الحمد لله استلمت ياريس 2013 لو حد عندو استفسار يتفضل
عرض للطباعة
الحمد لله استلمت ياريس 2013 لو حد عندو استفسار يتفضل
ألف مبروك .. وربنا يبارك ليك فيها ويكفيك شرها
الصور والسعر والمواصفات والانطباع العام عن الأادء يا باشا لو سمحت .
الف مبروك يا باشا خبر جميل جدا
ربنا يبارلك فيها يارب
بس بقي طلب للقسم كله مينفعش الموضوع كده حضرتك لو تقدر تعمل تقيم كامل للعربية
وتقولنا رايك فيها بالتفصيل علشان اخواتك فالقسم الي ناوية تشتري تعرف خلفية العربية
والعيوب والمميزات فرايك وتقيمها علي الاقل لو مبدئي
ومبروك مرة تانية ..
شكرا يا شباب,بس انا لسا مستلمها امبارح فا لسا شوية علي التقييم,ان شاءالله هعملها تقرير كامل بس بعد لما اجاربها كويس.
هي تاني فئه اوتوماتيك,سعرها الرسمي 124,في ناس بتبعها باوفر 3 بس ربنا كرمني في موزع بيبعها بالسعر الرسمي.كانت اخر واحدة,الدفعة الجديدة كمان 15يوم و الموزع بيقولي سعرها هيزيد.
في طبعا تغيير في شكل العربية من الداخل و الخارج,بس عيبها ان الشنطة صغيرة و دي بلنسبالي مش مشكلة قوي.
هو السؤال علي التصميم ازاي
والعربية لسه نازلة مش حضرتك اشتريت هتشباك ..
ألف مبروك
الف مبروك عليك ..اخبار السحب والتسارع ايه ؟؟
وكمان المطبات بيتحس بيها ولا لا ؟؟
1000 مليون مبرووووووك
ربنا يديك خيرها و يكفيك شرها ....
ألف مبروك على العربية و ربنا يبارك لحضرتك فيها بس يا ريت حضرتك تعمل لينا تقرير و يا ريت يكون بالصور و المواصفات فى أقرب وقت علشان اللى بيفكر يجيبها و شكرآ مقدمآ :)
كمان هتغلى هى لحقت نزلت ؟؟؟!!!
الله يبارك فيك,لسة التسارع مقدرش احكم علية خصوصا انها ليها ثلاثة اساليب للقيادة,بس العزل بتعها حلو انا وصلت 110 و انا مش حاسس.العفشة مش ناشفة
الله يبارك فيك
الله يبارك فيك,هي المواصفات كان في غضو عامل موضوع بيها مفيش اختلاف فيها.ان شاء الله التقرير هيكون في اسرع وقت.
كل العربيات غليت بسبب الدولار,كنت عند موزع هيونداي كان موقف البيع نهائي علشان هتزيد 5% و فعلا زادت.
صباح الخير استاذ احمد الف مبروك على العربية ربنا يديلك خيرها و يكفيك شرها ممكن اعرف اخبار الثبات بتاعها ايه يا استاذ احمد و السحب كويس عشان ال 1300 سى سى و انطباعك ايه عاما عنها عشان انا مستنى ادفع مقدم الحجز بس مستنى حد يطمنى عليها ايه الاخبار و لو امكن ممكن رقم تليفون حضرتك على الخاص
الله يبارك فيك,و الله يا باشا العربية لسا مركونة من المعرض علي البيت.لما ارخصها ان شاء الله هعمل تقرير عن كل شيئ.انا محستش ان السحب تقيل خالص و انطباعي عنها انها مناسبة لسعرها جدا مقارنة بالعربيات الي في نفس السعر.يعني العربية فيها safety و options حلوة بس العيب الي الناس هتشوفو فيها هو ضيق الشنطة.بس انا متعود علي الهاتش باك فا مش فرقة معايا
الف مبروك ياغالي وربنا يبعد عنك العين وفي انتظار التقرير علي أحر من الجمر
الف مبروك
ربنا يبارك
اتمنى أن يكون لك تجربة سابقة في قيادة اليارس القديمة لبيان الفروق بينهما فهذا سيسهل نقل التجربة
تحياتي
مبروك عليك ى باشا وربنا يكفيك شرها
لما تمشى بيها شوية اعملنا تقييم كويس بقى عشان الناس تستفيد وياريت توضج فيها استهلاك البنزين وارتفاع العربية عن المطبات وتفييم تفصيلى للعزل بتاعها يعنى صوت الموتور مسموع لانهى درجة وصوت احتكاك الكاوتش على الطريق واحتكاك الهواء وطبعا كله وانت قافل الزجاج
ألف مبروك ...وبعد إذنكوايا جماعة عربيةو متقفلةو أوربا :) !!!!!
الف مبروك ربنا يديك خيرها و يكفيك شرها
وفى انتظار التقرير
مبروك وربنا يحفظهالك ويا جماعه انا كان معى ياريس اوتوماتيك ١٣٠٠ سحب اسطورى تكنولوجيا الvvt اعجاز تقول ان العربيه ١٦٠٠ ودواسة بنزين وعلبة دركسيون كهربا الياريس دى عربيه تستاهل اكتر من تمنها بس السؤال هتنزل سيدان؟؟؟
الف مبروك يا باشا سؤال انا هستلمها يوم الخميس 9/1 الى جاى ان شاء الله معلش بقا هيا فيها جنوط اسبور ولا لا فيها مسند يد الى فى الكرسى دا ولا لا فيها مثبت سرعة ولا لا انا عارف ان الحاجات دى كلها فى الاخيرة ام 140 بس عايز اعرف موجودة فيها ولا لا على فكرة انا بتاعتى نفس الفئة بس لسة مستلمتهاش وياريت تقولى العفشة ناشفة ولا ناعمة والقاعدة بتاعت الكرسى مريحة واسبور ولا سخيفة زى الدايهاتسو سريون والف الف مبروك تانى وربنا يكفيك شرها وشر ما صنعت لاجله وباتيك خيرها وخير ما صنعت لاجله
الله يبارك فيك
الله يبارك فيك
الله يبارك فيك,مفيهاش جنوط سبور و مفيهاش مثبت سرعة,بس فيها مسند يد في كرسي السائق فقط.
العفشة حلوة و القاعدة مريحة مش متعبة خالص
في خبر سمعتة ان الياريس زادت 4000 جنية
متشكر على زوقك وردك الجميل وشكرا للافادة وكان الله فى عونك العربية هاوسا الناس هههههه بس بامانة تستاهل
الف مبروك و ربنا يباركلك في العربية ويكفيك شرها
الف مبروك ,,,ربنا يديك خيرها ويكفيك شرها,,,,ماتنساش تقرا فيها ادعية وقران عشان ربنا يحميهالك باذن الله : )))
معلش بس اخر سؤال هيا الاستبترونيك 6 غيار ولا ايه
الف مليوون مبرروك يا باشا و ربنا يديك خيرها و يكفيك شرها
بس عاوزيين تقرير مع كام صور حلوين للعروسة ... انت اول مالك للشكل الجديد و لازم انت الى تظبطنا بقه
الف مبروك
الف مبروك ربنا يكفيك شر العين
ومستنين تقريرك وانطباعك عن اداء العربية بشكل عام وطبعا نتمنى انه يكون مفصل لان زي ماحضرتك عارف العربية لسه جديدة ومحدش عارف عنها حاجة
خصوصا الحجات اللى فيها جدل زي سحب العربية كون انها 1.3 وكمان المساحة الداخلية
وهل ثباتها اتحسن عن الشكل القديم ولا لاء ؟؟
الواحد مستنى ان العربية تنتشر ويسمع اراء مالكيها وطبعا اليارس مش حتخيب ظن الناس فيها كالعادة
الف مبروك
اسف يا شباب للتاخير علشان انا في الجيش