ياجماعة انا بجد والله محتاج مساعدتكم فى الأفيو

**ahmed** · 04-08-2008 04:43 PM

انا رايح اعمل صيانة ال 1500 قريب ان شاء الله لافيو 2007 قولولى بقى هى بتتكلف وايه اللى المفروض يتغير غير الزيت والفلتر وتنظيف فلتر التكييف عشان اعمل حسابى وكمان الحمد لله العربيه حتى الان حلوة معايا وحاسس انها مش محتاجه حاجه تانية ف اخد بالى من ايه عشان ما يتنصبش عليا

**esamyounes** · 05-08-2008 07:22 PM

اعتقد انك تقصد صيانة 15000 و فيها تغيير زيت 10000 و تغيير فلتر الزيت و تنظيف فلتر الهواء و تنظيف فلتر التكييف " لو لم بتنظيفه مسبقا" و تربيط عفشة على ان تقوم بالكشف على الطنابير للتأكد من سلامتها و عدم وجود ريجها و إن وجد ريجة لا قدر الله اطلب تغييرها على حساب التوكيل و لا تتنازل عن حقك لانه عيب صناعة فى بعض السيارات و ليس بالكل و عند التغيير يتطلب عليك تغيير تيل الفرامل على حسابك الشخصي حتى يتماشى مع الطنابير الجديدة

**soska** · 09-08-2008 03:58 AM

اها طب ممكن اعرف الافيو 2009 تقفيل كورى تعمل كام دلوقتى او حضرتك حجزتها بكام؟

**AshKill** · 09-08-2008 09:19 AM

انا عندى 2008 عاملة حوالى 4000 كم و ماشوفتش المشكلة دى الحمد لله . لحد دلوقت العربية ممتازة الا انى حاسس ان استهلاك البنزين زيادة شوية يمكن لانها أوتوماتيك

**ahmed** · 14-08-2008 12:34 AM

طيب وانا اعرف منين ان الطانبير عايزة تتغير
هل هى الريحه دى بس ولا وانا ماشى بلاقى حدفة

**bikoalby** · 15-08-2008 02:34 PM

المشاركة الأصلية كتبت بواسطة soska

اها طب ممكن اعرف الافيو 2009 تقفيل كورى تعمل كام دلوقتى او حضرتك حجزتها بكام؟

تعمل 80000 فول اوبشن مانيوال اغلى الفين بس وانصحك احسن بكثير انا مجربتهاش بس اللى جربوها قالو كدة .

**bikoalby** · 15-08-2008 02:36 PM

المشاركة الأصلية كتبت بواسطة ahmed

طيب وانا اعرف منين ان الطانبير عايزة تتغير
هل هى الريحه دى بس ولا وانا ماشى بلاقى حدفة

هو انا مش بفهم اوى فى العربيات بس المهندس بتاع منصور قلى انك بتحس ان الفرمل مرملة معاك

مش فاهم اوى يعنى بس بيتهيقلى كأنك بتفرمل فى رملة ممكن .

**bikoalby** · 15-08-2008 02:40 PM

اولا انا متشكر جدا بس انت مقتليش تاب اعمل ايه اتكل على الله واجيبها ولا اسأل تانى.

**reham2100** · 14-09-2008 06:22 AM

اخوانى الاعزاء انا بفكر انى اشترى سيارة شيفرولية افيو 2009 اية رايكم يا جماعة اتوكل على الله ولا اشترى هيونداى فيرنا ممكن ارد ارجوكم سريعالانى متردد جدا وخصوصا انى انا نسبة المال معى متراوحة مابين الافيو والفيرنا وشكرا جزيلا