هل الاونو دريكسيونها باور ولو كنت بتعلم السواقة جديد اشتريها ولا لا ارجو الافادة للاهمية والانجكشن بيبتدى من موديل كام
عرض للطباعة
هل الاونو دريكسيونها باور ولو كنت بتعلم السواقة جديد اشتريها ولا لا ارجو الافادة للاهمية والانجكشن بيبتدى من موديل كام
الاونو مش باور بس دركسيونها كويس مش محتاج مجهود.
و لو بتتعلم السواقه فهي عربيه سلسه جدا و ما تخافش منها و حتحبها.
موديلات الانجكشن اعتقد من بدايه ال 98
و بيبقي فيها مساحه خلفيه
الف شكر يا استاد حازم بجد انا بشكرك على ردك الجميل بس انا محتاج نصيحتك انا معروض امامى اونو موديل 2002 على 36000 فابركة برة وجوة وعاملة49000 كم وفى واحدة تانية مو1997108000كم فابريكة وصالون زيرو وعاملة 31000 قولى اجيب اية انسبلى بالنسبة(للصاج والانجكشن لا اريد باور)علشان لسة بتعلم السواقة
العفو يا استاذ وسام
بصراحه انا محتار
ال 2002 سعرها عالي و خايف ما تجيبش السعر دا و تخسر فيها و انت بتبيعها
ال 97 يعني معقوله بس تنزل الف و لا اتنين لكن عامله 100 الف
بجد و الله محتار و مش عاوز اقول كلمه اتحاسب عليها و يبقي زنبك في رقبتي.:)
حازم باشا صباح الفل انا نيتى بادن الله انى مش هغير تانى يعنى عايزها تعمر معايا بادن الله وكنت هجيب الاسكودا 1997 فيليشيا بس (قطع غيارها عالى بتسخن مع التكييف انا شغلى يخلينى معنديش وقت للميكانيكية وخصوصا ان مش اى واحد بيفهم فيهازى ما سالت وعرفت) والله يا حازم انا تعبت من التفكير فى شراء العربية جداومش عارف الانسب اية شور على
مبدايا ابعد عن السكودا
و قولي بس معاك في حدود كام و نفكر سوا :)
يا مرحب يا خالدباشا ان شاء الله تكون بداية تعارف جميل بينا انا معايا من 35 الى 37 الف بس مش عايز موديل تمانينات او اوائل تسعينات ودورت على(سوزوكى سويفت قالولى السقف بتجيلة بارومة بسرعة _والاسكودا انت عارف_والهونداى اكسيل تدعك بسهولة_الدايهاتسو شارد مشكلة ندرة قطع الغيار والميكانيكية الى فاهمين فيها-اللادا2107 الوحيدة الى مفيهاش مشاكل كثير _128 نوفا شوفت واحدة على 34000 موديل 2006 مش حرام ولا اية _الاونو) وعلشان تكون الصورة واضحة امامك شوف الرابط دةhttp://www.nilemotors.net/Nile/showthread.php?t=32764
بس ياباشا انا لسه جايب اونو موديل 94 مشاء الله عربيه جميله جدا اقتصاديه فى البنزين جدا ياعنى بتعمل لكل 35 لتر 450 كيلو متر
كمان قطع غيار مش عاليه قوى ومشاء الله انا جبت بيها على الدائرى 140 بكوتشها الاصلى ياعنى مش هقولك مجنط علشان تبقى ثابته هى مشاء الله ثابته جدا وبتشيل كمان بس هى مش بور ولا تكيف
ده الى انا اعرفه عنها لحد دلوقت وكيد الاعضاء يعرفوا اكتر منى طبعا
انا كنت هجيب ابيزا عربيه تحغه بس قطع غيار عليه كذالك الجولف ومعاهم الدابهتسوا الشريد قطعه غيارهم عاليه نوعا ما ومش اى ميكانيكى يشتعل فيهم وخصوصا الدايهاتسوا والجوالف
انا استقريت على الاونو بعد تفكير كتير وسئلت ناس اكتر والحمد لله ربنا كرمنى بعربيه كويسه
الف الف شكر يا باشا والف مبروك عليك وربنا يجعل كل ما يخصها خير ان شاء الله انا بادن الله مش ناوى اغير بعد كدة وعايز اجيب انجكشن لانة هو سوق السيارات الجديد كلة فاكيد فى المستقبل هيكون (قطع غيار العادى صعبة شوية)يعنى عايز اخليها تعمر معايا ويا ريت تعرف اماكن وورش تصليح الانجكشن و الف شكر على الرد يا باشا مقدما
الردود راحت فين يا جماعة انا خلاص عايز حل