هل يمكن ان احول سيارة حديثة الى الغاز بامان لارتفاع البنزين-مناقشة

**m707707** · 26-12-2012 08:53 AM

سلام عليكم اخوانى بتاكيد كلنا نعرف اننا مقبلين على ارتفاع سعر البنزين اجلا ما عاجلا وسيكون لك حصة معينة بدعم وبعدها طبعا هتدفع ما لا يطيق بنزين !!!

وسوال ................
هل يمكن احول سيارة حديثة نوعا ما بداية من عام 2005( طبعا انتم عارفين فى مصر 2005 يعتبر حديث نظرا لتردى الاقتصاد ونص عربيات مصر اصلا من تمانيات شغالة)

احولها الى سيارة تعمل بالغاز اى كان نوعها ؟؟

وما المشاكل المترتبة على ان السيارة هتكون بالغاز وليس بالبنزين ؟؟ هل سيؤثر على عمر الموتور او هناك اسلوب معين لتخطى تلك العقبة ؟ وتكون سيارة بامان تام ؟؟

وكم نكلفتها ؟؟

وسوال اخر رجاء لا تهملوا الرد فية رجاء (بشوف صف كبير طويل من عربيات تاكسى بتمول غاز فى محطات الغاز فهل لو عربيتى بقت غاز هقف فى نفس الطابور الطويل دة ام ان السيارات الملاكى لية معاملة خاصة ؟؟)

اللى جرب الغاز يحكى عن تجربتة الشخصية ؟؟

**Land_Cruiser** · 26-12-2012 09:43 AM

بص حضرتك كل أنواع الوقود هتغلى لأن الدعم بيتشال تدريجيا عنه فلا تستبعد ان سعر الغاز يزيد. بالنسبه لتحويل السياره الى غاز الأكيد زى ما بنشوف فى السيارات الاجره انك هتفقد شنطه العربيه لان هيتحط فيها اسطوانه الغاز ده بالاضافه الى ان السحب هيبقى اقل من البنزين . بالنسبه الطوابير حضرتك هتقف فيها عادى فى انتظار دورك و سمعت ان الغاز بيأثر على العمر الافتراضى للموتور و لكن ليس عندى تأكيد للمعلومه لأنى مش مركبه . فى رأيي انه مع ارتفاع البنزين هنبقى محتاجين نستخدمه لكن مع ترشيد فى الاستخدام . يعنى نحاول نقلل من استخدام السياره و الاعتماد على بعض وسائل النقل التانيه المتاحه قدر الإمكان او الاتفاق على الذهاب للعمل بسياره واحده مع الزملاء و حاجات زى كده يعنى

**omaroof** · 26-12-2012 09:37 PM

العربيه مادامت عدت عليها سنتين يبقى تقدر تغير لغاز وانته مطمأن
عشان بيكون طبقة الكربون اللى داخل السليندر اتكونت
ف2005 ممتازة وكمان الغاز حايوفر معاك كتير لو مشويرك كتيرة

**m707707** · 26-12-2012 11:18 PM

طيب مفيش حد جرب الغاز يحكبنا تجربتة

**S O P H O S** · 27-12-2012 04:12 AM

المشاركة الأصلية كتبت بواسطة land_cruiser

بص حضرتك كل أنواع الوقود هتغلى لأن الدعم بيتشال تدريجيا عنه فلا تستبعد ان سعر الغاز يزيد. بالنسبه لتحويل السياره الى غاز الأكيد زى ما بنشوف فى السيارات الاجره انك هتفقد شنطه العربيه لان هيتحط فيها اسطوانه الغاز ده بالاضافه الى ان السحب هيبقى اقل من البنزين . بالنسبه الطوابير حضرتك هتقف فيها عادى فى انتظار دورك و سمعت ان الغاز بيأثر على العمر الافتراضى للموتور و لكن ليس عندى تأكيد للمعلومه لأنى مش مركبه . فى رأيي انه مع ارتفاع البنزين هنبقى محتاجين نستخدمه لكن مع ترشيد فى الاستخدام . يعنى نحاول نقلل من استخدام السياره و الاعتماد على بعض وسائل النقل التانيه المتاحه قدر الإمكان او الاتفاق على الذهاب للعمل بسياره واحده مع الزملاء و حاجات زى كده يعنى

انا مع راي حضرتك ..

**m707707** · 01-01-2013 03:31 PM

نرجو الافادة اكثر ممن لهم تجربة عملية نع الغاز

**AHMEDCAR** · 01-01-2013 03:38 PM

الملاكى ليه معامله خالص فى التموين يعنى بيدخل على طول لان بيكون ليه طرمبه لوحده

**m707707** · 02-01-2013 07:01 AM

اشكرك على الدر ريحت قلبى من جهة الزحمة فى التمويل

بس برضة اية افضل سيارة ممكن تتحمل الغاز لانة سمعت انة بيسخن العربية

**tutankhamoun** · 02-01-2013 07:22 AM

المشاركة الأصلية كتبت بواسطة m707707

اشكرك على الدر ريحت قلبى من جهة الزحمة فى التمويل

بس برضة اية افضل سيارة ممكن تتحمل الغاز لانة سمعت انة بيسخن العربية

اللي قالك يا فندم أعطاك معلومة مش صحيحة ... و العلم كله عند الله .

الغاز بيخرج طاقة أقل من البنزين أصلا (فأزاي هايخلي العربية تسخن أكتر من البنزين ؟ )

مشاكل الغاز تتلخص في مخرجاته اللي بتأثر على حوائط البساتم و على ما أعتقد أنه بينتج كبريت وده اللي بيأثر على عمر الموتور الأفتراضي .

اللي عرفته من ناس محول لغاز خارج مصر و داخل مصر الآتي :

1 العربية بتستهلك غاز أكتر من البنزين لنفس المسافة نظرا لكمية الطاقة الأقل المنتجة و لكن لرخص سعر الغاز بيتم تعويض الفارق في السعر .
2 يؤثر سلبيا على عمر المحرك (على المدى البعيد قوي ) يعني مثلا ممكن يخليك تعمل عمرة عند 200 ألف كم بدلا من 250 ألف كم .... ده مثال فقط توضيحي .
3 مساحة الشنطة الخلفية بتضيع في الأسطوانة الكبيرة ..... بالاضافة لخطورتها لو حصل حادث من الخلف و ممكن تنفجر (و لكن ده معرضله تانك البنزين برضه )
4 قلة محطات الغاز مقارنة بمحطات البنزين ...

آخر حاجة بقى ... مفيش حاجة أسمها أحسن سيارة تستحمل و سيارة مش بتستحمل .
كلهم بيستحملوا الأهم تراعي الطريقة الخاصة بقيادة سيارات الغاز و هي كالآتي :
تدور الصبح بالبنزين و تسير 10 كم مثلا و بعدين تقلب غاز
لما تبطل العربية تقلب بنزين الأول و بعدين تبطل

و الله أعلم .......أنا مجربتش بنفسي و لكن أبحاث بريطانية أسترالية قرأتها بالاضافة لكلام سمعته من سواقين .

**mohamedrabia** · 02-01-2013 09:21 AM

المشاركة الأصلية كتبت بواسطة m707707

اشكرك على الدر ريحت قلبى من جهة الزحمة فى التمويل

بس برضة اية افضل سيارة ممكن تتحمل الغاز لانة سمعت انة بيسخن العربية

معلومة غير اكيده كل ما تحتاجه السيارة بعد تركيب الغاز تنظيف فلتر الهواء باستمرار وتغيير البوجيهات .
وافضل سيارة تتوافق مع الغاز الفيرنا لان ماتورها شديد والبودي ضعيف فالغاز بيعمل عمليه توازن غير مقصود .
وبخصوص سحب السيارة يتم رفع معدل السحب من خلال الكمبيوتر لو سيارة حديثه تعمل بالحقن واعلي نظام في الغاز البالغ 6500 جنيه سنكونشن .
وبخصوص تركيب الغاز لو فعلا مشوارك كبيرلازم تركب غاز هيوفر معاك كتير لاكن لو مشوارك عادي او متوسط يبا بلاش منه .
وموضوع التاثير في العمر الافتراضي للماتور هيكون في صالح الغاز لانه ببساطه لو وصلت لمرحله تعمير الماتور لو ماشي بنزين يبقي في حاله الغاز تغيرة احسن بفرق السعر بين البنزين والغاز علي مدار متوسط مصثلا 7 سنوات بالنسبه للسيارات الحديثه لاني اعرف واحد حاطط غاز في سيارة ملاكي من سنه 2000 وشال الجهاز وحته في سيارة احدقث وعمرة ما اشتكي منه خلال كل هذا السنوات والجدير بالذكر انه بيقول ان سيارته بتسحب علي الغاز احسن من البنزين ولذلك بتشجيعه قمت بعمل الغاز في نيسان صني 2007 وبجد الفرق ملحوظ مع اول شهر استخدام لان مشواري كبير وكمان السحب كويس مش فارق الا حجات بسيطه لا تذكر وبخصوص مساحة الشنطة كاستخدام كامل المساحة وده مش بيحصل الا في حاله السفر وده غالبا مرة او مرتين في السنه ممكن اجيب شبكه احطها في حاله السفر ب 120 جنيه ولما ارجع اشيلها .
ده تحديدا كل نقاط الاستفسار عن الغاز ولو في اي مشاكل قابلتها هبقا اقولها للافاده .
بس حقيقي في ظل غلاء البنزين والازمات المفتعله وقرار توزيع البونات له يبقي الغاز نعمه من كل المقاييس حتي لو زاد سعره لان سعره منخفض مقارنتا بالبنزين

الموضوع: هل يمكن ان احول سيارة حديثة الى الغاز بامان لارتفاع البنزين-مناقشة

LinkBack

أدوات الموضوع

عرض

-

-

-

-

المواضيع المتشابهه

عاوز احول عربيتى غاز و محتار بين شركات الغاز

ماذا سيفعل من معه سيارة بها محرك تيربو فى غلو سعر البنزين 95-مناقشة

هل يمكن ان احول سيارة حديثة الى الغاز بامان تام دون مشاكل تحسبا لارتفاع البنزين

هل يمكن تحويل فيات 132 لسيارة حديثة؟

الاستعداد لارتفاع اسعار البنزين 90 و 92 بالاتجاة الى 80

الكلمات الدلالية لهذا الموضوع

المفضلات

المفضلات

ضوابط المشاركة