ايه حوار local ad click ده

ياجماعة انا حد من قرايبى كلمنى على شركة اسمها local ad click
وقاللى انها بتدى فلوس على الاعلانات اللى بتشوفها كل اسبوع والتسويق الشبكى والحاجات دى

قاللى 10 اعلانات بتشوفهم فى الاسبوع وبتاخد عليهم 50 دولار!!

يعنى فى الشهر 200 دولار يعنى حدود 1200 جنيه مصرى!!!
بس لازم عشان تشترك فيها تدفع 500 دولار يعنى 3000 جنيه مصرى رسوم التسجيل

ده غير حوارات تانى كتير كده مفهمتهاش

وقاللى حدد معاد واخليك تقابل المسئولين بتوعها فأى كافيه ويفهموك الليله

المهم سألت قريبى ده انت قبضت منهم قاللى اه انا خدت فلوس وبقالى فى الموضوع ده مده وطمنى جدا

المهم دورت فى النت ولقيتهم كانوا موجودين فى السعوديه وقبضوا الناس كتير فى الاول وبعد كده بخ والناس منصوب عليهم هناك فكتير
وناس سعوديين بتقول ان الشركة نقلت استثمارتها لمصر والسودان كوجهة نصب جديده
وبيقولوا ان اوائل الناس اللى سجلت فى الشركة كسبوا كتير اوى واللى بعد كده اتضحك عليهم

الشركة موجوده فى مصر من شهر 10 السنه دى وليهم مشتركين كتير

وكلام قريبى ده انا واثق فيه انه قبض فعلا وعاوزنى اشترك عشان ياخد بونص عليا

مش عارف اعمل ايه؟؟

حد جرب الشركة دى او معاهم دلوقتى يفهمنا الصح؟؟

انا طول عمرى مبصدقش الحاجات دى..بس لما قريبى ده قاللى انه خد فعلا منهم فلوس اتحيرت وخاصتا انى بثق فكلام قريبى ده جدا لانه زى اخويا

ما انت قلت اهه
ناس كتير اتنصب عليهم

تقريبا كده هو نفس حوار كيونت و من قبله بزناس و دايموند .. وفيه ناس فعلا بتاخد منهم فلوس لكن الشركات دى لو اختفت فجأة او اتقبض عليهم اخر صف فى الشجرة بتاعتهم هوا اللى هايتسوح .. لان دول هما اللى دفعوا لكن لسه ماجابوش ناس تحتهم.

كمان المواضيع دى مشكوك فيها من صحتها من ناحية الشرع.. والله أعلم

اشكركم للردود انا عشان كده بسأل
رغم تطمين قريبى ليا جدااااااا

حد سأل نفسه قبل كده الفلوس دي بتروح فين وبتشتغل في ايه عشان تجيب العائد ده؟ محدش يقولي الاعلانات عشان لما تشوف 10 اعلانات مستحيل تاخد 50 دولار عشان مفيش 10 زيارات سعرهم 50 دولار الا في مجالات منتشرتش على النت في مصر.

هما شرحوا الفكره على النت
وهى ان شركات الاعلانات بتدفع للشركة دى فلوس بعد تأكيد المستخدم انه فتح الاعلان وده ارخص كتير لشركات الاعلان اللى بتدفع مبلغ يوصل لمليون جنيه فى دقيقة اعلان اثناء المباريات الهامة مثلا فبالنسبالها ال 10 دولار للاعلان ونسبه للشركة ارخص..لان بالنسبالهم انت مش داخل ببلاش بالعكس انت دافع فلوس عشان تشوف اعلاناتهم فمعنى كده انك عميل محتمل بالنسبه للشركة العارضه للمنتج
وانا شفت اعلانات من اللى بيبتعوها وبتتفتح منها اعلان سامسونج للجالكسى s3

اقتباس:

---

المشاركة الأصلية كتبت بواسطة beshomilan

هما شرحوا الفكره على النت
وهى ان شركات الاعلانات بتدفع للشركة دى فلوس بعد تأكيد المستخدم انه فتح الاعلان وده ارخص كتير لشركات الاعلان اللى بتدفع مبلغ يوصل لمليون جنيه فى دقيقة اعلان اثناء المباريات الهامة مثلا فبالنسبالها ال 10 دولار للاعلان ونسبه للشركة ارخص..لان بالنسبالهم انت مش داخل ببلاش بالعكس انت دافع فلوس عشان تشوف اعلاناتهم فمعنى كده انك عميل محتمل بالنسبه للشركة العارضه للمنتج
وانا شفت اعلانات من اللى بيبتعوها وبتتفتح منها اعلان سامسونج للجالكسى s3

---

اللي يقولوه حاجه والحقيقه حاجه تانيه وتعالى نحسبها. 10 مشاهدات ب 50 دولار يعني 100 مشاهده ب 500 دولار. طيب في الاخر الهدف من أي اعلان انك تشتري سلعه أو خدمه ومعروف ان نسبه اللي بيشترو من اللي بيشوفو اعلان بتبقى حوالي 1% وفيه ناس شاطره بتوصل 2-3% وده بشرط مهم جدا هوه ان اللي يكون اللي بيتفرج على الاعلان مهتم بالسلعه أو مؤهل لشرائها وعنده احتياج ليها.

طيب انت دفعت 500 دولار عشان 100 واحد يشوفو الاعلان و1-3 منهم يشترو يعني تكلفه البيعه الواحده 500-133$ ودي تكلفه التسويق بس بدون تكلفه الانتاج يعني انت مكنتش بتبيع عربيات أو أي سلعه غاليه يبقى انت بتطير فلوس في الهوا.

الموضوع بقى انه بيقبضك من فلوس اللي بييجو بعدك وهكذا وطبعا بيبقى فيه فائض دايما لأنك بتاخد فلوسك كامله بعد 6 شهور وفي وقت معين هما يقفلو الموضوع بعد ما يوصلو ل 200 الف مشترك مثلا وساعتها يكون معاهم كام مليون دولار يطيرو بيهم وموضوع الاعلانات ده شكل وهمي عشان يبررلك انت بتقبض ليه مش اكتر.

طبعاً الشباب ردو و ردودهم كفاية

بس أنا عاوزك تحسبها بطريقة تانية

10 إعلانات ب 50 دولار.........يعنى الإعلان واقف ب 5 دولار

طيب لو عاوز يوصل لحوالي 10 مليون مشاهدة هيدفع كام ؟ 50 مليون دولار.

أعتقد إعلان في نص ماتش مهم يجيب أكتر من 10 مليون مشاهدة و يتكلف أقل من كده بكتير.

كل الكلام ممتاز جدا وانا مقتنع بيه
بس انا مستغرب ان ناس كتير داخله فى الموضوع اوى وصفحتهم على الفيسبوك مليانه ناس
وبعدين انا اصلا مديون :)
اقوم ادفع تانى :))

مش مقتنع بصراحة ..

بص لو ببلاش حتى فهو نصب
كل حوارات انك تتفرج على اعلانات وتاخد فلوس دى نصب
النصب اتطور يارجالة كمان حيخليك تتفرج على الاعلانات وتدفع فلوس

اللى عايز يكسب من على الانترنت حاجة حقيقية مفيش غير اعلانات جوجل ادسنس زى اللى بتتحط على المواقع والمنتدى هنا مثلا حتى لو لقيت الناس بتقولك دى مبتكسبش والله وبتجيب مللايم...لان فى ناس بتعمل منها الاف كل شهر وبدون ميدفع فلوس اساسا

ده سحت واكل اموال الناس بالباطل
زيه زي زفت كيو نت
والله حرام احنا لو دوله محترمة نقفل الزفت ده

هل شركة global ad mart حقيقه وغير نصب - تمت الإجابة عنه - Google إجابات

هنا التحليل الشامل للنصبايه دي

احذرووووووووا يا جماعه

والله العظيم انا مشترك بقالي اكتر من شهرين مفيش مشاكل الحمد دلوقتي الحمد لله

اقتباس:

---

المشاركة الأصلية كتبت بواسطة Hikayat

والله العظيم انا مشترك بقالي اكتر من شهرين مفيش مشاكل الحمد دلوقتي الحمد لله ياصديقى انا كمان مشترك والموضوع شغال تمام وبتجيلى فلوس فى ايدى .ولازم اقول تانى ان الاب لاين موقف الحولات البنكيه لاستفادات ليه هو. لو مش مصدقين كمية البشر اللى داخله وبتقبض خدوا اللنك جروب ده ع الفيس
انا متابعه كده بس لما اوقات موقع الشركه بيبقى تقيل. زى كده موقع الثانويه العامه ايام النتيجه.بعرف واشوف الاخبار من الجروب ده.

---

ياريت بس نفهم الناس والكلام ما يبقاش مرسل بدون توضيح
ما هي الطريقة اللي بتاخد فيها الفلوس في ايدك؟
بتاخدها عن طريق تحويلات ؟ ولا عن طريق ان تورط حد تحتيك في نفس الموضوع اللي انت متورط فيه
اتحدى اي شخص يجيبلي صورة من كشف حسابه فب بنك عادي زي nsgb - hsbc .... الخ ويكون موضح فيه مبلغ التحويل وكمان يتقارن باللي قبضه على الموقع ؟
عامة لو حصل وعملت تحويلات بنكلية على ما توصلك في حسابك بتقل حوال 60% رسوم ادارية (معرفش اي دي اصلا) بخلاف رسوم التحويل البنكية

وانا هقول حالة انا شاهد عليها
في قريبي هنا في السعودية يعمل مدرس بقاله فترة بيلعب في الموضوع ده لا تتعدى شهور حاليا بيلعب في مبلغ 50 الف دولار بس والله في وجهة نظري انه اتقلب نصاب وكل همه انه يدخل اعضاء جدد علشان ياخد منهم فلوس