طبعا كلنا في نايل موتورز يجمعنا غالبا شيء واحد كبداية وهو اﻻهتمام بالعربيات ، وبعدين بتيجي حاجات كثيرة ثانية
سبحان الله الواحد لما بيتابع وبيعمل عضوية وبيﻻقي راحته خالص وكأنه اﻻعضاء عيلة وحدة !!
مختلف الفئات واﻻعمار والطبقات بس كله داخل نطاق واحد لكن في حاجة ممكن تعملك شوك وهي لما تشوف موقف معين
وده غالبا سياسي وبتﻻقي اعضاء كثير او قليل كنت بتحبهم او على اﻻقل مهتم تتواصل معاه عكسك تماما بل مضاد ليك ! وتﻻقي في مشركته ذات الطابع السياسي
كﻻم ممكن جدا يجرحك او يهينك او اي حاجة مزعجة ،طبعا مهما كان نوع الفكر او اﻻنتماء او الميول السياسي ليك او اي حاجة ليها عﻻقة بالحواديث دي
ولﻻسف بيحصل خلط كبير جدا بين الصراعات السياسية واهتمامات او انتمائات او افكار اي حد ، فاهمني وﻻ بقول كﻻم معقد ؟
الي عايز أوصلوا ان نايل موتورز عامل بالزبط زي العائلة التي انتمى اليها تماما من وجه معين ،
فمثﻻ المنتدى فيه كل الفئات اﻻجتماعية ومختلف المهن الي اصحابها اعضاء هنا ومفيش حاجة بتخليههم مختلفين زي السياسة !!
ووجه التشابه : ان والدي الكريم ربنا يطول في عمره من رجاﻻت الجيش ، وماادراك ما الجيش من شدة وصرامة وحزم سواء لما كان في الخدمة
او لما خرج تقاعد مبكر وتفرغ لﻻعمال الخاصة في التصدير واﻻستيراد وطبعا عﻻقتي بيه فوق الرائعة بس لو فتحنا اي موضوع سياسي بتخرب الدنيا وتبوظ لﻻسف الشديد
مع اننا متناغمين في كل الميادين اﻻخرى وانا المسؤول اﻻول عن الشركة ومعتمد عليا جدا وبياخذ برأيي وبيعمل بيه !!! شيء عجيب الصراحة
اعمامي اخوات والدي عﻻقتنا بيهم قوية وعندي بيهم صحبة كمان اولهم رجل اعمال وتاجر ويمتلك مصنع مواد تنظيف وبيحب الكورة وشبابي جدا وسنه 45 سنة
برضوا اول مانجيب سياسة ينكدك بس هو في اﻻخر بيديك الوش الي انت عايزه وواضح جدا ان هو كده عايز يخلص وخﻻص!!
عمي الثاني اصغر واحد واكثر واحد صاحبي ويعمل دوبلوماسي بوزارة الخارجية ويمثل الفكر الليبرالي في العيلة
تخيلوا المدرسة العسكرية ومدرسة البيزنس ! ومدرسة الليبيرالية دول متناغمين جدا بس سياسيا مختلفين جدا
ولو زودنا عليهم المدرسة اﻻسﻻمية (ﻻ اتكلم عن السياسية) فأنا ﻻ انتمي ﻻي تيار سياسي وبحب المدرسة الدعوية العلمية
بس طبعا عندي متابعة للسياسة وارائي السياسية الخاصة زي اي حد في العالم
السؤال بقى ليه في تعايش وصحوبية في العيلة على اختﻻف المشارب واﻻختﻻف السياسي الكبير
يعني من اﻻخر ليه مايكونش لكل حد رأي سياسي ومايبقاش في صدمة لما يﻻقي حد ثاني مضاد ليه
انا حصلي كده واتصدمت وبعدين فكرت في حالتي ولو كل حد فكر في عائلته او محيطه حيﻻقي جميع اﻻنتمائات واﻻراء ومع ذللك بيبقى عادي ومش مصدوم
وماعرفش هل ممكن اتخلص من ده وﻻ ﻻ! حبيت اطرحه في اﻻجتماعي علشان ممكن حد ينقل تجربتوا هنا ونستفيد
هل في حد زيييي؟؟؟؟؟؟؟يعني بيشعر بنفس الشعور وحاصل معاه الحاجات ديه ؟؟