شكرا يابشمهندس على التوضيح وانا معنديش اى مشكله انا لما دخلت الموضوع او اتحشرت كان الهدف الأفاده العامه فقط وأولهم أنا .
وتقبل احترامى لشخصكم .
شكرا يابشمهندس على التوضيح وانا معنديش اى مشكله انا لما دخلت الموضوع او اتحشرت كان الهدف الأفاده العامه فقط وأولهم أنا .
وتقبل احترامى لشخصكم .
حسام بك
منور الدنيا كلها والله ينور يا باشا وعلى فكرة انا كل اى مزعلنى انى قلت ان الناس الى من القسم بتاعى هيدخلوا يوضحوا وجهه نظرى زي ما سيادتك عملت ، بس حقيقي انا كنت حاسس نفس احساسك الى شكله طلع صح .
احمد بك
كل مشاركة لحضرتك بتدل على شخصيتك المحترمة وسعه صدرك للكل واستحقاق لمنصبك فى المنتدى ، بس على فكرة يا باشا الموضوع مشي زي ما حضراتكم عايزين بدون عنوان وبدون تليفون بدون وسائل الاتصال الى بتخلى الناس تتواصل مع الورشة وتستفاد من الشغل يبقى الحكاية مشيت زي ما حضراتكم عايزيين هذا توضيحاً للامور ، مش زي ما اعضاء القسم عايزين وهذا طبعا تفهمناه احتراما لقوانين المنتدى وبالاخص احتراما للشخص المحترم ا / كريم .
ولحد دلوقتى على فكرة العنوان زي ما هو انا مش عارف بجد ازاى اغيره بس مش لاقى مكان اغيره منه ....
يا باشا كلنا هنا علشان نستفيد و نفيد
تقبل تحياتي.
الله يكرمك يا باشا.......ده بس من ذوقك
حضرتك قولي أيه العنوان اللى شايفه مناسب و نغيره.
للعلم فقط: الإعضاء متعرفش تغير عنوان موضوع بعد نشره..........لازم مشرف
و علشان تبلغ المشرف لازم تعمل تقرير مشاركة من الأيكون ده http://www.nilemotors.net/Nile/AH/Ni...ons/report.gif فى أسفل يمين كل مشاركة.....سواء الموضوع عاوز تعمل فيه تعديل أو الموضوع فيه مخالفة معينة لقواعد المنتدى.
خالص أحترامي لحضرتك.
والله حضرتك اية رايك يكون
ورشة جديدة (مركز الزعيم) لصيانه السيارات الالمانية
كويس كده يا باشا ولا حضرتك شايف اية وحضرتك برده قولى رايك فى وضع عنوان ملائم للموضوع بما يتناسب مع الموضوع ويحافظ على قوانين المنتدى .
بس كده الموضوع ينقصه التفاصيل من عنوان وتليفونات هل ممكن وضعهم فى اماكنهم بعد تغيير العنوان ، ولو اردت تغيير بعض من صيغه الموضوع بما يتماشي مع قواعد المنتدى لك مطلق الحرية يا باشا ودون الرجوع لى ، ولا هيكون صعب لانى اعتقد ان الموضوع من غير المكان ولا التليفون غير مفيد لاى عضو والراى الاول والاخير لحضرتك ، وما يتماشي مع قواعد المنتدى .
تحياتى وشكرى لحضرتك
egman انا عمال اكلمك ومش عارف اسم حضرتك
احنا هنا كلنا بنساعد بعض وده هدف المنتدي
استاذ hossamalsadi
لو عرفت باشمهندس سيد منسق قسم سيات هاتعرف قد ايه انه شخص محترم جدا جدا جد وحط تحتها 100 خط وكمان متعاون جدا وبينحت في الصخر عشان يحيي قسم مهم جدا زي سيات
عادي ان الكتابة على الكيبورد ما بتوضحش كل حاجة لكن لو قابلته زيي هاتعرف انه محترم وخلوق جدا ومايتخيرش عنك
تحياتي
أستاذ كريم بيه
أنا طبعا اعرفك من خلال المنتدى وحواراتك ومداخلاتك مع الجميع فأقول بختصار أنتا إدارى تستحق ان تكون قيادى ومسؤول تعرف حق الأعضاء عليك جيدا لذلك أحبك الجميع وتعامل معك بنفس القدر
أما ان يشعر العضو أنه تلميذ فى المدرسه وهوا فى منتدى عام ده خطأ كبير .
بس مدخلتك مخصوص من أجل عضو الى هوا أنا أو الأخ egman بيدل ان رأى فيك كان صائب وانك حريص على منتداك وكل عضو فيه وأنا مش هنفقك أو هجملك طيب لحساب مين فهمنى طبعا
حتى صاحب الحوار المهندس أحمد مزعلش وبيتناقش وبياخد ويدى مزعلش يعنى بس لما يدخل حد من الباب للطاق ويقف مع ده ضد ده ويتحمس كده ..... ما علينا الأستاذ سيد بيعجبنى خبرته فى السيارات وسرعة مساعدة الأعضاء فى حل مشاكلهم وطبعا ده قسمه وده ما وكله اليه ويمكن يكون مش محترف فى الحوار اثناء معاتبة عضو مثلا ولكن ده نقول لاينفى عنه صفته كونه يتمتع بأخلاق جميله .
وحصل خير وده مناقشه مثمره وأنا سعيد بالتحدث معاك او مع الأخ الأستاذ سيد والأخ المهندس أحمد والأخ شديد التأدب egman الى عوزين نعرف اسمه عشان ننديه بيه .
_____________
تحياتى
صباح الخير اولا عليكم جميعا أساتذتى الافاضل فى المنتدى ، انا عارف ان تعليقي ميعاده بدرى اوى لكن اعمل اية انا دايما بصحى بدرى جدا كده .
اسمي : حسين الصواف ، بعمل فى مجال برمجه وتطوير مواقع الانترنت ، متزوج واب لولد وبنت وعندى 33 سنة ، وعربيتى بما اننا فى منتدى للسيارات طبعا فهى لازم تبقى من بقيه البيانات هى ايبيزا موديل 94 بعكوكه كده صغيره انا عارف انها مش فاخمه على قدى بس الحمد لله بتمشينى :) .
هى الفكرة فى الاسم الى انا بستخدمه ده هو نفس الاسم الى بستخدمه فى كل المنتديات فى كافة المجالات زي تربية اسماك الزينة والنباتات الزينة وطيور الزينة والتكنولجيا والمعلومات .
والله العظيم اكتر حاجة بتسعد الواحد انه بتيكلم وبيتعرف على ناس ليهم قيمة زيكم بجد انا اتعلمت من كل واحد فيكم فى اليويمن الى اتكلمنا مع بعض فيهم دول ، لان بجد والله العظيم كل واحد فى حضراتكم بيمتاز بخلق وسعه صدر غير مسبوقة .
مازلت متابع لتغيير العنوان ووضع البيانات المحذوفة
أنا أأأأأأأأأأأأأأأأسف جداً
و الله أتشغلت و نسيت الموضوع خالص
معلش بعتذر مرة تانية............حالاً هبلغ الإشراف بتغيير العنوان إلى " الزعيم فتح ورشة جديدة فى صقر قريش" و هيتم إضافة العنوان مرة أخرى و الأتنين دول بناء على طلب كريم منير.
معلش نسيت أسألك.........فيه أعتراض أو تعديل حابب تعمله على العنوان اللى انا كتبته فى المشاركة اللى فاتت ؟