوب العالم جلداً للذات ! وانكار من الماضى لمجرد الظهور فى موقف المعارض والمخالف
وهناك مقال اكثر من رائه للاستاذ والكاتب الصحفى المرحوم احمد بهاء الدين ينتقد من يجلسون على كراسى الحكم وهم اكثر من استفاد من الثورة وهم ايضا اكثر من هاجمها

**Ghamrawy** · 23-07-2008 02:59 AM

المشاركة الأصلية كتبت بواسطة Dr Ahmed

طبعا إنقلاب عسكرى
الرأى دا قلته قبل كده وقابله البعض بعنف وإنكار شديدين

الحمد لله الفراعنة رجعوا يحكموا مصر!!!!!

هاهاها فعلا و الله عندك حق بس ياترى دى الاسرة الكام ؟؟ و تفتكر حكمهم حايفضل اكتر من 26 سنة ؟؟ :biggrinjester:

الموضوع: بمناسبة أحداث 23 يوليو 1952

LinkBack

أدوات الموضوع

عرض

-

-

-

-

المواضيع المتشابهه

الفرق بين ما حدث بعد ثورة 1952 والثورة الحالية

أحداث مقالب الجين تو :)

الكلمات الدلالية لهذا الموضوع

المفضلات

المفضلات

ضوابط المشاركة