السلام عليكم
هى الناس دى عمرها محتطور ابدا
يعنى اساسا ولا حد بقى يستعمل الخط وبرده نفس طريقة التفكير الغبية
عندى تليفون ولقيت فجأة رقمه اتغير وبيطلع رسالة صوتية انهم ادونى رقم تانى
من غير محد يكلمنى ولا يقولى سبب ولا حاجة
هل من حقهم يغيروا رقمى كده؟
وياترى مثلا الرقم مميز فبياخدوه لحد تانى ولا ايه السبب؟
وازاى اقرفهم شوية علشان يفوقوا ويتعلموا يتعاملوا مع الناس ازاى
اعتقد انهم ممكن يكونوا غيروا الارقام في السنترال كله
اتصل بيهم واستفسر
لا دول مزودوش رقم ده قلبوا الرقم حاجة تانية خالص
حكلمهم بس انا عارف العقليات دى عاملة ازاى
والله كلمة تهريج قليلة علي تصرف زي ده
بس اسئل واتأكد الاول ايه السبب قبل ما نحكم ..
عملوها معايا و ناس كتير لانهم كانو بينقلونا من سنترال نصر 2 لسنترال نصر 4 بس بعتو ورق على كل الشقق و الاماكن ان النمر هتتغير (صحيح مقالوش النمر الجديده بس عرفونا ان فى تغيير)
حصلت من شهرين فى سنترال احمد سعيد وبرده من غير الناس ماتعرف لكن كتر خيرهم كانو بيسيبو رسالة للمتصل بالرقم الجديد
شر البلية مايضحك !
عقد المصريه للإتصالات زيه زي عقد شركه الغاز أو الكهرباء أو المياه .. إسمها عقود إذعان ..
يعني من حق الشركه تعمل أي تعديلات بدون الرجوع للعميل ..
و التعديلات ممكن تشمل تعديلات في سعر الخدمه أو تعديلات فنيه بتكون ضروريه زي تغيير أجزاء من أرقام التليفون أو تغيير عدادات المياه بأخري أو عدادات الكهرباء.. أنا جزء من رقم تليفوني إتغير من كام سنه من 2670 إلي 2470 و ده أثناء النقل من سنترال نصر 2 إلي نصر 4
طبعا بالنسبه لعقود التليفون و الكهرباء و الغاز و المياه .. العميل اللي مبيعجبوش تعديل معين زي ما وضحت سابقا.. من حقه يطلب إيقاف الخدمه فورا :-)
تم تغيير رقمنا و وضع رسالة صوتية بالرقم الجديد
أعتقد ان بيكون فى مشكلة فى السنترال و بيكون لازم تغيير رقم الهاتف
انت محظوظ انهم غيرو رقم واحد بس انا غيرو النمره كلها بس كانو كويسين الرقم القديم كان مميز و غيرولى رقم معقول برضهاقتباس:
المشاركة الأصلية كتبت بواسطة mero100
التغيير بيكون نقل العكلاء من سنترال لسنترال
التغيير بيكون مش 100 ولا 200
بيكون 5000 و 10000خط واعلى
ليه
لان كل سنترال ليه ترقيم
نقل العميل من سنترال لسنترال يعنى تغيير رقمه
النقل بيكون بسبب فتح سنترال جديد وتكدس العملاء ف السنترال القديم
يعنى بهدف ان العميل يتعامل مع سنترال اقل ازدحام وتكدس