ساعدوني في امتلاك سيارة وتكون هي الأولي والأخيرة

**ابو ندى** · 02-01-2013 01:57 AM

أرجوا ومن الأعضاء الكرام مساعدتي في الأختيار
فبعد ان كنت مستقر علي شراء متسوبيشي بوما 2013 لم يعجبني ثبات شكلها من سنوات وعدم وجود تكنولوجيا فيها وعجبتني الكارنز دخلت الموقع وقلت ادور علي مقارنة بين الكارينز والتريوس مع العلم هذه اول عربه لي وان المبلغ المتاح لي هو 120000 الي 140000 فهل سأجد من يساعدني
مع العلم ان ل تجارب مع البروتون برسونا والشيري الصيني

**prince_bondok1st** · 02-01-2013 11:36 AM

داستر ومش هاتندم
دفع رباعي وحماله اسيه واجمد عفشه ف مصر وواسعه موووووووووووووت
واسال وشوف

**Adham** · 02-01-2013 03:41 PM

حدد احتياجاتك في العربية هي اية و استخدامها حايبقى اية و بناء علية حاتعرف اية اللي يناسبك

**ابو ندى** · 02-01-2013 06:04 PM

المشاركة الأصلية كتبت بواسطة prince_bondok1st

داستر ومش هاتندم
دفع رباعي وحماله اسيه واجمد عفشه ف مصر وواسعه موووووووووووووت
واسال وشوف

شكراً للنصيحة
بس محتاج اتوماتيك علشان رجلي الشمال تعبانة

**ابو ندى** · 02-01-2013 06:09 PM

المشاركة الأصلية كتبت بواسطة adham

حدد احتياجاتك في العربية هي اية و استخدامها حايبقى اية و بناء علية حاتعرف اية اللي يناسبك

المشكلة انها اول سيارة امتلكها والخيارات كتير وده الي مخليني متردد والأسعار لو في رينج 120000 هتخلين مرتاح ف القسط لو اعلي من كده حتي 140000 هتخليني مزنوق شويه .
بس انا نفسي ف أوبشن حلو وبسعر مناسب .
صديق لي رشح الصني سوبر صالون اية رائيكم

**kimokaim** · 08-01-2013 05:21 PM

الكارينز بدون تفكير وخاصة الشكل الجديد تحفة

وطبعا عربية عالية ومريحة وعفشتها ناعمة وعائلية وتنفع سفر وتنفع جوه المدينة

والتوكيل مش وحش

أتوكل على الله - بالنسبة للصني طبعا الكرينز أفضل بكثير من حيث العفشة والراحة

ماعرفش الصني متجمعة فين بس الكارينز كوري مية في المية

**Land_Cruiser** · 08-01-2013 06:15 PM

المشاركة الأصلية كتبت بواسطة kimokaim

الكارينز بدون تفكير وخاصة الشكل الجديد تحفة

وطبعا عربية عالية ومريحة وعفشتها ناعمة وعائلية وتنفع سفر وتنفع جوه المدينة

والتوكيل مش وحش

أتوكل على الله - بالنسبة للصني طبعا الكرينز أفضل بكثير من حيث العفشة والراحة

ماعرفش الصني متجمعة فين بس الكارينز كوري مية في المية

الشكل الجديد اللى هو الجيل الجديد من الكارينز هينزل فى ٢٠١٤ فى الأسواق يا فندم و موديل ٢٠١٣ لسه الشكل الحالى بس آخر سنه ليه السنه دى علشان فى ناس موضوع تغيير الشكل ده بيفرق معاها و كمان العربيه تقيله على الموتور بتاعها شويه و ده بيبان لو محمله و طالع بيها مطلع و مشغل التكييف مثلا . لو موضوع نزول شكل جديد عليها مش هتضايقك و لا تقل العربيه على الموتور هتلاقيها اختيار مناسب جدا فهى واسعه و عفشتها ناعمه و ارتفاعها معقول عن الارض و شنطتها واسعه و قطع غيارها متوافرة و سعر اعاده البيع بتاعها كويس قوى. بالنسبه للتريوس هى عاليه عن الارض قوى كأنك راكب جمل و ده بيأثر على الثبات بتاعها جامد بعد ال ١٢٠ و كمان قعدتها متعبه و عفشتها ناشفه زياده و صوت موتورها عالى. انا حاسس انى شلفطتها فى المقارنه بس ده احساسى من خلال تجربه السفر بيها مع احد الاصدقاء للعين السخنه قريب

**S O P H O S** · 15-01-2013 10:36 AM

كرأي فقط : الكارينز او السول
والله اعلم

**mhmhmh75** · 17-02-2013 05:26 PM

هات عربية في حدود الامكانيات المتاحة من غير ما تعزب حالك ناس كثير شكرت في صني سوبر صالون اقتصادية جدا جدا وفيها كل امكانيات العربيات الاغلى حتى البلوتوث فيها وكل وسائل الامان وبسعر مناسب ويابانيي تجميع مصري توكل على الله وسبحانة يدلك واستخير