عرض للطباعة
السلام عليكم و رحمه الله و بركاته
نويت شراء سياره بروتون جين 2 .. و هتكون مستعمله ان شاء الله .. بس فيه ناس قالتلى ان من اول 2008 العفشه بقت وحشه و لو عايز اشترى اجيب 2006 او 2007 بس وانا مش عارف الكلام ده حقيقى ولا فتى مصريين !!!!
و ياريت لو نعرف التطورات فى العربيه من اول 2006 حتى الان ؟ و شكرررررررررررا
فتي السنين طبعا ياباشا
مفيش اي اختلاف في العفشة
الاختلاف اللي موجود في موديلات من 2006 - 2008 .. ساعة شيك في التابلوه في النص .. جراب نضارة .. عتب وسبويلر وزوايد في الاكصدامات في بعض الموديلات كاتجهيزات اضافية .. مثبت سرعة
اما من 2009-2012 .. مفيش ساعة .. مفيش جراب .. مفيش عتب وزوايد ( موجود سبويلر بس ) .. مفيش مثبت سرعة
بس الاهم في تعديل في المانفولد عشان ينظم السحب تحت 2500 rpm ويخليه منتظم .. ودي بتظهر مع التكييف اكتر لو اوتوماتك . اما موديلات +2009 المشكلة اتحلت
وتحت امرك في اي استفسار
فتي السنين و التنين (مش عارف ليه الناس بتتكلم على حاجة مش عارفها )
الأستاذ فيليكس وضحلك أهم اﻷأختلافات .
زى ما رد عليك الساده الاعضاء فعلاً ده فتى وخلاص والفروق زى ما تفضلوا و شرحولك انا كنت هاجيب جين تو بس جبت بيرسونا 2009 وسمعت فتاوى كتير برضوا بصراحه
شكراااا للإهتمام :) بس بالنسبه للنقطه بتاعه المانفولد دى مش فاهمها .. و الموديلات اللى مافيهاش التعديل ده ايه ظروفها !!؟اقتباس:
المشاركة الأصلية كتبت بواسطة eng f3lix
اقتباس:
المشاركة الأصلية كتبت بواسطة kokobom
الفرق أن العزم في الموتور القديم ما بين 2500 إلى 3500 بيثبت مش بيزيد و ده بيديك أحساس أن العربية مش بتسحب على السرعات المنخفضة . بتبان أكتر في الأوتوماتيك ... و مش باينة قوي في المانوال
الحتة دي تم تلافهيا في اموديلات الجديدة .... بداية من 2009
و العزم بيزيد عادي .
هنا الأوتوماتيك و المانوال تقريبا مفيش فرق بينهم .
طيب جكيل جدااااا .. فى حاله انى جبت موديل قبل 2009 هل ليها حل ولا اتعايش مع العربيه كده :(اقتباس:
المشاركة الأصلية كتبت بواسطة tutankhamoun
اقتباس:
المشاركة الأصلية كتبت بواسطة kokobom
ملهاش حل !!!
بس هي مش كارثة يعني ........ بس طبعا اللي فوق 2009 أفضل و أنعم .
المانوال مش هاتحس فيه بالكلام ده قوي .... هاتحس لو جبت أوتوماتيك .
هيا ليها حل بس مش حل كأنك راكب 2009
ركب فلتر سبور نضيف هتلاقي الموضوع ده خف شوية