السلام عليكم
ايهما افضل سيارة هوندا si مانيوال ام اوتوماتيك ايهما افضل وايهما اقل اعطال
عرض للطباعة
السلام عليكم
ايهما افضل سيارة هوندا si مانيوال ام اوتوماتيك ايهما افضل وايهما اقل اعطال
انت قليل جدا لما هتلاقى مانيوال بنسبة 98% هتلاقيها اوتوماتيك
وعموما الاتنين اعطالهم قليلة جداااااااااااااااااااااا
حاله العربيه هتحدد اذا كان هيبقى فيها اعطال ولا لاء
لكن لو عربيه فابريكه تماما اعطالها قليله اوى
^_^
بص حضرتك الهوندا عموما تجيبها حالة تعيش معااك ومش هتزهق منها تحيااتي
مانوال ثم مانوال ثم مانوال ......لو إنت بتحب الجري والتسارع ...حتلاقي المنوال بيفرق معاك جدا
يعني لو في عربيتين si واحدة مانوال والتانية اوتو و نفس الموتور والحالة .....المانوال حتزعل الاوتو بكتير .....ودي رأي واحد راكب مانيوال ...وربنا يسترلك طريقك ويكفيك شر الحوادث ماقل منها وما كثر .....تحياتي
مع احترامي لراي علام صاحبي و اخويا المانيوال مش عملي في الزحمه نهائي والاوتو في السيفيك اشد من مانيوال العربيات التانيه
معا احترامي لرايك برضه يا استاذ هاني
والمانوال في السيفيك اشد من الاوتو في السيفيك بمرااااااااحل
مش عايظين ندل عربيات ثانيه في المقارنه ههههههههههههه
علشلن بجد لو ١٥٠٠ كربراتير او موتير ال ١٤٠٠ كمان بتاعت الهوندا بتزعل ناس كثييير
ياجماعة سواء مانيوال او اوتو دية راحة نفسية لكل واحد
وبردة سواء مانيوال او اوتو الاتنين ماشاء الله تحفة فى العربية والاتنين جامدين جدا , ولا يمكن تفرق فى الهوندا من قوة محركها وشدة عزمها ازا كانت هذة السيارة اوتو او مانيوال
بس هو فى الايام دية طبعا الاوتو اريح , لكن المانيوال فى متعة القيادة
مع احترامي لراءيك برضه يا استاذ احمد اسمح لي اختلف معاك شويه صغيره
اولا لا جدال ان عزم المانيوال اعلى من الاوتو عموما و ده على الورق و كمان لو شوفنا الصافي على العجل من عربيتين نفس الموديل و الماركه مع اختلاف الفتيس اتفقنا في الحته دي
بس الفرق على ارض الواقع بسيط و مش للدرجه اللي حضرتك متخيلها نهائي و عندك موضوع علام و هو بشد بعربيته المانيوال si وربنا يرجعهاله احسن من الاول
على فكره العربيه دي سقتها من زمان و مش عايزه تطلع من دماغي و اقل ما يقال عليها حصان جامح
كان بيشد مع عربيتين الجيل التامن و في الاخر الفرق طلع عربيه او نص عربيه بعد صراع مرير
يعني لو على كلام حضرتك المفروض علام يكون روح و اتعشى و نام و الاوتو لسه في نص السكه
امال الاوتو ليه سحبه ضعيف في راي حضرتك و معظم الناس
هقول لحضرتك لو انت بتسوق مانيوال و سقت عربيتي مثلا هتلقاها في رايك زفت و بطه بلدي و ده كان انطباعي برضه لما غيرت من dsg لاوتو لما لقيتها جابت سرعة ٦٠ في حته كنت متعود فيها بالباسات اجيب ١٠٠ كم
الفكره هنا ان رجلك بعد السنين في المانيوال على التعامل بطريقه معينه انها نازله طالعه براحتها في كل مناطق الدواسه و بيسموا الموضوع ده ذاكرة العضله يعني رجل حضرتك من كتر التعود بتدوس بدون اي اوامر تفصيليه من المخ
و فيه طريقتين لتعامل الناس مع الاوتو الاولى و دي هتشوفها في الستات و كبار السن انهم يدوسوا بالراحه و خلاص و العربيه العربيه تنقل على ار بي ام واطي
او عندك الشباب البيجي بيجي اللي مقضيها حرق على الغيارات عشان رجله تقيله
انما فيه نسبه لاتتعدى ١٠ في الميه بتسوق الاوتو و رجلها مسطره
يعني اللي بيكلمك كنت لسه عامل موضوع عن فتيس الجيل التامن عشان كان فيه حاجه مش فاهمها و مش عيب اسال بس استفدت جدا اني عرفت السبب
و رجوع للموضوع انك عشان تطلع اداء من الاوتو قريب جدا جدا من المانيوال انك لما تدوس و توصل لمنطقة العزم العالي متكملش الدوسه عشان العربيه متكتمش اثبت لمدة ربع ثانيه فقط و كمل هتلاقها بتتسارع جامد ولو كنت شايل رجلك و انت بتدوس برضه نفس النظريه بدون عمل كيك داون و تفسير الكتمه هنا ان العربيه بتفكر عشان انت كبست بين البينين هل هتكمل على نفس النقله و لا هتسقط
و على فكره مستعد اوريك التسارع بتاع عربيه ١٣٠٠ اوتو لما الواحد بيبقى فاهم يتعامل ازاي
تحياتي
السلام عليكم ورحمة الله وبركاته
شكرا لكل الهونداوية على ارائهم
ودعواتكم ربنا يكرمنى واشترى هوندا كويسه
السلام عليكم ورحمة الله وبركاته
شكرا لكل الهونداوية