انا محتاج مساعده محتار بين التيدا والكارينز خاصه الاتنين في نفس السعر تقريبا
عرض للطباعة
انا محتاج مساعده محتار بين التيدا والكارينز خاصه الاتنين في نفس السعر تقريبا
حسب احتياجك دى حاجه و دى حاجه تانيه خالص .. الكارينز اكبر و اوسع و اتقل .. عربيه suv بينما التيدا شبابيه اكتر و بتجرى و اصغر حجما و اقل وزن يعنى عربيه عادى بس هاتشباك فالمقارنه لمجرد السعر متنفعش ... لو بتجرى يبقى تيدا لو هادى يبقى كارينز
لو طويل و عريض و معاك عيله يبقى كارينز بس لو فردانى و مش فارقه معاك ان العربيه تشيل يبقى تيدا ... فى حاجات كتير بناء على احتياجاتك هى اللى تقدر تقرر بناء عليها
التيدا اعتمادية أكثر وقطع غيارها معمرة أكثر وجراية جدا وثباتها معقول لحد 140 كيلو وعالية عن الأرض وعزم موتورها على كل السرعات رائع، الكارينز أوسع وثباتها أكثر، بس مش جراية قوي علشان وزنها الكبير علشان للأسف بتنزل في مصر بموتور 1600 سي سي، وعفشتها مريحة أكثر من التيدا علشان مالتي لينك.. بالتوفيق
الف شكر يا رجاله
فعلا القرار قرار حضرتك
والاستاذ سحس جاب من الاخر
مفيش كلام بعد سحس باشا
وفعلا التيدا جميلة فكل شئ عدا الثبات بعد 140 هتتفوق فيه الكيا
والله اعلم ..
يا جماعة الخير هو ازاى تقارنو الاتنين على الرغم ان دى فئه و دى فئه تانيه .... مش نفهم الراجل احتياجه ايه و بعدين نقارن !