انا اشتريت عربيتي عن طريق عمل توكيل من البائع
بمعني ان اللي اشتريت منه العربية عملي توكيل بيع وشراء
دلوقتي انا عاوز اجدد الرخصة واعمل نقل ملكية
ممكن اعرف ايه الاجراءات المطلوبة
وشكرا
عرض للطباعة
انا اشتريت عربيتي عن طريق عمل توكيل من البائع
بمعني ان اللي اشتريت منه العربية عملي توكيل بيع وشراء
دلوقتي انا عاوز اجدد الرخصة واعمل نقل ملكية
ممكن اعرف ايه الاجراءات المطلوبة
وشكرا
أنا متابعة
علشان أنا في نفس وضعك دلوقتي
اللي أتقال لي أني أروح الشهر العقاري أنقل المليكة
ودا أنا عملته أنهاردة - روحت الشهر العقاري وأشتريت عقد بيع سيارة ومليته ، وعند تسليمة طلبوا مني صورة من التوكيل والأصل ، وصورة من البطاقة ورخصة السيارة والأصل بردوا ، بس طلبوا منى شهادة بيانات ، وللأسف اللي وجهني مجبش سيرة شهادة البيانات .
فلأسف بعد وقفة طويلة في طوابير الشهر العقاري - معملتش حاجة إلا لما أجيب شهادة البيانات وللأسف إنهاردة كل امصالح الحكومية ملهاش فترة مسائية علشان إنهاردة الخميس - إنشاء الله أكمل يوم السبت . على فكرة الموضوع مش صعب لأني عملته أكتر من مرة لكنه طويل وممل - شغل الحكومة بأة - ونظام عدى علينا بكرة يا سيد
متابعة علشان أمشي مع نصائح أعضاء المنتدى
ربنا يوفقك ويوفقني
ت>هب للشهر العقارى بالتوكيل وتعمل عقد مسجل باسمك وهاتدفع مبلغ على حسب نوع العربيه وموديلها ولو هى مجمعه فى مصر تجيب شهادة بيانات من المرور عشان يخفضولك جزء مش كبير قوى حوالى 100 الى 150 جنيه وتاخد العقد المسجل وتبدا فى المرور شهادة مخالفات ثم فحص ونقل ملكيه وربنا يعينك
طيب انا سمعت اني لما املا عقد البيع
اكتب قيمة بيع قليلة عشان مدفعش رسوم كتير
لاني سمعت انهم بيحسبوا نسبة معينة علي قيمة البيع
انا معرفش الكلام ده صح ولا غلط
بس لو صح
اكتب مبلغ البيع كام - في الحدود المناسبة
الرخصة هتنتهي بكرة - يهني بعتوني على الفاضي :E_braces[1]:
عموماً يوم السبت هتكون ليها لازمة علشان الرخصة هتكون أنتهت بجد
:Ta_clap[1]:حلو السؤال دا - لأني سبت المكان فاضي وكنت مستنية حد من الموظفين يقول لي أعمل أيه ؟
مع كامل احترامى لحضرتك .. بعد احداث الثوره وسرقه الكثير من السيارات ... اصبح الشهر العقارى لا يقوم بتسجيل عقود البيع والشراء للسيارات الا بوجود بشهاده بيانات صارده من وحده المرور التابع لها السياره ، حتى يتم التاكد من ان ملكيه السياره سواء كانت الرخصه ساريه او منتهيه والله اعلم
بتجيبى شهاده بيانات فى حاله ان الرخصه تكون خلصانه فقط
طيب يا جماعة .. حد يقولنا نكتب القيمة البيعية في خدود كام؟!!!!!!!!!
انا لسه ناقل ملكية ومرخص الشهر اللى فات
1 - الذهاب الى وحده المرور الخاص بالعربية واحضار1 - شهاده مخالفات 2 - شهادة بيانات (فى حاله انتهاء الرخصة)
2 - الذهاب الى الشهر العقارى وبيع العربية لنفسك للعلم مصاريف التسجيل ملهاش دعوه انت شارى العربية بكام ى بتتحسب على اساس سنه الصنع + س س العربية
3 - الذهاب الى المرور لتخليص باقى الورق والرخصة
اولا الاخت الى سالت ماتمشيش من المكان تانى الا لما تستفهمى عن كل حاجه وتغتتى شويه لان فى ناس غاويه تبعت الناس وخلاص وكان المفروض تجيبى الشهاده عشان تطمنى لانها بتطلع من المنشأ يعنى لو انتى رابع يد للعربيه مثلا كل مرور هايرجعك للى قبله لغاية اول مرور اترخصت فيه العربيه وهى زيرو منك تطمنى وتتاكدى كام واحد اشترى وباع فيها
ثانيا هاتكتشفى ان التخفيض لا يساوى التعب والبهدله
بالنسبه لكتابة قيمة السياره فى العقد لا يؤثر الى بياثر العربيه نوعها وكام سى سى وموديل سنة كام؟ فقط وده هايأثر فى العقد المسجل بالشهر العقارى واثناء الترخيص فى المرور
اتمنى اكون افدتكم
على ما اظن الكلام ده غلط عشان المرور اصلا مينفعش يطلعلك شهاده بيانات لعربيبه فيها رخصه ساريه شهاده البيانات للعربيه اللى رخصتها منتهيه او ماشيه بتصريح مؤقت و بطلع واحده بس و مينفعش تطلع غيرها الا لما تجيب اثبات انك استخدمت الاولى
يعنى كمثال انا قبل كده كنت بشترى عربيه رخصتها منتهي فرحت على المرور بتاعها و دفعت الضريبه و كنت عاوز اطلع شهادتين بيانات واحده للشهر العقارى وو واحده للمرور اللى هنقل العربيه ليه و ساعتها المرور مرضيش طلع واحده بس للشهر العقارى و رحت سجلت و بعدها رجعتله بعقد التسجيل فطلع التانيه اللى للمرور
حضرتك انا طلعت شهادة بيانات للعربيه وهى رخصتها ساريه وانا بنقل ملكيه بس كنت بقولهم شهادة بيانات انتاج محلى عشان التخفيض وفضل كل مرور يبحث ويلاقيها قادمه من مرور اخر يقوم باعتنى للمرور ده واتنقلت بين 3-4 وحدات مرور حتى وصلت لاصل السياره يعنى عرفت انى رابع يد عليها وفى الاخر التخفيض كان قليل اوى وخلانى قلت ياريتنى ما تعبت نفسى واتعطلت
يعنى فى الاخر انت بتطلب شهادة بيانات لايه؟ لو للمرور مفيش غير واحده عشان الترخيص لو للانتاج المحلى تبقى للشهر العقارى