الموضوع: افضل وارخص مكان لشراء ادوات الكهرباء لتاسيس شقة

حضرتك تروح على سوق الكهرباء فى ميدان الأوبرا - وسط البلد جنب نفق الأزهر .. ده سوق متكامل فيه كل حاجة عن الكهرباء ومحلات كتير جدا تتمشى و تتفرج وتنقى براحتك وعلى ذوقك وأسعاره معقولة .

المشاركة الأصلية كتبت بواسطة sherif_84

حضرتك تروح على سوق الكهرباء فى ميدان الأوبرا - وسط البلد جنب نفق الأزهر .. ده سوق متكامل فيه كل حاجة عن الكهرباء ومحلات كتير جدا تتمشى و تتفرج وتنقى براحتك وعلى ذوقك وأسعاره معقولة .

المشكلة انى مابفهمش قوى فى الكهرباء يعنى هاتخم بسهولة عشان كده عايز محل يكون موثوق منه

المشاركة الأصلية كتبت بواسطة eng_hatemfathy

مبروك مقدما وطبعا لتفادى الغش عليك بما يلى
اولا لشراء السلك اما من معارض السويدى او الدولية خلف المطافى او اولاد نصار وطبعا السلك السويدى او المتحدة للكلابلات او الكابلات المصرية -سلك نحاس مجدول للكهرباء وسلك تليفون يفضل 2 جوز ولك الخيار فى الدش اما المانى او صينى والالمانى افضل ولكن اغلى وعلبة العداد يفضل علبة داخلى بعداد خارجى ولكن عدد الخطوط نبعا لمساحة الشقة وطريقة التوزيع وطبعا العلبه صاج ويفضل ايميكو او اليكو او ليكترو او غيرها الكل يسنوى فرق فى الخامة والشكل والمفاتيح تبعا لميزانية حضرتك فى مفاتيح بتشينو الحجم العادى وفى مفاتيح كبيرة تكنو والسعر هيفرق وهيجمل معاك جامد والشاسيه مختلف طبعا لكن العلب واحدة والشريف كويس فى العلب والخراطيم او علاء الدين وانا تحت امرك فى المواصفات بس بصراحة مش فاكر اسعار لانى شطبت من 3 سنين فنسيت

يعنى البتشينو احسن من التكنو ولا العكس وهل اجيب سلك الدش من العتبة برضه ولا اجيبه من باب اللوق ولا مش فارقة وشكرا لرد حضرتك

المشاركة الأصلية كتبت بواسطة eng_hatemfathy

البتشينو ده القمة الصغيرة العادية لكن التكنو اللقمة الكبيرة شوف حضرتك زوقك ايه وامكانياتك ايه لان عدد القم هتفرق معاك كتير فى اللقم والشايسه يعنى هتعدى الالف فرق
وبالنسبة لسلك الدش باب اللوق او العتبه هو متوفر فى الاتنين وطبعا حاول تشترى من محلات مفيهاش فصال

اصل الكهربائى قاللى هات لفة سلك الأسبانى 100 متر وفى ناس بتنصح بسلك السويدى فى الدش فهل حضرتك سمعت عن السلك الأسبانى ولا الأمانى افضل منه او السويدى