تهامي باشا ايموشن :] هههههههههههههههههههه
تهامي باشا ايموشن :] هههههههههههههههههههه
يبقى فلوينس وأسترا سيدان لو ثبتو سعرهم المفروض يشتغلو بقى.
هنيئا لفيات..وهنيئا ل اللينيا..والفلوانس.والفورد فوكس..واهلاااا تاني بعودة الركوبة الاوروبي من تاااني...
يالا ان شاااء الله يغووور الكوري والصيني كلللة...كفاية بقي بلاستيك وحوادث وفرامل زفت وثبات ضايع..
الناس سايبة عربية ذى الاسكودا رومستار والفيات لينا وبيركبوا هيونداى رغم انهم ارخص تفكير غريب للقوى الشرائية
كل الأسعار حتولع فى البلد بسبب الدولار ايلى وصل 6.42 مقابل الجنيه
حاجة محزنة ارتفاع الاسعار ده
وبعدين لما تزيد السيراتو تزيد اقل واحدة يعني المستعمل بتاعها مش هيزيد وبكده لما ابيع واشتري مش هاعوض ولو جزء من الزيادة
خلينا في الموضوع العام
انا رأيي ان الزيادة دي متفاوتة من شركة لاخرى وليست نسبة ثابتة وده دليل انها بسبب الدولار وكل شركة بتحاول تكسب بالمرة على حسب رواج عربياتها مش بسبب ضريبة المبيعات
وبعدين ضريبة مبيعات ايه الي هتزود 3 ولا 6 الاف هو قنديل بيلعب
مش اقل من 30 او 40 الف ماهو الطبقة المتوسطة هي الي بيتمص دمها الفقراء ماعهومش والاغنياء مايقدروش عليهم
حسبي الله ونعم الوكيل
يظهر الفيرنا هتوصل في مصر سنة 2020 لسعر المرسيدس 8 سلندر في اوروبا والخليج
ماتوقليش هي الفيرنا هتبقى لسه موجودة شعبنا غلبان وبيشتري الموديلات الي انقرضت في الخارج
سلام
تحيا العربيات الصينى
وياترى الأسعار دى تخللى الواحد لو فكر يبيع يبقى بالسعر الجديد ولا اللى اشترى بيه؟
اكيد سعر المستعمل هيزيد برضه يمكن بنفس النسبة تقريبا لكن مش نفس القيمة المطلقة وده هيخلي الي عنده العربية ومش هيبيع سعيد انه اشترى وخلص وسعرها فيها لكن لو جه يبيع فاكيد علشان يشتري غيرها يعني هيغير وهنا هيخسر لان الزيادة في المستعمل هتكون اقل من في الزيرو
انا بقى من المجموعة الي عاوزة تغير بس يظهر مش وقته خالص
هاستنى ستة شهور كمان واشوف
ولو ان الستة الي فاتوا الي مش عاجبينا يمكن يكونوا افضل من الي جايين
يمكن ترسي في الآخر على عربية واحدة لكل عائلة ترشيد للاستهلاك ويمكن كمان تبقى شركة مع الجيران
استرها يارب
ههههههههههههههههههههه والله اللى بيحصل ده مسخرة
وتلاقى الكوريين قاعدين بيتفرجوا على مبيعاتهم الصاروخية فى منطقتنا العربية رغم ان كل العربيات اللى بتتباع من المحيط للخليج لا ترقى لمستوى ومواصفات نفس عربياتها اللى بتنزل فى جزيرة قبرص ولا اليونان !!!!!
بصراحة اى واحد اشترى او ناوى يشترى كورى بالاسعار دى هايندم اشد الندم ويبقى يخلى البلوتوث والكاميرا وفتحة السقف تنفعه هههههههههههه
واى حد يقول ان سوبارو مالهاش سوق وفيات فقيرة وتوكيلها ما يسواش وسكودا قطع غيارها نار ونيسان ملاكها طالعين بيها القمر بدون داعى وغيرها من العربيات اللى صناعها ما بيفرقوش بين زيد وعبيد وماعندهمش خيار وفاقوس
مش باتشات عربيات على نفس خط الانتاج لكل بلد حسب مقامها عندهم !!!
اى حد يقول اى مبرر ويقنع نفسه بيه .. يبقى اكبر عقاب ليه فعلا انه يشترى هيونداى وكيا وما شابههما بالاسعار الخزعبلية دى
انا مش هرد
رد انت يا حسين
:d
الاثنين Emoticons دول حبيتهم بسبب Formulator
:penguin4::thinking: وطبعا لاتعليق على موضوع السيارات ده
طيب مع أنكم نازلين تخبيط في العربيات الكوري والواحد أتعود خلاص ولو واخدين بالكم محدش هنا بيرد بس معلومة بسيطة لحضرتكم يمكن مش واخدين بالكم منها وهي أن :
العربيات كلها ولعت يابشر
ياأخى عندك حق أوى وى أوى فـ الجملة دى!!
هما مش قادرين على الأغنياء وبيتشطروا عـ اللى محسوبين فـ الطبقة المتوسطة -زى معظمنا؟!!
لكن اللى معاهم فلوس فـ*خ.. ولا يعرف يعمل معاهم حاجة؟؟!!! :Ka_che1[1]:
لأ برانس، عيب ياأشرف بيه؟؟!!! :error404:
أنا قولت فـ توبيك -بنفس المحتوى:
الأوروبى كله - ولا عربية وكيلها رفع سعرها..؟؟؟!! :unhappy:
فولكس-BM-فيات-أوى-سكودا-Merc-فورد-فولفو-بيجو-ستروين
- الرينو مغربى/رومانى/تركى والأوبل مفيش حاجة رسمى من منصور..؟!!
وبردو معرفش ده عشان العربيات الأوروبى بيعها قليل ومش منتشرة؟!!
(غير الكورى: الوكلاء الكوريين- لو زود حاجة بسيطة x بيبيع كثير = ملايين من الهواء)
ولا هو عشان مرتبط بسعر الدولار، بينما الأوروبى بيتعامل باليورو؟؟!!!
مش قادر أفهم الصراحة؟؟ :hitwall3:
كنت سألت مندوب المبيعات وقالى ان الزياده على ضريبة المبيعات حتبقى من 15% الى 24% فلو الكلام ده صحيح ومش فتى واشتغاله اعتقد ان العربيات المفروض تزيد كتير اوى عن كده صح ولا ايه ؟؟
عايز مثال عملى من اصحاب الخبره فى حساب تكلفة العربيه منذ دخولها مصر شامل كل شىء عشان الحقيقه تبان
اليكم الاسعر بعد الدبح والسلخ على الحى ومن غير تسميه ههههه الفولى لوود بقت بــ 175000 ههههههههههه:B4_444:
1.6 M/T
132,900ج
1.6 A/T
142,900ج
1.6 F/O A/T
145,900ج
1.6 A/T S/R
149,900ج
الفئه دى ياناس كنت والله حجبها فى شهر 7 وبعد خصم من معرض واحد حبيب بـ 126000 ووصلت لـ 149000 جنون بجد
1.6 F/O A/T S/R
152,900ج
1.6 F/O A/T S/R Coupe
153,900ج
1.6 F/O A/T S/R High line
157,900ج
1.6 F/O A/T High line
158,500ج
1.6 F/O A/T GLS
160,900ج
1.6 A/T Fully Loaded
175,900ج
وكمان الكوبيه بقت بسعر خزعبلى :B4_444:
1.6 F/O A/T High Line Coupe
172,900ج
نفسى ينقطم ضهر غبور فى السوق المصرى قول آمين
عادى يا باشا حتلاقى الناس بتشترى برضوا !!!!
احنا اكتر شعب معاه فلوس :drugsneeded:
روح كده كارفور اليومين دول وشوف جنون شراء ال LCD والموبيلات والكاميرات والاب توب !!
بجد حاجه مش طبيعيه
هههههههههههههههههه والله العظيم يا جدعان العالم دول مسخرة بيزودو الاسعار ........ والغلط مش عليهم الغلط علي الناس الي برضو بتروح تشتري وفي تفكيرهم اشتري دلوقتي احسن هتغلي اكتر وغبور و امثالة بيلمو ملايين الشعب في كروشهم والله العظيم المفروض الحكومة تطبق نسبة من 30ل 40% تاخدهم من ارباح الوكلاء وبشرط ميزودوش الاسعار علي المستهلكين والله البلد هيخشلها فلوس بالعبيط لاننا شعب بتاع منظرة والكل بيشتري عربيات بطريقة فظيعة بس طبعا الكلام دة في المشمش واخيرا احب اقول لغبور وكل الوكلاء الي زودو الاسعار والي لسة كمان هيزودو ........
لقد خالفت القاعدة رقم (9) بند (أ) من قواعد المنتدى لذا يتوجب حصولك على (وقف لمدة 3 ايام).
3ب
12:44 Am
2013/1/7
ياناس الالنترا دي لغز
دي بتغلى كل شهر شوية ولسه هتغلى تاني ده غير ضريبة المبيعات
يعني ماتستغربش لما توصل 200 الف في كام شهر عادي نفس منحنى الغلاء
ليه هي بتمشي لوحدها ولا بتطير وتتفادى زحمة ومطبات الطريق
دي حتى احسن حاجة فيها مافيهاش اموبيليزر زي الي في الاي اكس 20
انا مندهش ان في ناس لسه بتتهافت عليها
لو بتحب الهيونداى اديها فيرنا قبل ماتبقى 100 الف هي كمان او الحق الاكسنت ار بي لو عاوز اوبشنز
هي التيدا فين من الكلام ده لسه ماغليتش
مالها التيدا لو عاوز سحب وتكييف ثلاجة واعتمادية وتوفر قطع غيار
ياناس انسوا بقى الالنترا يعني يتجيبوا مزاياها في عربية اقل ياتجيبوا مزايا الاوروبي ابتداءا من الفلونس لغاية الجيتس
اصل لو هادفع 176 الف في النترا يبقى مالها السبورتاج على الاقل عربية عالية وواسعة
قااااطعوها واثبتوا لغبور ان المصريين عندهم قدر قليل من الذكاء في الشراء
انا كرهتها خلاص وهادرس غيرها
ولولا شكل التيدا كنت جبتها ولولا تكييف وسحب الفلونس كنت جبتها
بس ب 176 الف برضه في اختيارات كتير
معلش هطق بأكلم نفسي بصوت عالي وادوشكم معايا
اتمسوا بالخير بدون النترا
والله انت برنس كلامك جامد...فاكس هيونداي اصلا عربية بلاستيك اخرها تبقى اوتوماتيك ب ١٢٠ الف وكده تبقى غالية..هى دي قيمتها الحقيقية..لو قارنتها بالفلوانس والله عربية لعبة !!!!
وانا معاك وانا ناوي اجيب تيا حتى لو الشكل مش حلو اوى بس عربية موتور وعفشة وخامات وحاجة نضيفة...بس انت شايف ان التيدا ممكن تغلى او وقفو حجزها ؟؟؟ اصلى نازل احجزها الاسبوع ده ان شاء الله
بصراحة يا جماعة السوق المصرى أفشل سوق يقيم عربية ماسكين فى عربية من غير أى وسائل أمان تحمى ركابها من الموت لا قدر الله ويمسك فى الشكل والأنتشار وسعر أعادة البيع المرتفع هو فى حد بيعمل كده فى العالم كله واحد يشترى عربية وعينه على سعر بيعها وهو فى واحد ضامن يبيع عربيتة مش ممكن الواحد يعمل حادثة وشكرا العربية وفى عربيات بتفدى أللى راكبها وتروح العربية وتنقذ حياة السائق ربنا يسترها معانا جميعا والحل هو المقاطعة واللى يشترى يبقى يستاهل :hitwall3:
اشكركم والله كلك ذوق
انا فعلا مقتنع بالتيدا ماركة محترمة، قطع ياباني، تقفيل مكسيكي مش تايلاند ولا مصر، موتور شديد بالنسبة لوزنها، تقفيل راقي، تكييف ثلاجة، عزل خرافي، ارتفاع عن الارض 165 ميللي، وسائل امان بما فيها الاي بي دي والايموبيليزر، وفتحة سقف، وسع داخلي دا حتى الكنبة الخلفية بترجع لورا، قطع غيار متوفرة وسعر كويس
بس يعيبها شكلها مش ملفت ومش مدي قيمتها وسعر اعادة البيع اقل طبعا من عربيات غبور الهبور وثباتها اقل بس مش فيرنا يعني وماعرفش الوانها الي شفتها مش اوي ماعرفش نزلوا كحلي او نبيتي ولا لسه الاحمر الفاقع والازرق الزهري دول بس الاسود والفيراني عموما مقبولين
مشكلتي ان المدام مش عجباها وانت عارف الحكومة، هي حاسة انها هاتشباك وشكلها رخيص رغم ان الهاتشباك في اوروبا اغلى بس ماعرفش هنا ليه مابتمشيش ده حتى الهيونداي الاي اكس 20 سعرها حلو وكماليتها افضل من الالنترا وفشلت وقطع غيارها نادرة والا كنت فكرت فيها برضه
سؤال حضرتك عن حجز التيدا ما اعرفوش بصراحة اصلي حاليا مش في مصر فمش متابع الحجوزات لغاية الصيف
خالص تحياتي
رفع سعر العربيه 18 الف جنيه ده تهريج واستخفاف بالمستهلك المصرى خليها تقعد فى المعارض ومفيش حد هيشترى بالزيادة دى دا ان اركب لانسر/نيسان /بروتون برقبة الهيونداى النترا.
المستهلك اصبح اكثر وعى وهيرفض استغلال سياسة اقتصاد الظروف السبئة
كلام موزون فعلا بس ياريت الناس الي بتشتري تفكر كده
انا مش فاهم ازاي الاولوية الاولى عند ناس كتير هي سعر اعادة البيع هي قميص هاغيره ولا استحمل عربية مش عجباني علشان لما اجي ابيعها مااخسرش طب ما اجيبها عجباني وانا مش هافكر ابيعها الا لما اخد خيرها
عارف لو الناس اختارت صح كان زمان السوبارو انتشرت وبالتالي انتشر قطع غيارها ولو ان ممكن ساعتها يطلعلنا غبور 2 ويغليها برضه
ارحمنا يارب
ماهي دي المشكلة
انا زي حالاتك علشان كده بيعجبني تحليلاتك كثيرا والله
بس صعبان علي عربية فيها كل الي عاوزه ومش عارف اخد القرار علشان الشكل خاصة اني سني مش صغير فمش لايقة علي
بس اجيب ايه غيرها وانا اولوياتي السحب والتكييف ده تكييف السيراتو مش عاجبني
شوف حيرتك من الصني للالنترا للاسترا ودلوقتي الشيفورليه كروز بس لو عاوز تجيبها دور على الديو بتاعتها لاستي موتورها احسن كتير
تقبل تحياتي
معلش رغم عدم رضائى عن الاسعار الخزعبليه بتاعه غبور باشا لكن فيه اسباب تخلى الناس تجرى وراها وفيه اسباب قولتوها فى ردودكم :-
1- الشكل . اعتقد مفيش اتنين فى مصر يختلفوا على شكلها
2- الموتور. للى عايز جرى و شد حيلاقى وده بخلاف الاروبى اللى طلعته بطيئه فى اغلب انواعه
3- التكييف. جبار و مناسب لمصر عكس برده الاروبى اللى بياخد وقت عقبال مايسقع
4- الانتشار و توافر قطع الغيار جوه و بره التوكيل (مبقاش رخيص زى الاول) و دى طبيعه الشعب المصرى ما يحبش يغامر فى حاجه مش متجربه.
5- عربيه عائليه وواسعه و فى نفس الوقت شكلها شبابى يعنى تنفع الاتنتين
و بالرغم من عدم ثباتها مقارنه بالالمانى مردود عليه : هو انا يعنى بدخل سباق كل يوم . ده الواحد يدوبك بيمشى فى زحمه مصر على الاول و اذا جاب التانى خير و بركه. يعنى air bag واحده و فرامل abs حلو اوى و مش عايز اكتر من كده.
- و بالرغم ايضا من عدم جوده التقفيل مقارنه بالالمانى او اليابانى لكن شهاده لله لا مرأه المنتصف و لا الشماسه يعنى بيقعوا مع المطبات يعنى التقفيل مقبول لحد ما.
للاسباب دى حتلاقى اقبال كبير عليها مع ارتفاع السعر لان غبور عارف ان الانترا بالتحديد فرخه بتبيضله بيضه دهب واخده كل المميزات فى اى عربيه اينعم مش 100% لكن مش حتلاقى عربيه فيها كل الميزات دى حتلاقيها متفوقه فى حاجه و مسقطه خالص فى حاجه عشان كده ليه باقى موديلات هيونداى ما زادتش بنفس النسبه؟؟؟
و مع ذلك انا ما بدافعش عن زياده اسعارها بالغباء ده و لا من احد ملاكها لكن انا بحلل ليه رغم ارتفاع سعرها برده حيبقى عليها اقبال من الشعب المصرى و ربنا يرحمنا من الاستغلال .
طب ده خبر كويس
بس معلش خلونا نطلع بره الالنترا شوية رغم ان ده عنوان الموضوع ما احنا قلنا الحل في البدائل ونسيبنا من الالنترا البيضة الي بتجيب لغبور دهب علشان تهافت الناس عليها رغم سعرها الذي لا يعبر عن امكانياتها
استاذ حسام بصفة سعادتكم متابع للكروز تعالى نبحث العربية دي شوية كبديل ربما يكون مجدي لغول الالنترا
معلومة موتور اللاستي بدل موتور الاوبترا في الكروز الجديدة ياترى اكيدة وياترى بنزين 92 ماشي عادي اعتقد والله اعلم ايه معلوماتكم
الكروز الطوب لاين ودي سعرها فوق الـ 150 الف مافيهاش ايه بي دي ولا فتحة سقف ولا المفتاح الذكي ولا مثبت سرعة ولا وصلة يو اس بي ولا بلوتوث والاهم قوة وعزم الموتور منخفضة ده طبعا لموقع كونتاكت كارز ياترى معلوماتك ايه على الكلام ده اصل شكلها كده ماتبقاش توب لين وسحبها يخوف وياترى تكييفها شكله ايه يعني يقارن بالاوبترا ولا السيراتو ولا بالهيونداى والنيسان والتويوتا
توكيل شيفروليه كلنا عارفينه
ياترى ايه بالظبط الي خلى حضرتك تفكر فيها ولو مبدئيا
ياريت تفيدنا
عاوزين بديل ياجماعة بس يستاهل
تقبلوا تحياتي
ياعزيزي كفاية تعقيد
ماهو كل كلمة قلتها انا مقتنع بيها
من اول مزاياها العديدة لغاية استغلال غبور
طب نعمل ليه
دورلي على بديل يحقق الي كتبته وسعر حنين
او هاتلي اوروبي تديني المزايا دي وبسعر الالنترا
السيراتو خمتنا في الاول بالاوبشنز بتاعتها وشكلها الثوري وقتها وبعدين طلعت كيا تكييفها مش شديد وعفشتها ناشفة وكانت ناقصة اموبيليزر (كانت) ففضلت بسعرها الالنترا فاجئتنا بثبات اعجاب الناس بيها فغليت حاجة تقرف بصراحة
ولسه النهاردة اجتمعوا بالبنك الدجولي وطمنوهم ان ضريبة المبيعات هتزيد وهيخترعوا ضريبة جديدة
ياترى ساعتها هنقول ايه الـ 176 كانت كويسة
ياجماعة العربية حديدة بتنقلنا من نقطة الف الى نقطة باء
هو المشكلة فينا اننا عاوزين كل المزايا ولا المشكلة اننا اكتر ناس بندفع في العربيات فعاوزين على الاقل تدينا الحد الادنى من الي عاوزينه
اتمسوا بالخير
اولا الكروز هاى لاين بديل ممتاز عن الالنترا واسبابى كالاتى
العربيه بها وسائل امان 2 ايرباج وفرامل abs وديسكات خلفيه (عكس الالنترا طبله فى الخلف فى الفئات الاولى ) وثبات يشهد بيه الجميع دون اى جدال او نقاش + ان الخامات المستخدمه فى تصنيع الكروز والتقفيل ممتاز جدااااااا عن الالنترا + عزل الصوت ودى نقطه مهمه جداااا لانها متميزه فى النقطه دى عن جميع العربيات فى فئاتها وخصوصا امام الالنترا والى راكب الالنترا الجديده حيقولك ان العزل مش تمام وبنسبة 70% او تقييمه متوسط
ثانيا اما بالنسبه للمحرك فهو 115 حصان ومرضى جدا وخصوصا انه عزمه شديد فى عند لفات المحرك العاليه
ثالثا نسبة انضغاط المحرك مناسب له بنزين 92 بشكل مثالى
رابعا اما بطىء الحركه عند التحرك من الصفر فده شأنها شأن الاوكتافيا والجيتا والفلورنس وكل الاوروبى لان العربيه اصلا طابعها اوروبى وبها قطع غيار كتير المانى وكمان الصاج محمل قوى عن الالنترا واى عربيه يابانى حتى
خامسا اما التوكيلات كلها فى مصر اشترى دماغك منها انا عن نفسى بخلاف صيانة الالف الاولى مش حعمل اى صيانه فى التوكيل حمشى على الجدول بنفسى فى مراكز معتمده ورخيصه ومهنيه حرفيه
الخلاصه العربيه قيمه مقابل سعر وتحس انها ماسكه نفسها ومعمره اما مثيلتها
الكروز عربية حلوة ياحسام لو عجباك توكل على الله .
شكرا على هذه المعلومات القيمة
ربنا يعطيك خيرها ويكفيك شرها
وان شاء الله تكون وش السعد كما يقولون عليكم
بس ياريت تقولي اخبار التكييف ايه انا عارف انه لسه يمكن ما اتجربش وان الجو مش حر لكن اكيد درسته كويس وعرفت امكانياته
وياترى ايه الي فضلته في العربية دي عن الفلونس
معلش اثقلت عليكم في الاسئلة
اكرر شكري وتقديري