ياجماعة انا بجد والله محتاج مساعدتكم فى الأفيو

ياجماعة انا بجد والله محتاج مساعدتكم فى الأفيو.
انا كنت حاجز افيو 2009تقفيل كورى ولغيت الحجز بسبب الكلام على مشكلة الطنابير والفرامل بتاعة العربية انها بتبوظ بعد 500 كيلو وناس بتقول300 وناس غيرتها مرة فى صيانة 1000 ومرة تانية فى 5000 المهم لغيت الحجز لان واحد مهندس من شركة منصور قالى ان ده عيب فى العربية وقلى كبر دماغك من الافيو وفكر فى حاجة تانية لانه ملهوش حل.
اللى انا عايز اعرفه للناس اللى معاها العربية هل فعلا العيب ده هما حاسسيين بيه اوىومضايقهم ولا الراجل اللى قلى كدة بيبالغ وخصوصا انه راكب تيوتا كرولا , ولو حد عنده حل للمشكلة دى ياريت يقلى اعمل ايه,وهل هذا العيب يستدعى انى الغى الحجز ولا اعمل ايه ,ولو ملهاش حل تاب الناس اللى اشترت زى ناس صحابى تعمل ايه .
انا اسف طولت عليكككو بس اتمنى المساعدة .

انا عندى 2006 عمرى ما حسيت بالمشكله دى

انا معايا 2007 70000 كيلو الحمد لله ماغيرتش ولا مره الا تيل مره عند ق50 الف

انا معايا من 2007 و لسة عامل صيانة 15000 و غيرت تيل فرامل امامي بس عشان هما قالوا كده بس التيل القديم معايا و شكله يشتغل كمان 100000 بس مش مشكلة خليهم ياكلوا عيش ....
( كلتها بمزاجي يعني )
القصة يا عزيزي ان تيل الفرامل مش داخل جوة الضمان و معظم الناس مشافتش اساسا تيل فرامل قبل كدة و هي سبوبة يعني 250 جنية .... و موضوع التغيير المتكرر ده بيحصل لما تغير مركز الصيانة يعني لما تعمل صيانة ال5000 في مركز و يمصلح عليك في تيل فرامل و بعد كدة تعمل صيانة ال10000 في مركز تاني هيحطللك او مصلحة في اللستة و هي تيل الفرامل .... انما لما تثبت علي مركز واحد هيغيرلك كل مرة حاجة مختلفة مرة تيل مرة سيور مرة مساعدين يعني هينوع


الخلاصة : برجاء عدم تغيير النصاب حتي لا يتم انصب عليك مرتين بنفس النصباية

علي فكرة كلهم كدة يعني من منصور لغبور لابو غالي لكل التوكيلات يا قلبي لا تحزن

الموضوع ده بيفكرني باعلان مصاعد الهاوية

ما اعتقدش ان فيه عربيه مهما كانت تغير تيل علي 300 و 500 كيلو دي ابدا
ممكن 5000 كيلو بس يكون استعماله سئ.

انا متشكر جدا ياجماعة على أفادتكم لى.

الافيوا مفيهاش مشكلة فى الفرامل كل المشكال الى ظهرت لحد دلوقتى
1-الجلب الخلفية
2-علبة الدركسيون
3-تعليق فى rpm
و دة المشاكل الى كان سببها عيوب صناعة و التوكيل عارف الكلام دة

انا معايا افيو 2007 عامله 18000 الف و مفيش المشكله دى خالص

مسمعتش عن الموضوع ده خالص

بسم الله الرحمن الرحيم
انا عندى سياره افيو موديل 2007 عامله 26 الف والمشكله التى واجهتنى بالسياره حتى الان هى حدوث ريجه فى الطنابير الاماميه للسياره بعد 13 الف ومن ثم توجهت الى التوكيل اكثر من مره بهذا العيب وربنا وفقنى واستطعت تغير الطنابير على حساب التوكيل ثم قمت بتغير التيل حتى يتماشى مع الطنابر الجديده غير كده العربيه ذى الفل .

انا رايح اعمل صيانة ال 1500 قريب ان شاء الله لافيو 2007 قولولى بقى هى بتتكلف وايه اللى المفروض يتغير غير الزيت والفلتر وتنظيف فلتر التكييف عشان اعمل حسابى وكمان الحمد لله العربيه حتى الان حلوة معايا وحاسس انها مش محتاجه حاجه تانية ف اخد بالى من ايه عشان ما يتنصبش عليا

اعتقد انك تقصد صيانة 15000 و فيها تغيير زيت 10000 و تغيير فلتر الزيت و تنظيف فلتر الهواء و تنظيف فلتر التكييف " لو لم بتنظيفه مسبقا" و تربيط عفشة على ان تقوم بالكشف على الطنابير للتأكد من سلامتها و عدم وجود ريجها و إن وجد ريجة لا قدر الله اطلب تغييرها على حساب التوكيل و لا تتنازل عن حقك لانه عيب صناعة فى بعض السيارات و ليس بالكل و عند التغيير يتطلب عليك تغيير تيل الفرامل على حسابك الشخصي حتى يتماشى مع الطنابير الجديدة

اها طب ممكن اعرف الافيو 2009 تقفيل كورى تعمل كام دلوقتى او حضرتك حجزتها بكام؟

انا عندى 2008 عاملة حوالى 4000 كم و ماشوفتش المشكلة دى الحمد لله . لحد دلوقت العربية ممتازة الا انى حاسس ان استهلاك البنزين زيادة شوية يمكن لانها أوتوماتيك :balloon:

طيب وانا اعرف منين ان الطانبير عايزة تتغير
هل هى الريحه دى بس ولا وانا ماشى بلاقى حدفة

اقتباس:

---

المشاركة الأصلية كتبت بواسطة soska

اها طب ممكن اعرف الافيو 2009 تقفيل كورى تعمل كام دلوقتى او حضرتك حجزتها بكام؟

---

تعمل 80000 فول اوبشن مانيوال اغلى الفين بس وانصحك احسن بكثير انا مجربتهاش بس اللى جربوها قالو كدة .

اقتباس:

---

المشاركة الأصلية كتبت بواسطة ahmed

طيب وانا اعرف منين ان الطانبير عايزة تتغير
هل هى الريحه دى بس ولا وانا ماشى بلاقى حدفة

---

هو انا مش بفهم اوى فى العربيات بس المهندس بتاع منصور قلى انك بتحس ان الفرمل مرملة معاك :fool:مش فاهم اوى يعنى بس بيتهيقلى كأنك بتفرمل فى رملة ممكن .

اولا انا متشكر جدا بس انت مقتليش تاب اعمل ايه اتكل على الله واجيبها ولا اسأل تانى.

اخوانى الاعزاء انا بفكر انى اشترى سيارة شيفرولية افيو 2009 اية رايكم يا جماعة اتوكل على الله ولا اشترى هيونداى فيرنا ممكن ارد ارجوكم سريعالانى متردد جدا وخصوصا انى انا نسبة المال معى متراوحة مابين الافيو والفيرنا وشكرا جزيلا

الافيو كويسه ماشاء الله وفى مواضيع كتير عنها ممكن تفيدك
وممكن تبص برضه عالرينو كليو ب 74 الف
وانصحك بلاش فيرنا

يا جماعة حد يفيدني في موضوع الفرامل دة
انا هروح ان شاء الله اعمل صيانة ال 15000 واستفدت تمام من الكلام اللي قلتوه!! بس ناقص موضوع ريجة الفرامل دة انا مش عارف ازاي اعرف ان عندي مشكلة في الفرامل او الطنابير ؟؟؟

لو الطنابير فيها ريجه يبقى وأنت بتفرمل هتلاقي الدريكسون بيترج ( أو بيرعش ) ودي بتظهر عند الفرمله على سرعة عالية .

لو مفيش أي رعشة في الدركسيون عند الفرمله ، تبقي الطنابير تمام .

اقتباس:

---

المشاركة الأصلية كتبت بواسطة Moh

لو الطنابير فيها ريجه يبقى وأنت بتفرمل هتلاقي الدريكسون بيترج ( أو بيرعش ) ودي بتظهر عند الفرمله على سرعة عالية .

لو مفيش أي رعشة في الدركسيون عند الفرمله ، تبقي الطنابير تمام .

---

تمام يا باشا الحمد لله مافيش الرجة دي !!
انا بحس ان فراملها خفيفة شوية واني لازم ادوس جامد على الدواسة (بس اعتقد الموضوع دا نسبي ) لكن ماسكة نفسها وبتقف حتة واحدة

انا (اعوز بالله من كلمه انا )معايا افيو 2009 مفيهاش الكلام ده خالص والدليل على كده شوف منظر الناس الى بتحجز اللافيو فى معارض منصور دول بالطوابير واكيد كل واحد بسال قبل ما يروح يدفع شقى عمره فمفيش حاجه من الى انت بتقول عليها ظهرت معايا لحد دلوقتى و او حصل حاجه الضمان موجود

انا معايا افيو 2007 غيرت الطنابير و التيل عند 10000 و عند 14000 وعند 20000وعند26000وعند35000وعند 45000 و بعد كده اولت طيب اغير و اشتريهم من بره التوكيل و المشكله بتاعت الهزة خلصت بس فييه صفارة جامده لما الطنابير تسخن
انا زهقت نفسى الاقى طنابير و تيل كويس

انا معايا افيو 2007 زى الفل مفيهاش المشاكل دى خالص علشان كورى مش اكتر

يا جماعة المشكلة مش موجودة ولا فى 2006 ولا 2007 المشاكل بدات من 2008 ولغاية دلوقتى مش عارفين يحلو حاجة ومعرفشى ليه بينتجوها
نصيحة انسى خالص ان فى سيارة اسمها افيو
فكر فى الاكسنت الجين تو

انا معايا افيو 2009 وى مافيهاش غير شوية زقزقة لما اخد مطب جامد ، لكن موضوع التيل وى الطنابير ما حصلتش معايا خالص ، انا لحد دلوقتى ماشى بيها 12000 كيلو .
انا ليا سؤال لكل الناس اللى بيقولوا المشاكل دى هو المواضيع دى كلها من الافيو التقفيل المصرى ولا الكورى ولا الاتنين بجد عاوز اعرف ؟؟؟؟؟؟؟؟؟

ياجماعة انا شايف ان فيه تحامل كبير اوى على الافيو مش عارف ليه. انا معايا افيو 2009 عامل بيها 1000 كيلو وعملت صيانة مرتين و العربية زى الفل وبدون مبالغة لم اشعر بأى من المشاكل اللى الناس بتحكى عليها خالص. انا اظن و الله اعلم ان حسن الاستخدام ليه عامل كبير فى الموضوع ده.

يا أخى انا معايا افيو 2008 وعامل بيها 15000 ك، ولم أغير بها لا مساعدين ولا تيل على الرغم من أن التوكيل قالى انت محتاج تغير التيل عند 15000 بس قلتلو طيب اشوف التيل الأول، قالى وممكن يقعد معاك 1000 أو 2000 ك كمان

ولكن اليارس طبعاً افضل بس فى فرق فى السعر حوالى 10000 ج، لو معاك ادفعهم. بس أنا مصادفتش اى مشكلة من المشاكل المطروحة.

السلام عليكم و رحمة الله و بركاته ,,,

طبعا انا عضو جديد و اتشرفت بعضوية منتداكم المفيد ..

انا معايا افيو 2010 لسة عاملة 1000 كم بالتمام و الكمال ...

الصراحة منصحش اي حد يجيب افيو لأني خدت اكبر مقلب في حياتي ...

مشكلة الفرامل فعلا موجودة هتبتدي معاك انك تحس ان الفرامل خفيفة .. هتزود دوستك عليها مرة في التانية مع السلامة التيل باظ و هتسمع الصفارة .. انا سمعتها بعد الالف كيلو و رايح النهاردة اشوف الموضوع دة في التوكيل ..

غير كدة العربية الستابيلتي بتاعها سيء جدا بعد سرعة ال 100 كم ... في صلاح سالم اللي يعتبر انضف شوارع القاهرة هتحس انك راكب فوق خيل و عمال بيتنطط بيك !!!

مش عارف اجنط ولا اسقط عفشة ولا اعمل ايه مع النصابين دول منهم لله ..

اللي عايز يشتري عربية نصيحة مني يستنى السنة الجديدة الضرايب عالخليجي هتنزل و في اشاعات بتقول هتتلغي خالص .. جيب عربية خليجي و جمركها انضف من مليوووووووووووووون منصووور و مليوووووووووووون افتكاسة و نصباية في مصر .

بجد انا متضايق من الافيو و ربنا يعوض عليا .

اقتباس:

---

المشاركة الأصلية كتبت بواسطة احمد عز

انا (اعوز بالله من كلمه انا )معايا افيو 2009 مفيهاش الكلام ده خالص والدليل على كده شوف منظر الناس الى بتحجز اللافيو فى معارض منصور دول بالطوابير واكيد كل واحد بسال قبل ما يروح يدفع شقى عمره فمفيش حاجه من الى انت بتقول عليها ظهرت معايا لحد دلوقتى و او حصل حاجه الضمان موجود

---

أستاد احمد مع احترامي الشديد ...
انا لسة شاري الافيو 2010 و فعلا المنظر اللي بتوصفه دة مظبوط 100% و العربية و انا بشتريها حسيت اني رايح اجيب ألماس او بجيب لبن العصفور كل المعارض بتتنك عليك و زحمة الافيو عربية محبوبة في مصر و الكلام دة ..

بس التجربة خير برهان .. أكبر مقلب .
والله انا بقول الكلام دة عشان خسرت خسارة كبيرة و صعبان عليا غيري يخسر 84 ألف جنيه في صفيحة ملهاش لزمة .

نصيحتي للي عايز يشتري ادفعلك 10,000 زيادة انشالله بالتقسيط و خد الياريس .

انا عندى افبو 2008 العربية ممتاز بس انت بتستخدمها ازى لو ركب bmw ومهمل فيها هتبوظ منك الرك على الاستخدم
بالنسبة للتيل انا لسة مغير تيل الفرمل مغيرتش فى التوكيل جبت الكورى 50 جنية وشغل معى كويس هما فى التوكيل محتكر قطاع الغير وبكسب دهب منها خلي يشربها