فرصة لمن يريد شراء سيارة زيرو في حدود 125000 الف جنية

فرصة لمن يريد شراء سيارة زيرو في حدود 125000 الف جنية
توكيل ميتسوبيشي الجديد منزل عرض بقاله فترة علي جميع موديلات لانسر شارك من الفئه الاولي و حتي الفئه السادسة و الخصم يبدء من 5000ج و حتي 15000ج علي أول فئة.

العـروض الموجودة الان علي لانسر شارك موديل 2012 :
ديه الأســعار قبل الخصم و بعدة:
140000 >> 124900
142500 >> 128000
146000 >> 134000
152000 >> 141000
158000 >> 150000
163000 >> 158000
انا شايف العرض كويس ليه لاني بقارنها بالسيارات الموجودة في السوق في نفس رينج أسعارها.
يعني مثلا :
- هيونداي أكسنت رينجها الان من 110 الف و حتي 130 الف.
-هيونداي النترا رينجها الان من 136 الف و حتي 157 الف .
-هيونداي I30 وصلت لـ 125 الف
-كـيـا ريو من 116 الف و حتي 126 الف (1400 سي سي ).
-كيا سيرراتو من 116 ال و حتي 141 الف.
-النيسان صني وصلت تقريبا لـ112 الف (1500 سي سي ).
-شيفورليه كروز من 131 و حتي 150 الف.
- اللانوس الاتوماتيك وصلت لـ 87000ج (ملهاش علاقه بالمقارنه لكن لفت انتباهي سعرها المبالغ فيه).

طبعا مع احترمنا للسيارت السابق ذكرها ولكن ميتسوبيشي لانسر ياباني 100% , الأسعار السابقة قابله للزيادة أو النقصان لانها منقوله من موقع (كونتكت كارز).

ويوجد أيضا سيارات محترمه كتير في نفس الفئه السعريه مثل (تويوتا كرولا - تويوتا افانزا-فيات برافو- فيات لينيا - سيات ابيزا - كيا كارينز - كيا سول - فولكس فاجن بولو - نيسان تيدا - أوبل استرا - أوبل كورسا - بيجو 207,308,408 - رينو ميجان و رينو فلوانس و داستر - ستروين C4 .
http://img854.imageshack.us/img854/8352/lancerex.jpg

أسعار قطع الغيار و الصيانه لا تشجع الصراحه

اقتباس:

---

المشاركة الأصلية كتبت بواسطة kareem.elaraby

أسعار قطع الغيار و الصيانه لا تشجع الصراحه

---

صيانات فردية عادية :
150,130,110,90,70,50,30,10 = بتكون في حدود 700ج
صيانات زوجية عاديه :
180,140,100,60,20 = بتكون في حدود 800ج
صيانات 40 الف كم :
200,120,40 = ديه بتكون في حدود 1600ج
صيانات الـ80 الف كم :
240,160,80 = بتكون في حدود 2500ج
-----------------------------------------------------------------------------------------

أما أسعار قطع الغـيار فهي أغلي من الشكل القديم أكيد لكن بنسب متفاوته .
لكن متوفرة في التوكيل الجديد داموند موتورز و متوفرة ايضا في التوكيل القديم مصرية و الرواس.

ومنها الاستيراد في الحرفيين بكثرررة و فيه منها الجديد بقي التايواني و كدة.

ومشكور على الإفاده ...........

اقتباس:

---

المشاركة الأصلية كتبت بواسطة akmm

ومشكور على الإفاده ...........

---

العفو يا باشا - و كل سنه و انت بخير
و كل نايل موتورز بخير يا رب..

الفلاتر عامله كام
و قطع الغيار
دياموند موتورز كان ليا صاحبي اشتغل هناك شويه لما كان بيقولي أسعار قطع الغيار كنت هأضربه في مره

اقتباس:

---

المشاركة الأصلية كتبت بواسطة kareem.elaraby

الفلاتر عامله كام
و قطع الغيار
دياموند موتورز كان ليا صاحبي اشتغل هناك شويه لما كان بيقولي أسعار قطع الغيار كنت هأضربه في مره

---

فلتر تكييف = 225ج
فلتر زيت = 75ج
فلتر هواء = 285ج
فلتر بنزين = 700ج (دة غالي لانه داخل التانك زي عربيات كتير) و دة بيتغير كل 80 الف كم.
والسير المجمع بتاعها جنزير 230 ج
و ديه أسعار التوكيل طبعا في الصيانات المستمرة , و فيه اللي بيجيب الحاجات ديه من برة ياباني درجة ثانيه او تايواني باقل من نصف الثمن.
-----------------------------------------------------------------------------------------
قطـع الغيار :
فانوس امامي = 450ج
فانوس خلفي بالرفرف = 200ج
فانوس خلفي بالشنطه = 185ج
اكصدام امامي = 350ج
اكصدام خلفي = 465ج
و ديه أسعار قطع الغيار التايواني

تسلم يا باشا علي مجهودك ..

بالنسبة للكماليات الموجودة في شارك 2012 اللي عليها العرض كالتالي :

*الفئة الأولي = 124900ج - 1ايرباج- تكييف- زجاج كهرباء- مرايات كهرباء- باور - سنترلوك - نظام حماية ضد السرقة - 2مفتاح ريموت - زجاج خلفي بالاسلاك الحرارية - عجل مقاس 16 بوصه بطاسات- راديو و سي دي - 4 سماعات - تكييف الهواء مانيوال .

*الفئة الثانية = 128000ج - جميع ما سبق + جنوط اسبور.
...
*الفئة الثالثة = 134000ج - جميع ما سبق + أوكر داخلية نيكل - أبانوس - فوج لايت - مقاعد قابله للطي 3/2 و الكنبه الخلفية مزودة بحامل أكواب.

*الفئة الرابعة = 141000ج - جميع ما سبق + التكييف اتوماتيك - 6 سماعات - usb

*الفئة الخامسة = 150000ج - جميع ما سبق +سي دي 6 اسطوانات - 9 سماعات هاي باور - طارة مالتي فانكشن - 2 ايرباج - أنظمة abs,ebd,bas - الفتيس و فرامل اليد جلد .

*الفئة السادسة = 158000ج - جميع ما سبق + سبويلر + فتحة سقف + مفتاح بصمة.

ونسيت أقولك دة طبعا الموتور الجديد 1600سي سي
وطبعا كله الفتيس اتوماتيك من الفئه الأولي و حتي السادسة.

الله ينور عليك تسلم ايدك :Ta_clap[1]:

هو العرض ده لسه موجود؟؟؟ لو لسه موجود يبقى العرض فى الوقت الحالى تحفة بصراحة

الله ينور
شكرا عالافادة
بس انا لو هاشتري اجيب ام 150 الف عشان عوامل الامان

المشكله ان مفيش منها مانيوال و ان الشكل ده من 2008 لكن بغض النظر عن كل ده الاسعار و الاوبشن و انها يابانى تخلى الواحد يفكر فيها

اقتباس:

---

المشاركة الأصلية كتبت بواسطة devil_storm

هو العرض ده لسه موجود؟؟؟ لو لسه موجود يبقى العرض فى الوقت الحالى تحفة بصراحة

---

اة العرض لسه موجود و ناس كتير اشترت الاسبوع اللي فات و انا واحد منهم.

اقتباس:

---

المشاركة الأصلية كتبت بواسطة mi22do

اة العرض لسه موجود و ناس كتير اشترت الاسبوع اللي فات و انا واحد منهم.

---

الف مبروك ياباشا و ربنا يباركلك فيها الحقيقه صفقه رابحه جدا

الف شكر لحضرتك على الموضوع والتنبيه بالعرض

لكني مش شايف انه عرض ولا اي حاجة !!

العربية شكل قديم من 2008 + كماليات قليلة !! + وسائل الامان مش موجودة الا في الفئة اللى ب 150 الاف !! + اسعار قطع غيار ناار !! = سعر مبالغ فيه بشكل غير طبيعي

اقتباس:

---

المشاركة الأصلية كتبت بواسطة mi22do

فلتر تكييف = 225ج
فلتر زيت = 75ج
فلتر هواء = 285ج
فلتر بنزين = 700ج (دة غالي لانه داخل التانك زي عربيات كتير) و دة بيتغير كل 80 الف كم.
والسير المجمع بتاعها جنزير 230 ج
و ديه أسعار التوكيل طبعا في الصيانات المستمرة , و فيه اللي بيجيب الحاجات ديه من برة ياباني درجة ثانيه او تايواني باقل من نصف الثمن.
-----------------------------------------------------------------------------------------
قطـع الغيار :
فانوس امامي = 450ج
فانوس خلفي بالرفرف = 200ج
فانوس خلفي بالشنطه = 185ج
اكصدام امامي = 350ج
اكصدام خلفي = 465ج
و ديه أسعار قطع الغيار التايواني

---

حضرتك شايف ان فلتر الهوا لما يكون ب 285 جنيه اللى المفروض انه هيتغير كل 20 الاف كم بسبب التراب والجو وفلتر البنزين ب 700 جنيه وفلتر زيت ب 75 جنيه !!!!

المفروض اني اعتبر انها كدة اسعار قطع غيار عادية !! ؟؟ :hitwall3: :hitwall3:

بصراحة جامدة جدا وانا هشتري تيدا هاى لاين....كنت ممكن اغير رأيي لو بس فى اي بي اس فى الفئة التالتة او التانية....... متأكد ان مفهاش اى ب اس؟؟؟ لو مش كده هنزل اجيبها

اقتباس:

---

المشاركة الأصلية كتبت بواسطة Ahmod

الف شكر لحضرتك على الموضوع والتنبيه بالعرض

لكني مش شايف انه عرض ولا اي حاجة !!

العربية شكل قديم من 2008 + كماليات قليلة !! + وسائل الامان مش موجودة الا في الفئة اللى ب 150 الاف !! + اسعار قطع غيار ناار !! = سعر مبالغ فيه بشكل غير طبيعي



حضرتك شايف ان فلتر الهوا لما يكون ب 285 جنيه اللى المفروض انه هيتغير كل 20 الاف كم بسبب التراب والجو وفلتر البنزين ب 700 جنيه وفلتر زيت ب 75 جنيه !!!!

المفروض اني اعتبر انها كدة اسعار قطع غيار عادية !! ؟؟ :hitwall3: :hitwall3:

---

هقولك وجهه نظري

*بالنسبة ان العربيه شكل قديم : العربيه متعتبرش شكل قديم ولا حاجه (اومال لانسر البومه اللي بقالها 10 سنين تبقي ايه ؟ , ولا اللانوس اللي بقالها اكترر من 10 سنوات تبقي ايه ؟, و غيرهم كتير )

*بالنسبة ان كمالياتها قليله (دة لاول فئة) : 1ايرباج- تكييف- زجاج كهرباء- مرايات كهرباء- باور - سنترلوك - نظام حماية ضد السرقة ايموبيليزر - 2مفتاح ريموت - زجاج خلفي بالاسلاك الحرارية - عجل مقاس 16 بوصه - راديو و سي دي - 4 سماعات - كمبيوتر رحلات (يحدد متوسط استهلاك البنزين , يحدد مواعيد الصيانه القادمة.
انا شايفها مناسبة جدا كـ Base Line و كعربيه ياباني 100% بالسعر دة 124900ج

*وسائل الأمان مش موجودة غير في الفئات العاليه منها : ديه ليك حق فيها , بس برضو كل حاجه و ليها سعرها .

*أســعار قطع الغيار نار : انا شايفها طبيعيه لان موجود منها الياباني في التوكيل و الاستيراد و التايواني كمان.

* فلتر الهواء,فلتر البنزين,فلتر الزيت : نفس أسعار اللانسر الشكل القديم الفرق بسيط جدا, يعني فلتر الزيت في البومه = 70ج , فلتر الهواء = 270ج (يتغير كل 40 الف كم ) , فلتر البنزين = 700ج (كل دية أسعار التوكيل للانسر بـــومة ).

يعني ملخص الكلام دة كله ان : الـشـارك هي تطوير طبيعي للـبومة مع فرق بسيط في الصيانات و قطع الغيار .

السلام عليكم انا بس هقول على كام نقطة اول حاجة ان لسة شارى لانسر شارك 2012 و كان معايا لانسر شارك 2008 منيوال لمدة 8 شهور مبدئيا كدة مفيش الفئات الى من 124000 لحد 134000 خلصوا انا وقت ما اشتريت من شهر مكنش فية غير الى ب 141000 و151000 تانى حاجة موضوع العربية هى عربية ممتازة و موضوع سعر الصيانة دة مبدئيا لو بصينا علىها بتتغير كل اد اية هتلقيها عادية يعنى مثلا فلتر البنزين كل 80000 هو غالى بس كل فين وفين لما هتغيرة البوجيهات كل 60000 او 80000 هتلاقى فى الاخر ان الصيانة مش غالية عادية .
ونقطة السعر الالنترا اول فئة بقت ب 142000 و السيراتو الشكل الجديد نزل منها الخليجى اول فئة بين 132000 و 134000 واعتقد لما الطلب يزيد عليها هتغلى ودة شيء طبيعى لان الريو الفئة الى هى اقل من السيراتو من 114 لحد 130000 و و الرينو فلوينس فى نفس الرنج و هى عربية كويسة فيها options اعلى من اللى العربيات بس فيها فى رأى الشخصى مشكلتين جامدين اول حاجة الفرنساوى ان جربتة قبل كدة مع اتنين اصحابى قطع غيار غالية جدا و لو لازم تعملها صيانة جوة التوكيل الا طبعا لو عندك ميكانيكى كويس وواثق فية جدا علشان التكنولوجيا فية عالية و بيخسر سعرة جامد و فى التيدا ان مجربتهاش بس كل الى معاة العربية بقول انها كويسة و سعرها افضل من السيارات الى فى نفس الفئة بس انا عندى مشكلة جامدة معاها فى الshape بتاعها مبحبوش خالص

هو شكل الجنط فى سادس فئه زى الى الصوره فى اول الموضوع ولا مختلف عن كده ؟؟

شكرًا يا فندم على الخبر. انا لى بس تعليق بسيط على الشارك اللى منزلينها ٦ فئات . حاجه over بصراحه . يعنى BMW لما تنزل ٦ فئات مثلا كل عربيه بتبقى شكل و موتور و كماليات مختلفه انما الشارك ال ٦ فئات هما نفس العربيه فى الاخر يبقى ايه لزمتها ٦ فئات بس :hitwall3:

اقتباس:

---

المشاركة الأصلية كتبت بواسطة mi22do

- اللانوس الاتوماتيك وصلت لـ 87000ج (ملهاش علاقه بالمقارنه لكن لفت انتباهي سعرها المبالغ فيه).

---

باشا هية فى لانوس اوتو

اقتباس:

---

المشاركة الأصلية كتبت بواسطة hazemhassan

باشا هية فى لانوس اوتو

---

أكيد يقصد الأفيو

اقتباس:

---

المشاركة الأصلية كتبت بواسطة hossam_elwani

هو شكل الجنط فى سادس فئه زى الى الصوره فى اول الموضوع ولا مختلف عن كده ؟؟

---

فى انتظار الرد على السؤال