اشتريت واستلمت كارينز 2013 الحمد لله

**mido_a_s** · 02-01-2013 11:32 AM

الف مبروك ومنتظر مع صاحب الموضوع اى مشاركات او مواضيع تفصيلية عن الصيانة

**mselim1975** · 02-01-2013 02:37 PM

أشكركم يا جماعة على التهنئة وسأعمل بنصيحتكم بخصوص مياه الردياتير وبالنسبة لسؤال السحب أنا لسه العربية مجربتهاش أوى يدوبك مشوار المعرض من المهندسين الى الجراج فى فيصل ولسه مبتحركش بها الى عملى فى مدينة نصر الا بعد ما انتهى من الترخيص ان شاء
الاستاذ أبو ليلى أعتز بانك جارى من سكان فيصل واتمنى لو نعمل مقابلة دورية مثلما يفعل أصدقائنا فى المنتديات الأخرى لتبادل الخبرات وكذلك للتعارف وهتكون فرصة فى اجازة نصف العام، ما رأيكم؟

**ابو ليلى** · 03-01-2013 12:46 AM

بأذن الله جارى التحضير لمقابلة فى اجازة نصف العام ونتمنى تكون متواجد معانا .

**S O P H O S** · 03-01-2013 08:27 AM

الف مبروك يا باشا ..

**zadgo** · 03-01-2013 09:44 AM

الف مبروك وربنا يباركلك فيها

**Abo.Moazz** · 03-01-2013 11:31 AM

الف مبروك

**mostafaelfayed** · 04-01-2013 07:01 AM

المشاركة الأصلية كتبت بواسطة mselim1975

السلام عليكم أعضاء المنتدى الكرام
أولا جزاكم الله خيرا على مجهودكم ومعلوماتكم القيمة التى ساهمت بصورة كبيرة فى قرار اختيار سيارتى الجديدة كارينز ومن هذا المنطلق احب احكى لكم على تجربة الشراء الخاصة بى لعموم الافادة.
من فترة وانا ابحث واقارن لاختيار سيارتى الجديدة بعد بيع سيارتى اللانوس ونظرا لمتطلباتى من حيث وسع العربية حتى تسع اسرتى وكذلك مدى انتشارها فى السوق ورأى الناس فيها كان قرارى بعد الاستخارة على كارينز.
وبالفعل بدات بالسؤال والبحث عن السعر وكان هناك خيارين الخليجى والوكيل وفكرت بداية فى الخليجى بعد سماعى أقوال من هنا ومن هناك انه يوجد فروق أخرى غير الكاسيت والكاميرا والمقابض النيكل ومرايات الضم خاصة بجودة الدهان وقدرة التكييف.
وبالفعل ذهبت الى معرض نيو موتورز عادل جوده للشراء بالفعل كارينز خليجى وكان سعرها عنده 141 ألف وكانت فى السوق ب 143 ألف والكارينز الهاى لاين وكيل ب 146 ألف
وعند ذهابى للتنفيذ ومندوب المبيعات أكد السعر ب 141 ألف ثم دخل وخرج وقالى السعر بقى ب 143 ألف قلتله يعنى غلى فى دقيقة رغم انه أكد لى تليفونيا ان سعره ارخص من السوق كله
بصراحة نفسى قفلت ورحت توكيل كيا اللى فى شارع احمد عرابى وسالتهم تانى ايه الفرق بين الخليجى والوكيل فاكد لى عدم وجود اى فرق فى الدهان او التكييف وقال لى تأكد بنفسك وانظر الى تكييف السيارتين
ورحت المصرية للسيارات وسألت واحد صاحبى يعمل هناك واكد لى عدوم وجود فرق جوهرى غير الكاسيت والكاميرا والاتنين متاحين عنده الوكيل والخليجى وقال لى أفضل الوكيل لآن فرق السعر الفين جنيه فى سبيل حصولك على ضمان من الوكيل وبالفعل خلصت من عنده وكان ارخص واحد فى السوق هاى لاين وكيل ب 145 ألف الاجراءات خدت يوم بالظبط لأنى مقسط مع البنك الوطنى للتنمية (بنك أبو ظبى) وتانى يوم استلمت السيارة وفى انتظار عمل الرخصة ان شاء الله
امبارح كانت أول تجربة قيادة لى العربية بالفعل ما شاء الله واسعة جدا والعفشة ممتازة مع العلم انا ساكن فى فيصل وانتم عارفين الشوارع وأظن انها كانت اختيار موفق وساوافيكم بتقارير دورية بعد ذلك
أسف للاطالة وربنا يبارك فيكم ويحفظ لكم عربياتكم من السوء
صحيح سؤال: قربة المياه كانت عايزه تتزود تنصحوا اضع اى نوع مياه ردياتير واشتريه منين ولو حد يدلنى على مشاركة بخصوص تفاصيل الصيانة فى التوكيل بعد ذلك واسعارها وما يتم العمل فيها وجزاكم الله خيرا

الف مبروك و ربنا يكفيك شرها و يبعد عنك شرها ... اللهم اما ابعد عنا المطبات يارب :018a1d~146:

**ابو ندى** · 05-01-2013 05:14 PM

استفسار بسيط هى الكارينز 2013 نزلت ؟
ولو نزلت طب الي احنا مستنينها تنزل فى شهر مارس دى 2014 ولا اية .
اصل عاوز أشترى الجديدة وياريت حد يقولنا سعرها ايه

**Yasser_Basiony** · 09-01-2013 04:49 PM

الشكل الجديد ها ينزل مصر 2014

الموضوع: اشتريت واستلمت كارينز 2013 الحمد لله

LinkBack

أدوات الموضوع

عرض

-

-

-

-

المواضيع المتشابهه

الحمد لله اشتريت نيسان صني 2013

كيا كارينز 2013 الجديدة كليا مارس 2013

الحمد لله .. اشتريت كارينز

اشتريت كارينز مانيول

اخيرا استقريت واستلمت البرسونا الحمد لله

الكلمات الدلالية لهذا الموضوع

المفضلات

المفضلات

ضوابط المشاركة