مشكله عند الفرملة فى الاكسنت ار بى - محتاج رايكم

**atyam** · 01-01-2013 02:58 AM

السلام عليكم ورحمة الله وبركاته

دلوقتى انا مركب جنوط 16/50/205

ولما بفرمل فجأه يعنى اكبس مره واحده بلاقى العربية بتغربل والطاره تلف معايا ولازم اكلبش فيها

وسالت بتاع الزواية اخر مرة قالى عشان انت معرض الكاوتش فلازم يعمل كده

فهل الكلام ده صح ولا فى حل ممكن يصلح الموضوع ده

**eng.m7md.ali** · 01-01-2013 03:04 AM

لا مش عرض الكاوتش هو السبب

ممكن مشكلة في الطنابير او مشكلة في الكاوتش نفسه

**Ashraf_Ibrahim** · 01-01-2013 03:19 AM

عرض الكاوتش بريء تماما من المشكلة دي
شوف ظبط الزوايا والترصيص واكشف على العفشة

**atyam** · 01-01-2013 05:09 AM

الف شكر يا احلى اعضاء على الردود

المشاركة الأصلية كتبت بواسطة eng f3lix

لا مش عرض الكاوتش هو السبب

ممكن مشكلة في الطنابير او مشكلة في الكاوتش نفسه

العربية عامله 26 الف كيلو والكاوتش مكملش 15000 كيلو فمفتكرش هما المشكلة

المشاركة الأصلية كتبت بواسطة ashraf_ibrahim

عرض الكاوتش بريء تماما من المشكلة دي
شوف ظبط الزوايا والترصيص واكشف على العفشة

لسه ظابط زوايا وترصيص من حوالى اسبوعين وربط على العفشة

المشاركة الأصلية كتبت بواسطة sdelbassuny

الغربله ده نتيجة أسباب
أن فى فرده بتمسك قبل فرده وهتلاحظ أن العربيه بتحدف أول مدوس فرامل لو عندك ال abs المشكله هتكون معقده شويه لو مفهاش هما حجتين مستر سفلي محمل أو تقيل في الحركه بتعته عن التاني أو في هواء في دائرة الفرامل
لا انا معنديش abs

أن العربيه عايزه طقم طنبير وده بيبان علي السرعات العليه
على السرعات العالية الفرامل كويسة وده بيحصل بس من فرامل المفاجأة على سرعه

أن العربيه عيزه جلب مقصات وبيض الباره بتاعة الدركسيون وأي حاجه بتحكم العجله زي البلي
انا فاكر وانا بغير تيل الفرامل الامامى لما عملت 15000 كيلو العربية كانت محتاجه بيض البارات يتغير بس للاسف ملقتوش فى السوق فممكن يكون ده السبب

الموضوع مش سهل بس ربنا معاك خدها وحده وحده وياريت تفيد غيرك لما تحل المشكله بعرفة السبب
لا مش سهل خالص واللى خلانى اهتم واشوفله حل انى كنت هموت بيها انهارده فى فرمله مفاجأة فى صلاح سالم بس الحمد لله ربنا ستر وباذن الله هشوف الحل واقولكم عليه

والله أعلم

**original** · 01-01-2013 09:08 PM

طالما بيض البارات عايز يتغير يبأا عندك حل المشكلة..
بس فى احتمال بسيط الطنابير بس صلح البارات الأول!!

**atyam** · 02-01-2013 01:37 AM

المشاركة الأصلية كتبت بواسطة original

طالما بيض البارات عايز يتغير يبأا عندك حل المشكلة..
بس فى احتمال بسيط الطنابير بس صلح البارات الأول!!

ايوة مهو اللى خلانى مغيرتهمش انى اصلا مش لاقيهم ولسه منزلوش
وهكشف كشف كامل ان شاء الله

**Mohab555** · 02-01-2013 04:18 AM

الموضوع ملوش اى علاقة بالكاوتش يا فندم
الموضوع يتلخص فى حاجة من 2 يا اما زوايا و دى انا ارجحها الصراحة .... او بارات و جلب مقصات و دى استبعدها الحقيقة
و قبل كل شىء اظبط زوايا عند حد كويس زى بردجستون مثلا لان كان عندى نفس الوصف فى عربيه اخويا النترا 2009 اول ما تدوس فرامل تلاقى الطاره قلمت واخد يمين اكن عجله بتقفش فرامل و التانية لا ... و طلعت زوايا و الحمد لله تمام التمام دلوقتى ..