الموضوع: بقى في رادار على الان ايه

المشاركة الأصلية كتبت بواسطة BassamHafez

السلام عليكم يا صقور نيسان

بقالي كتير مش بشارك خالص نظرا لظروف نقل مكان السكن

حبيت ارجع ليكوا بحاجه مفيده وتحذير للناس اللي بتجري على محور الان ايه وانا من ضمنهم

خللوا باكوا بقى في رادار على الان ايه

وهو متحرك وبيخبوه ورا عربيه ملاكي قديمه عشان ما تشكش انه رادار

والسرعه 60 على الطريق ده

بكرر خللوا بالكوا من اي عربيه ملاكي او اجرة او نقل راكن على جنب لانها بتبقى تبعهم وبييحطوا الرادار وراها

على فكرة دة مش على المحور بس دة كمان على الطريق الزراعى القاهرة الاسكندرية فى طوخ عند مول العابد الجديد برضه حطين عربية ووراه الرادار

تسلم يا استاذ باسم على التنبـــــيه
وربنا يسترها على كل الناس

المشاركة الأصلية كتبت بواسطة moumen_hs

أحنا نشوف حد يشترلنا جهاز كاف الردار كان موجود فى دبى بيبداء من 250 درهم لو حد يجبلنا معلومات عنة ونريح دماغنا من مخلفات الردار

و ليه تكلف نفسك 250 درهم
ما أنت ممكن تمشي بسرعة الطريق الرسمية و تريحك دماغك من وجع قلب السرعة و حرقة الدم و حرقة البنزين و تقليل مخاطر السواقة و التحكم الأقصى في السيارة .......
السرعة المنخفضة كلها مميزات .

المشاركة الأصلية كتبت بواسطة tutankhamoun

و ليه تكلف نفسك 250 درهم
ما أنت ممكن تمشي بسرعة الطريق الرسمية و تريحك دماغك من وجع قلب السرعة و حرقة الدم و حرقة البنزين و تقليل مخاطر السواقة و التحكم الأقصى في السيارة .......
السرعة المنخفضة كلها مميزات .

في مصر
لا !
هتلاقي شعب مصر كله عاوز يعدي منك و يرمي عليك عشان ياخد منك غرزه غير بقي فيه حركه جديده في مصر كل واحد يمشي بالحد الاقصي للسرعه للطريق و يقفل الحاره الشمال !
لو حد عاوز يعدي مش بيعرف يعدي
ما مشيتشي علي المحور قبل كده ولا ايه
علي المحور والله الحاره اليمين هي اللي بتبقي مفتوحه

المشاركة الأصلية كتبت بواسطة kareem.elaraby

في مصر
لا !
هتلاقي شعب مصر كله عاوز يعدي منك و يرمي عليك عشان ياخد منك غرزه غير بقي فيه حركه جديده في مصر كل واحد يمشي بالحد الاقصي للسرعه للطريق و يقفل الحاره الشمال !
لو حد عاوز يعدي مش بيعرف يعدي
ما مشيتشي علي المحور قبل كده ولا ايه
علي المحور والله الحاره اليمين هي اللي بتبقي مفتوحه

ما هو المفروض أن محدش يعدي السرعة القصوى للطريق .

أنا من ناحية اللي عايزين يعدوا .......... فكتيييييييييييييييييييييي ييييييييييييييييييييييييي ييير
تقريبا الشعب كله مستجعل و كل واحد هو أهم واحد على الطريق .
كله وراه مشاغل و الباقيين صيع .
بس برضه أنا مليش دعوة بغيري ......... أنا بعمل الصح و خلاص .

بس بيني و بينك ...الطريق في مصر هو حقل حرب .... شوية *%&$^%#$%^#$%*#^%$^#

المشاركة الأصلية كتبت بواسطة tutankhamoun

ما هو المفروض أن محدش يعدي السرعة القصوى للطريق .

أنا من ناحية اللي عايزين يعدوا .......... فكتيييييييييييييييييييييي ييييييييييييييييييييييييي ييير
تقريبا الشعب كله مستجعل و كل واحد هو أهم واحد على الطريق .
كله وراه مشاغل و الباقيين صيع .
بس برضه أنا مليش دعوة بغيري ......... أنا بعمل الصح و خلاص .

بس بيني و بينك ...الطريق في مصر هو حقل حرب .... شوية *%&$^%#$%^#$%*#^%$^#

الكلام النظري حاجه و اللي المفروض يحصل حاجه تانيه و اللي بيحصل actual علي ارض الواقع حاجه تالته خالص

ربنا يحفظ طريقنا و يكفينا شر عربيتنا و شر الغشوميه يا رب

اللي ملتزم ..... مش هايهمه الرادرا .
أنا بمشي على أي طريق و حاطط في بطني بطيخة صيفي .......... بألتزم بسرعة الطريق الرسمية .
و شكرا على التنبيه

المشاركة الأصلية كتبت بواسطة tutankhamoun

اللي ملتزم ..... مش هايهمه الرادرا .
أنا بمشي على أي طريق و حاطط في بطني بطيخة صيفي .......... بألتزم بسرعة الطريق الرسمية .
و شكرا على التنبيه

علي كده حضرتك بتمشي ٦٠ كم/س علي الطريق ده ؟

ابقي خلي بالك و يفضل تمشي في اقصي حاره يمين علشان ابطأ عربيه هتمشي جمب هتعدي علي ١٢٠ كم/س مثلا ،،،،،،، و في الدائري حضرتك بتعرف تمش ٩٠ كم/س عادي من غير ما تلاقي ٣ او ٤ بياخدوا منك غرز في كل اتجاه !؟ في طرق لو مشينا فيها بالسرعه المقرره للاسف ممكن لا قدر الله نعمل حادثه خصوصا في الدائري و عندك برضه طريق السويس نفس الكلام