دلوقتي انا عربيتي نوبيرا 2005 كامله اتوماتك فيها انذار الفابريكه كنت عاوز اعرف هل العربيه تحتاج يركبلها وسيله امان افضل ولا اللي فيها كفايه لان الواحد بصراحه بقي بيخاف وربنا يسترها من دي ايام
عرض للطباعة
دلوقتي انا عربيتي نوبيرا 2005 كامله اتوماتك فيها انذار الفابريكه كنت عاوز اعرف هل العربيه تحتاج يركبلها وسيله امان افضل ولا اللي فيها كفايه لان الواحد بصراحه بقي بيخاف وربنا يسترها من دي ايام
هو انذار كويس مش وحش بس مبيشتغلش غير فى حالة ان حد فتح البيبان و انت قافل السنتر من الريموت
لو عايز زياده امان يبقى جيب حاجة بتفصل الكهربا عن طرمبه البنزين او بتشتغل لما حد يخبط على العربية و كده
بس مع الحرامية الى فى البلد اليومين دول الى بيسرقوا العربيات الى فيها ايمبولايزر الحامى هو الله
بقوا بيشيلوا العربية كلها على ونش او بيفصلوا الضفيره خالص بيتصرفوا يعنى عشان يسرقوا
و ربنا يحفظلك العربية من كل شر
ممكن تروح لكهربائي يعملك زرار لفصل طلمبة البنزين و عموما انذار النوبيرا الفابريكة كويس و بيشتغل لما يتم فتح الشنطة او الكبوت او احد الابواب طالما كنت قافل بالريموت
و عموما متركنش في اماكن مقطوعة قدر الامكان و ربنا يسترها معانا جميعا
و كان فيه قبل كده اقتراح انك تشيل تليفون رخيص في حتة مخفية بالعربية و طبعا يكون علي الوضع الصامت
و في حالة سرقة السيارة لا قدر الله يمكن معرفة مكانها من الشريحة بتاعة التليفون
شكرا بجد يا جماعه طب هل ينفع اركب علي انزارها انزار سباي 2 واي ويشتغل الاتنين مع بعض ولا بيبقي ايه النظام وهل ده احسن نوع انزار ولا في افضل وشكرا وايه نظام وحدات الرفع
صعب على اد متقدر
يعنى حط ذراع امان
و انذار بصوت و سارينه
و غطى العربية
اركنها فى جراج
انا معايا نوبيرا 2006 كنت شاريها من سنتين
بس الغلق و الفتح بالريموت من غير صوت خالص
يعنى كده انا عندى السارينه مش موجوده ؟؟؟؟
انا برده 2005 ومفيش اي صوت للانزار مع الفتح والقفل غير انه بيعمل لمبه انذار جمب الساعه بس دليل ان في انذار بس جربت افتح الشباك واقفل بالريموت وافتح الباب من جوه لاقيتها بتعمل سارينه سريعه كده المشكله المنطقه حوالينا في ناس كتير عربياتها بتتسرق وسيراتو حجات جديده فمابالك بقي بالنوبيرا هيعملو فيها ايه ربنا يستر وينتقم من الظلمه
لو عاوز حل مؤقت و سريع لحين ما تعمل الانذار
فك طرف من الموبينه مش هاتدور خالص
و الحرامى عاوز الحاجه السريعه
و ربنا يسترها معاك و معانا يا رب
بص علي الموضوع ده لأنه مفيد جداً:
http://www.nilemotors.net/Nile/327484-a.html
شكرا جدا ليكو وربنا يعديها علي خير