1-رينو كليو 2003
2-فولكس بولو 1995 - 1999
3-فورد اسكورت
عرض للطباعة
1-رينو كليو 2003
2-فولكس بولو 1995 - 1999
3-فورد اسكورت
اذيكم يا جماعة . مهما الواحد هيتكلم عن المنتدي اقل شي يتقال انة رائع والناس فية روحهم حلوة - انا متحير بين التلاتة دول -بحب الرينو بس خايف من صيانتها واسعارها وبفكر في البولو بس خايف من سؤ الحالة نتيجة انها عربية شبابية والشباب هلكوها وكمان شنطتها صغيرة وكمان بفكر في الاسكورت بس ناس كتير مش بتحبها - المهم انا عاوز عربية مكيفة وشنطتها معقولة عشان السفر وقطع غيارها معمرة حتي لو سعرها غالي حبة بس مش كتير واهم حاجة متكنش بتسخن لحسن انا عندي عقدة من الفيات. وشكرا ليكم.
بس يا ريت اللي يختار واحدة منهم يقولي لية واحسن موديل ليها اية. شكرا
اية كلهم طلعوا وحشين؟
:blink4:
الفورد الاسكورت ابعد هنا لان قطع غيارها
هتدوخك وفي الغالب مشس هتلاقيها غير استيراد
ومش عند اي حد ... دة لو لقيتها اساساً!!
دة بالنسبة للـ1300 سي سي اما الـ1600
فالحكاية هتبقى اصعب من الـ1300.
الكليو قطع غيارها غالية ومش من السهل تصلحها
خارج التوكيل .... بس هي عربية حلوة.
البولو الـ1300 سي سي حلوة برضة موفرة في
البنزين ومنتشرة، لكن الـ1000 سي سي انجكشن
قطع غيارها اغلى من الـ1300 كربيراتير خصوصاً
الخاصة بالموتور ودورة البنزين.
في النهاية هقول لك فكر في لانوس 2000 او 2001!.
شكرا يا استاذ نادر علي ردك بس انا مش بحب الكوري علشان اعطالة كتيرة بس حضرتك حصرت اختياري بين الكليو والبولو - شكرا
اية يا جماعة مفيش معلومات تانية؟؟؟
الكليو جميله لكن تحمل قطع الغيار والصيانه لانها اعلي تكلفه من العربيات الكوري
الكليو شنطتها كبيره جدا سعتها حوالى 510 لتر
هيه مشكلتها ان قطع غيارها غاليه شويه ده لو بتقارنها بعربيه زى الانوس لاكن لو بتقارنها باليابانى هتلاقيها ارخص منه بشويه او فى نفس الحدود
بس هيه الصراحه ركوبه تستاهل
وبعدين دلوقتى بقى ليها قطع غيار مش اصلى بس نضيفه جدا
يعنى مثلا الكالكس فيه منه الفرنساوى ب 200 جنيه وفيه الايطالى ب70 جنيه والاثنين نفس الشكل بالضبط ونفس الصوت
وكمان حكايه ان التوكيل هوه بس الى يشتغل فيها قلت كتير عن الاول وبقى فيه ناس بره بتشتغل فيها وفاهمه
يعنى العربيه مبقتش مكلفه زى الاول
خذ لك جوله فى قسم الرينو وهتلاقى مواضيع كتير عنها تفيدك
لو مقلق منها ممكن تشوف الانوس