تظبيط دايو لانوس

**alaaeldeinm** · 01-01-2013 03:36 PM

ياجماعه محتاج اعمل شويه تجديدات فى عربيتى اللانوس
هى 2006 فاضيه ( تكييف و برو )
انا ركبت من فتره انذار و فرش جلد و كسوه جلد للدواسات
محتاج جنوط سبور ( عاوز اعرف اخليها 13 ولا اغير ل 14 ايه الاحسن و ياريت لو حد عنده فكره الاسعار و الخامات و منين )
كمان عاوز اركب زجاج كهرباء ( اغير الفرش الاصلى و المكن الاصلى وده عرفت انه موجود ف الحرفيين بس بردوا مش عارف بتتكلف كام و الاقيه عند مين )
فوانيس الشبوره و دى عرفت انها موجوده ف التوفيقيه - بس بردوا مش عارف الاسعار تتكلف كام
ياريت يا جماعه لو حد عارف اى معلومات عن الحاجات دى منين و التكلفه يفيدنا بيها و تبقى لكل الناس ف المنتدى لو حد حب يعدل فى سيارته
وجزاكم الله خير

**ABO MALEK** · 01-01-2013 03:49 PM

متابع

**lanos2004** · 01-01-2013 03:51 PM

جنوط ١٤-او ١٥ --هتكون زي الفل
الكاوتش هات كومهو ايكستا ثبات خرافي للانوس
اهم حاجه متشتريش جنوط صيني

**fosfos010** · 01-01-2013 08:19 PM

الفوجات الجوز 90 جنيها تيوانى

**zomzom11** · 02-01-2013 10:01 AM

بص تنزل التوفيقيه فى ناس بتفرش مكن زجاج كهراء مخلوعه من عربيات بتركب كمان لو عاوزهم يركبولك عشان تبقى مطمن دى نمرة وحد ناسى اسمه بس بيركب ويجربلك وكويس 01222548948 او تنزل الاقرب ليك الحرفين - عزبة شلبى - الوكاله شوف الاقرب لحضرتك اشترى وركب بمعرفتك
بالنسبه للجنوط 13 او 14 والاساتذه محمد ممدوح وطارق قتلو الموضوع بحثا وهاتلاقى مواضيع كتير فى المنتدى هنا للكاوتش والجنوط وهاتعرف ان لو انت ناوى تعمل تعديل للفرامل يبقى تجيب جنوط 14
بالنسبه للفرش انت وزوقك فى جاهز وفى تفصيل بسشوف انت حابب يبقى جلد ولا قطيفه ولا مكس الاتنين ممع بعض وده الشائع جدا

**alaaeldeinm** · 02-01-2013 11:58 AM

يا جماعه ربنا يجازيكم خير
انا ان شاء الله ناوى انزل الحرفيين ادور على موضوع الفرش و زجاج الكهرباء ده ( ياريت لو حد يعرف او مجرب حد هناك ) و كمان بفكر اشوف جنوط 13 اللى بتنزل مع الجوليت ( ياريت بردوا لو حد يعرف فين و بكام ) ولو محصلش نصيب هشترى جديد من عند أشرفكو اللى ف مدينه نصر ناس كتير بتشكر فيه أوى