لو سمحتوا عايز رأيكوا فى الادا 2107 موديل 2007
ايه أخبار تقل الدريكسيون وبيض المقصات
أنا لسه بتعلم سواقه ومعنديش خبره فى العربيات وعايز أجيب عربيه زيرو فى حدود 45 ألف
وأنهى أنعم المصرى ولا الروسى
عرض للطباعة
لو سمحتوا عايز رأيكوا فى الادا 2107 موديل 2007
ايه أخبار تقل الدريكسيون وبيض المقصات
أنا لسه بتعلم سواقه ومعنديش خبره فى العربيات وعايز أجيب عربيه زيرو فى حدود 45 ألف
وأنهى أنعم المصرى ولا الروسى
عربيه بتكنولوجيا السبعينات
الروسى احسن شويه من المصرى
بص العربيه دى مش ها تحس انها زيرو
اليابانى المستعمل لو عامله 100,000 ادائها احسن
أخوك/ أبو حمزه
زي ما الاخ الكريم ابو حمزه قالك كده
حرام تركب عربيه بالتمن دا بتكنولوجيا الستينات كمان
ممكن تشوف لانسر بطه سليمه في حدود التمن دا او علي الاقل شاهين مستعمله حتبقي احسن من اللادا بالتاكيد
فعلا حتركب اللادا تحس انها عربيه 124 معمول لها سمكره و دوكو جداد
لو هاتجيب 2107 جيب الروسى موتور انجيكشن 1500 وعربية حلوة وموضوع البيض وتقل الدريكسيون اتعالج عن الاول
شكرا على جميع الأراء
بس عندى سؤال يعنى هيا أحسن ولا 128 <الاثنين زيرو>
مافيش وجة مقارنة اللادا طبعا 1500 سىسى لو الروسى 1600 سىسى لو المصرى اللادا على شاسية ة قضيب اقوى كتير من ال 128 على علب شاسي موتور قوى عربية خدمة شاقة اتكل على الله وهات لادا
لو دماغك لادا.....هات الروسي 1600 انجكشن......طلقة
انا مع جميع الاخوة الافاضل انها سيارة من القرن الماضى
ومحمد على دخل بها مصر مع بداية العائلة العلوية
ولكن يكفى انها سيارة زيرو انت اول رجل واول ايد واول من جلس فيها
وبعدين السيارة ثمنها 43 الف زيرو
يا ريت الاخوة الافاضل يوضحوا ما المقصود بالتكنولوجيا الحديثة المتوفرة فى سيارة يابانى مستعملة اوائل التسعينات
او كورى مستعملة اواخر التسعينات ( فى رنج سعر اللادا الجديدة )
فانت لو لقيت عربية يابانى او كورى مستعملة فى هذا السعر ستكون مدخنة وشاسيها مفتوح وعملة عمرتين لليابانى وعمرة للكورى وحالتها كرب وعن تجربة ولف لعدة اشهر
وانا من وجهة نظرى وقد يختلف معى البعض الزيرو زيروحتى لو كانت لادا
1- قطع غيار ببلاش
2- سيارة معمرة جدا
3- شاسية صلب
4- صاج متين
5- توكيل مقرف بس اسعارة ارخص من تحت الكوبرى
6- عدم الخسارة عند البيع كثيرا ( سعر اعادة البيع )
7- اى بلية فى اى ورشة يعرف يصلحها
8- صالون واسع
9 - نازلة بسنتر وكاسيت وانذار وتكييف ولااعتقد ان اى سيارة يابانى اوكورى مستعملة بنفس السعر ستجد بها كماليات اكثر من ذلك
10- سيارة ثابتة جدا على الطريق
11- شنطة واسعة جدا
12- تم علاج المشاكل السابقة من ثقل الدركسيون وبيض المقصات والسخونة ( وان افتى من افتى )
واخيرا هذة وجهة نظرى مع احترام جميع وجهات النظر الموجودة
واخيرا الراى لك فانت من سيدفع ومن سيركب
الزيرو زيرو--- كلام صح (بس دى مسألة نفسية مش أكتر)
العربية الجديدة تحط لها بنزين و تعمل الصيانة الدورية و غير كده دوور و امشى و انت مطمن
ده برضه كلام كويس لو العربية اصلا بجوده كويسة
انا معايا 2 جابوا لادا مصرى زيرو من سنتين تقريبا
فى أول سنة كان ما يعديش شهرين من غير ما يروح التوكيل عشان مشاكل
واحد منهم غير ردياتير 3 مرات فى 8 شهور
اكيد الروسى احسن
بس احسن اد ايه دى بأه اهل التجربة يفتوا فيها
فى نقطة تانية----الأمان و السلامة
العربية متصممه فى السبعينات ايام ما كان لسه مفيش فيها معاملات أمان
يعنى فى حالة حادثة لا قدر الله العربيه تعيش بأقل خساير و اللى جوه مش فى الحسبان
تقل الدركسيون و السخونة و زوايا الدركسيون الضيقة و العفشة الناشفة و استهلاك البنزين العالى و التكييف الضعيف و صوت الموتور العالى جدا
كل ده ممكن يكون اتحسن شوية بس برضه بتدينى احساس عربية قديمة نضيفة و مغسولة
و ربنا يهدينا جميعا للصواب
عزيزى sabbagh
الزيرو زيرو ليست مسالة نفسية ولكنها مسالة عملية مليون فى المائة
والاثنين الذين تعرفهم ليسوا مقياس فلا توجد اى عمليات احصائية تبنى على فردين
فانا سئلت اكثر من عشرين شخصاً لاننى كنت سادفع فلوس
لدرجة اننى كنت اوقف الناس فى الشارع والاشارات للاسئلهم عن اداء السيارة
والشخص الذى غير الردياتير ثلاث مرات وان كان امر غريب فاعتقد انة ليس معيار
فكثير ما قراءنا فى هذا المنتدى ان ملاك سيارات كرولا ومتسوبيشى واسبرانزا قد ذهبوا للتوكيل عدة مرات قبل صيانة الالف
اذا العملية نسبية فالاعطال واردة فى جميع الماركات وعلى جميع مستويات الاسعار
وانا والحمد لله ونمسك الخشب لم تحدث لى اى مشاكل للسيارة من قبل ولم تسخن مطلقاً على مدار عام الا مرة واحدة نزعت فيها ترمسة مروحة الردياتير بدون قصد اثناء تنظيفى للبطارية .
اما موضوع الامان فلا ننسى اننا نتكلم عن سيارة بحوالى 40 الف
فهل تستطيع سيادتك ان تذكر لى سيارة ب40 الف يابانى ثمانينات او اوائل تسعينات او كورى اواخر تسعينات لو لقينا بهذ المبلغ بها وسائل امان
هل يوجد سيارة ب40 الف بها اير باجز
هل يوجد سيارة ب40 الف بها ABS
هل يوجد سيارة ب40 الف بها EBD
هل يوجد سيارة ب40 الف بها دعامات فولاذية مع ان اللادا شاسيها فولاذى
هل يوجد سيارة ب 40 الف بها رادار للتصادامات او قياس المسافات الامامية او الخلفية
هل يوجد سيارة ب40 الف مطابقة لمواصفات الامان الاوروبية وواخدة حتى ربع نجمة فى اختبارات التصادم
والنتيجة لالالالالالالالالالالالا
اذا لايوجد شيى مناسب فى هذا السعر وما ستجدة هو سيارات بدات عليها اعراض الشيخوخة
الموتور دخن
الصاج اتعوج وبدا الصدا ينخر فية
الشاسية مفتوح وملحوم
المساعدين حجروا
السوست وطيت
الفرش كلح
الموكيت نتن
والله وهذا عن تجربة لف قبل شراء السيارة فهل يوجد من يفضل سيارات مشنات كهذة عن سيارة زيرو
على العموم هذا رايى الخاص وقد لايعجب البعض
واخيرا الخلاف لايفسد للود قضية
وانا سعيد بمشاركتك الحوار واهلا وسهلا بك فى منتدانا
وشكرا