تحذير من مصر للطيران فرع وسط البلد

**حماده المصري** · 03-01-2013 11:49 AM

يا جماعه فرع مصر للطيران وسط البلد الي في ميدان طلعت حرب تقريبا

بيقف قدامه مناديب لشركات سياحه بيشوفوا الي داخل الفرع يودوه لمكتب سياحه عشان التذاكر ويا اما ينصب عليه في الفلوس يا اما ينصب عليه في الموضوع كله من الاساس وده بيحصل مع ناس كتير جدا

ابويا مره راح هناك واتعمل فيه نفس الموقف كان بياخر معاد سفر ودفع فرق كبيير جدا عن العادي بس الحمد لله التذكره طلعت سليمه

والمكتب نفسه عامل تحذير على الباب الخارجي بانه ممنوع التعامل مع اي شخص خارج المكتب ومصر للطيران لا تتحمل اي مسؤوليه عن التعامل مع خارج المكتب طبعا التحذير مكتوب بالعربي في ناس اساسا مش بتاخد بالها منه وفي ناس تانيه ممكن يبقوا اجانب ويتنصب عليهم

والموضوع ده بقاله فتره كبيره جدا

النهارده كنت معدي بالصدفه وشوفت نفس الموال بيحصل وبعد ما خدعوا واحد روحت قايله متروحش في حته ادخل المكتب وشوف التحذير والحمد لله عدت على خير انه محدش عملي حاجه بس طبعا اتجننوا عشان بقطع عليهم رزقهم (الي بالحرام في حين انه فاكرينه بالشطار)

بصراحه نفسي نجمع نفسنا مجمومع ونروح نقف قدام الفرع فتره نخربها عليهم لانه ده كله نصب في نصب

**S O P H O S** · 03-01-2013 12:42 PM

جزاك الله خيرا ..

**MohammedAladel** · 03-01-2013 01:21 PM

بلغ عنهم

**akmm** · 03-01-2013 01:31 PM

نبلغ مين وزاره الطيران المدنى ولا مصر للطيران ولا شرطه السياحه ولا قسم الشرطه التابع ليه المكان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ وكلهم مش هيعملوا حاجه

**Abdm** · 03-01-2013 01:36 PM

المفروض يكون فى حراسة أمن حتى لو أمن خاص بالمكتب لمصر للطيران تقف بالخارج للحراسة أمن عادى ويمشى أى حد واقف برة المكتب ...

وجزاكم الله خيرا

**shankoo** · 04-01-2013 02:19 AM

ياباشا يبلغ مين الحكومة قدامهم وعارفين وسايبينهم عشان بياخده منهم فلوس
انا لما كنت شغال فى السياحة كنت لازم اروح فرع وسط البلد بنفسى عشان دة كان اقرب فرع ليا فى المنطقة لانى من بنى سويف
وجولى قلتلهم وش كدة مندوب حجز طيران اتلمه شفتهم بيجيبه واحد ياباشا قلتله اتفضل معايا يا فندم انا من مصر للطيران ولما دخل قلتله معلش حبيت انقذك من النصابين

**BESO516** · 04-01-2013 11:00 AM

حبوا يعملوا نفس الموضوع ده فالخطوط السعوديه اللى فالتحرير وانا كنت شغال هناك ف2011
الموضوع مستمرش اكتر من يومين والله
جابو افراد امن من شركه خاصه
ومبقاش فى نمله تقدر تقف قدام باب الشركه
ولحد الأن