عرض للطباعة
السلام عليكم ورحمة الله وبركاته
انا من اسكندرية وعندي كورسات في هيئة الاستشعار عن بعد لمدة اسبوعين عايز اعرف اروح ازاي وانا جاي من رمسيس اركب ايه مترو ولا ميكرباص ولو مترو انزل فين واكمل ازاي وميكروباص اركب ايه وانزل فين واقول للسواق ايه وبرضه الرجوع اركب ايه لرمسيس
وبرضه عايز اعرف لو جاي من الحدائق وعايز اروح لهيئة الاستشعار عن بعد اركب ايه برضه ايه احسن مواصلة عشان اوصل هناك وبرضه الرجوع ارجع ازاي
وشكرا ياريت ردود بسرعة لو سمحتم
هي في شارع جوزيف تيتو جنب المطار و جنب السندباد
هتركب من رمسيس الميكروباصات اللي رايحة موقف العاشر بس اللي بيمشي من الاوتوستراد مش اللي بيمشي من شارع جسر السويس
من حدائق القبة ممكن تركب ميكروباص ( تقريبا فيه موقف جنب محطة مترو كوبري القبة) رايح ميدان رابعة العدوية او اول عباس العقاد او اول مكرم عبيد و من هناك هتركب برضه ميكروباص بتاع موقف العاشر
اما تلاقي نفسك عديت على ملاهي السندباد على ايدك الشمال و المطار على يمينك , الهيئة بعد السندباد بشوية صغيرة