هل بتتحول لما تركب عربيتك؟

**marsguy** · 23-07-2008 11:43 AM

أنا لاحظت إن في ناس سلوكهم بيكون مختلف تماماً أول لما يركبوا العربيه

تحس إنهم أول ما يقعدوا وراء الدريكسيون بيقولوا "وقت التحول" وفعلاً بيتحولوا لناس مختلفة تماماً

أنا أعرف واحد أخلاق جداً وظريف جداً وإنسان خير فعلاً وبشوش، بس ساقتني ظروفي السيئه إلى إني أركب معاه العربيه مره ... وكانت آخر مره .... فعلاً الراجل ركب من هنا وتحول تماماً، عصبية إيه وشتايم إيه وتهور وكلاكسات إيه إيه بجد أنا كنت حاسس إنه داخل معركه حربيه مش مجرد سايق عربيته.

مره تانيه كان في واحد سنه حوالي 40 سنه وكان شكله محترم وراقي جداً وصوته واطي كده، تحسه دكتور في الجامعه بجد، ركبت معاه العربيه من هنا وعينك ما تشوف إلا النور، بجد أنا جالي هلع مجوسي، أتاري الباشا مسقط موتور فوق الـ 200 حصان وبجد كان لا يتورع إنه يجيب 150 جوه البلد، كان سايق بينا في شارع إحسان عيد القدوس وكان جايب سرعات غريبه. أنا فعلاً إترعبت جداً يوميها.

ومن ساعتها لاحظت موضوع التحول ده

**Noha.M** · 23-07-2008 11:53 AM

هيهيهيهيهيهي

THE TRANSFORMERS

عندك حق والله بس والله ناس كتير مش بتبقي قاصدة تتحول غصب عن الواحد يعني

بس بجد انا بطلت بقفل الازاز و مهما اسمع او اى حاجة تحصل او حد يكسر عليه مبقتش اتهز و

لا اتأثر .. بجد عشان لو ركزت مع واحد واحد هيجيلي ازمة قلبية

**M!NA** · 23-07-2008 11:53 AM

:d
ايه يا عم Marsguy المواضيع الجامده ديه؟

أنا أول ما بركب العربية بتحول طبعا.... خاصة مع سواقين النقل عالدائري و انا راجع من شغلي كل يوم...

بحس ان اللي بيساعد على التحول أنك تكون بتسوق لوحدك... فبتشتم و تزعق و تعمل كل اللي نفسك فيه على راحتك...

مشكلتي بأة لما يكون راكب معايا ناس محترمين... ببقا قاعد مخنوء أوي و بيبقا عندي كبت فظيع... مجرد ما بينزلو بخرجو في أول نقل يكسر عليا

**marsguy** · 23-07-2008 12:04 PM

المشاركة الأصلية كتبت بواسطة Noha-M

بس بجد انا بطلت بقفل الازاز و مهما اسمع او اى حاجة تحصل او حد يكسر عليه مبقتش اتهز و

لا اتأثر .. بجد عشان لو ركزت مع واحد واحد هيجيلي ازمة قلبية

عين العقل بجد، طالما إنتي متأكده إنك صح يبقى خلي اللي عاوز يتجنن يتجنن على نفسه بقى

مشكلتي بأة لما يكون راكب معايا ناس محترمين... ببقا قاعد مخنوء أوي و بيبقا عندي كبت فظيع... مجرد ما بينزلو بخرجو في أول نقل يكسر عليا

خلاص بلاش تركب ناس محترمين، ركب ناس متحولين بس :P

**marsguy** · 23-07-2008 12:06 PM

المشاركة الأصلية كتبت بواسطة Mohamed_SlvrLan99

هى بتفرق بردة حسب انا مشغل اية فى الكاسيت.

بصراحه أنا لو مشغل Iron Maiden أكيد هاتخيل نفسي راكب عربيه big foot وهاطلع فوق الناس

**M!NA** · 23-07-2008 12:09 PM

المشاركة الأصلية كتبت بواسطة marsguy

خلاص بلاش تركب ناس محترمين، ركب ناس متحولين بس :P

للأسف يا أستاذ MARSGUY قلة الذوق باقت عملة نادرة اليومين دول... معادش فيه البركة بتاعت زمان... كل الناس بقوا محترمين... زمن أغبر

**1.8Tee** · 23-07-2008 01:05 PM

المشاركة الأصلية كتبت بواسطة marsguy

بصراحه أنا لو مشغل Iron Maiden أكيد هاتخيل نفسي راكب عربيه big foot وهاطلع فوق الناس

You bet !l

**HeMa_LanCeR** · 23-07-2008 01:13 PM

انا بقي في الزحمه ببقي زي سواقين الميكروباصات بالظبط وتصدقوا بقي اني بمشي وبوصل بسرعه رهيبه
بالعكس لما اكون محترم
والحمد لله مش بتنرفز ابدا لأني علي طوووووول مشغل اغاني سلو في العربيه وفعلا ليها تأثير كبير جدا علي أحساس السائق

-

-

مشاهدة نتائج الإستطلاع: هل بتتحول لما تركب عربيتك؟

الموضوع: هل بتتحول لما تركب عربيتك؟

LinkBack

أدوات الموضوع

عرض

هل بتتحول لما تركب عربيتك؟ - انشر الموضوع فى :

-

-

-

-

-

-

-

المواضيع المتشابهه

عايز تركب مفتاح بصمة smart key في عربيتك؟ اتفضل هنا

حاجه تخنق كل ما تيجى تركب عربيتك المرور بيقولى امشى على سرعة 60 ك داخل المدينه ازززاى

البيتلز بتتحول لطياره هليكوبتر (تصدق؟؟؟)

البيتلز بتتحول لموتسيكل

الكلمات الدلالية لهذا الموضوع

المفضلات

المفضلات

ضوابط المشاركة