الفانتازيا مش بتجرى ..

**MOstafa Hashem** · 01-01-2013 08:43 AM

السلام عليكم

يا جماعه الفانتازيا بتاعتى تقيله اوى فى السحب ومش حاسس انها 102 حصان خالص وحاسس ان العربيه مخنوقه وتقيله وصوتها عالى ولما بطلع من وضع التوقف بحس انى بطلع بسفينه .. وكل لما اقول لحد على الموضوع ده يقولى يعم انتا راكب فانتازيا المفروض تطير ..

مع العلم انى كنت راكب اوبل فيكترا 95 موتور 1800 مانوال وكنت واخد على الشد والجرى ..

ممكن يكون السبب انى متعود على الأوبل او انى خنقت العربيه وهيا لسا زيرو علشان انا مكنتش بجرى بيها خالص وكنت بعاملها بحنيه أوى

العربيه انا كنت جايبها زيرو و دلوقتى هى 16000 كيلو ..

ارجو الافاده من الملاك ..

**buddha** · 01-01-2013 09:19 AM

محتاجة تنظيف الحساسات

**Moratoz** · 01-01-2013 10:25 AM

هل الأحساس دا جديد ولا من يوم ماجبت العربيه

**المنسي** · 01-01-2013 10:32 AM

ممكن تكون بعد فترة التليين مفتحتش الموتور بتاعها يعني مشديتش بيها جامد او محتاج تنظيف رشاشات زى ما الزملاء قالو

**الع العمدة مدة** · 01-01-2013 10:42 AM

هيا اساسا كدا لانها محطوطة علي الماتور الغلط@

**lanos2004** · 01-01-2013 11:20 AM

الفانتازيا اصلا مبتجريش
وتقيله على ماتورها
جريت معاها كتير من اسهل العربيات الى يتعلم عليها فى الطرق المفتوحه

**الع العمدة مدة** · 01-01-2013 11:35 AM

المشاركة الأصلية كتبت بواسطة sas5

السلام عليكم ورحمه الله
معذره انا مش فاهم يعنى ايه محطوطه على الماتور الخطا ؟

يعني الشركة منزلنها علي ماتور مش قد حملها عشان الجمارك عشان تحس بطلعة العربية ديه لازم عل الاقل ماتور متربن صغير او 2000 سي سي عادي عشان يستحمل وزنها
من الاخر العربية عاوزه عزم اعلي شوية عشان الطلعة وفي الحقيقة هيا عاوزة شوية احصنة كمان عشان قليلة اوي@
واكيد هتنزل تربو الشكل الجديد
يعني عندك مثل المرسيدس الشبح s320 98 يعتبر احصنة قليلة شوية عل عربية بالمنظر ده لاكن عزمها جبار وبتاخد كل عزمها عند rbm قليل اوي ده المفروض الي يتعمل مع الفانتازيا عاوزة ماتور عزمه اشد شوية

**Land_Cruiser** · 01-01-2013 12:50 PM

وارد جدا يكون السبب فى البنزين المغشوش . هو معظم الاوروبى تجميعه فى الاول بطئ مقارنه بالاسيوى لكن بعد كده بتجرى عادى و بتقفل عداداتها. جرب حضرتك تحط من بنزينه تانيه بعد ما تخلص البنزين اللى موجود فيها دلوقتى و لاحظ الفرق . لما البنزين بيبقى مغشوش العربيه ما بتسحبش كويس و ما بتجريش و كمان استهلاكها للبنزين بيبقى اقل من المعتاد و مش متناسب مع الكيلومترات المقطوعه