الفانتازيا مش بتجرى ..

**الع العمدة مدة** · 01-01-2013 01:25 PM

المشاركة الأصلية كتبت بواسطة Land_Cruiser

وارد جدا يكون السبب فى البنزين المغشوش . هو معظم الاوروبى تجميعه فى الاول بطئ مقارنه بالاسيوى لكن بعد كده بتجرى عادى و بتقفل عداداتها. جرب حضرتك تحط من بنزينه تانيه بعد ما تخلص البنزين اللى موجود فيها دلوقتى و لاحظ الفرق . لما البنزين بيبقى مغشوش العربيه ما بتسحبش كويس و ما بتجريش و كمان استهلاكها للبنزين بيبقى اقل من المعتاد و مش متناسب مع الكيلومترات المقطوعه

ااممممم متاكد الفاتنازيا بتقفل عدادها ؟

**Land_Cruiser** · 01-01-2013 01:27 PM

المشاركة الأصلية كتبت بواسطة الع العمدة مدة

ااممممم متاكد الفاتنازيا بتقفل عدادها ؟

ايوه يا فندم و عن تجربه مش سمع من حد

**الع العمدة مدة** · 01-01-2013 01:38 PM

المشاركة الأصلية كتبت بواسطة land_cruiser

ايوه يا فندم و عن تجربه مش سمع من حد

هههههههههه طيب ياريت فيديو بس ل 1.6 ههههه + مش عدادها 240 علي ما اعتقد لو جابت 220 بركة لان هي ولا عمرها هتجيبه الا لو في منزل هههههههههههه

**الع العمدة مدة** · 01-01-2013 02:04 PM

ايه ماردتش ليه عمال تدور في يوتيوب ومش لاقي وحدة مقفلة العداد صح ؟ ههههههههههههههههههههههههه ههههههههههههههههههههههههه هه

**lanos2004** · 01-01-2013 02:08 PM

الفانتازيا لو جابت ١٩٥ مش في منزل نعمل فرح ونقول لولولي
الفانتازيا ثبات فرامل شياكه سرعه لاااااااااااااااااا

**moaaz** · 01-01-2013 02:10 PM

الفانتازيا من ذوات الوزن التقيل .....و طبعا موتور مش مكفى الحجم ..لازم تكون طلعتها بطييئة ...بتجيب سرعات عالية بصعوبة بس بيكون جرى اّمن ...ثباتها بصراحة يغنيك عن اى حاجة

**lanos2004** · 01-01-2013 02:16 PM

المشاركة الأصلية كتبت بواسطة moaaz

الفانتازيا من ذوات الوزن التقيل .....و طبعا موتور مش مكفى الحجم ..لازم تكون طلعتها بطييئة ...بتجيب سرعات عالية بصعوبة بس بيكون جرى اّمن ...ثباتها بصراحة يغنيك عن اى حاجة

الكروز نفس الوزن ١٣٥٠ كيلو تقريبا وبتوصل ٢٠٠--عمري ما شوفت فانتازيا علي سرعه ٢٠٠

**moaaz** · 01-01-2013 02:23 PM

المشاركة الأصلية كتبت بواسطة lanos2004

الكروز نفس الوزن ١٣٥٠ كيلو تقريبا وبتوصل ٢٠٠--عمري ما شوفت فانتازيا علي سرعه ٢٠٠

الاتنين سواء 195 200 بيجيبوها بصعوبة علشان الوزن ...الكروز عندى بتجيب 200 بس ممكن تقول شعار الوصول للسرعة (الصبر مفتاح الفرج ) الكروز 107 حصان و الفانتازيا 101 ...الفرق بينهم مش كبير خالص ... بس ف النهاية مينفعش نقول الفانتازيا وحشة علشان مبتجريش لانها حلوة ف كل الجوانب الاخرى

**الع العمدة مدة** · 01-01-2013 02:26 PM

ايه يا لاند كروزر لسا ؟ ههههههههههه قبل ماتقول كلام اتاكد منه مش ----- وخلاص!

تمت مخالفة القاعدة رقم 12 من قواعد المنتدى والتى تمنع التهكم والتهجم
ولذا تم حصولك على انذار مع ايقاف لمدة اسبوع .

لجنة فض المنازعات
2/1/2013
12.20am

**moaaz** · 01-01-2013 02:29 PM

المشاركة الأصلية كتبت بواسطة الع العمدة مدة

ايه يا لاند كروزر لسا ؟ ههههههههههه قبل ماتقول كلام اتاكد منه مش ----وخلاص!

باشا حضرتك الفيديو اللى انت مستنيه مستحيييييييييييييل ..... ازاى عربية 101 حصان قرب الطن ونص تجيب 240 ....دا لو اتشقلب و على منزل 215 220 اعتقد مش هتعدى كدا ..هو اكيد كان قصدة انها تجيب 200 210 مش تقفل ال240 يعنى