عرض للطباعة
انا معايا ميجان 2006 وانا بعمل فحص فى مركز صيانة المهندس قاللى انها عاوزة لقمة دريكسيون وبيقول انها تعمل حوالى 10000 جنيه
دلوقتى انا عاوز اعرف ايه لقمة الدريكسيون دى وظيفتها ايه وايه ضررها لانى بقيت خايف من العربية ولو فعلا بايظة تمنها زى ما قالى كده ولا ايه
لقمة دركسيون ؟ و ب 10000 جم ؟؟
يمكن قصده على ميكانزم اللوك بتاع الدركسيون ؟.........بس ده مش ب 10000 فى التوكيل على ما أذكر.
ممكن تشرحلنا أيه اللى بيحصل معاك أو تجيب أسم القطعة بالظبط لأني أول مرة أسمع لقمة دركسيون دي.
لقمه ولا قطمه ؟؟
و ياريت لو حضرتك توضح ايه اللي بيحصل معاك لانها ممكن تكون حاجه بسيطه و دي كلكعه صنايعيه مش اكتر
الله ينور عليك هيا قطمة الدريكسوناقتباس:
المشاركة الأصلية كتبت بواسطة dedo_ryo
وكل اللى عندى فى الدريكسيون انى لما اجى اطلعه نحيتى اى سندة عليه يدخل تانى بس كده ومقلتش للراجل بتاع الصيانة عليها انا وديتها وقلتله اعملى فحص كامل طلع وقالى عاوزة قطمة دريكسيون وبيقولى ب 10000 ج وقالى عاوزة جوز مساعدين امامى وطنابير
عشر تلاف !!!!!!!!!!!!!!!!
شوفها استيراد .. الحاجات دي بترخص جدا في الاستيراد .. خصوصا في العربيات الأوروبي
على فكره ممكن تبقى عايزه جلبه حديد في الاخر بتاعها لان هي كده فيها بوش و للاسف مقدرش افتي اكتر من كده و ياريت تسأل بتوع الاستيراد و تقوله انا عاز قطمه بس منغير الطاره كلها ولا زراعات المساحات و النور ولا المالتي فنكشن و منغير الوش الفبر كمان لان كل ده سليم عندك انت بس محتاج الهيكل الاساسي ليها بس و إن شاء الله بسييييييطه ................... وياريت تطمننا و وانت سايق بلاش تشد الدريكسيون عليك و قرب انت الكرسي و مفيش انشاء الله قلق بس بلاش سرعه عاليه
مقلتوليش برده ايه خطورة قطمة الدريكسيون دى يعنى لو معملتهاش ايه الضرر
أنا ملاحظ يا باشا إن مشكلتك فى التقديم والتأخير لطارة الدريكسيون بص ... زى ما قالك الأعضاء ... رجعها للآخر وطلع الكرسى قدام ... وخليها على الله ... أما تشوف المشكلة بالظبط والحل بالهداوة كدا وبدون توتر
لأن بصراحة أنا مش فاهم الميكانيكى دا قال لك 10000 بتاع إيه بالظبط وياريت متروحلوش تانى
فهمتك كده....اقتباس:
المشاركة الأصلية كتبت بواسطة elbaz45
طيب سؤال.........الدراع بتاع الدركسيون اللى بتشده لما تكون عاوز تعدل وضع الدركسيون.....هل بيدخل مكانه تاني ولا خارج لبرة ؟
لو خارج لبرة.....حاول مع الدركسيون.....تعدل وضعه فى كل وضعية ممكنة و بعد كل مرة تحاول تدخل الدراع لجوة.
لو الدراع داخل لجوة و مع ذلك الدركسيون بيتحرك.........يبقى فيه حاجة تانية بس مش عارفها بالظبط.
عموماً مفيش خطورة محتملة أكتر من أن الدركسيون يرجع لورا لو أنت شادة عليك شوية أو العكس لو أنت فى موقف طارئ و غصب عنك شديت الطارة لبرة شوية......نصيحتي تسوق بالراحة شوية و بحرص....و متجريش على سرعات عالية.
إيه الرقم الغريب دة دنا جايب علبة الدكسيون كلها ب ١٣٥٠ من دمشق تركى
بس مش عارف الي حضرتك بتقوله دة أكيد حاجه مختلفه
القطمة بتاعةالدركسيون دي حاجة و علبة الدركسيون حاجة تانية.اقتباس:
المشاركة الأصلية كتبت بواسطة solly1979
القطمة دي اللى هى العمود اللى فى ضهر الطارة واصل لتحت......و هو اللى فيه الباور الكهرباء و ميكانيزم اللوك بتاع الدركسيون.