الحمد لله أخيراً المعرض جبلي عربية بعد طلوع روح ورحت عينتها معينة سريعة قبل الأستلام لحد ما يخلصوا الورق.
المهم عشان مطولش عليكم خدت بالي من كام حاجه وعايز أعرف دا الطبيعي ولا لأ.
1- لما المفتاح بيبقي في العربية مكنش فيه صفارة الباب اللي بتنبهك أن الباب مفتوح يا تري دي مش موجودة فعلاً.
مش بيعمل صوت إلا كنت قافل الكهرباء خالص عن العربية لكن المفتح لسة جوا الكونتاكت والباب يكون مفتوح
2- زرار الأنتظار لما دوست عليه هو كان منور في الأساس مع الزراير اللي حوليه بس لا لونه أتغير ولا طفي ونور مع الأشارات لما شغلته هل دا عادي ولا المفروض يطفي وينور مع الأشارات؟
ده الطبيعي ولا بينور ولا يطفي ... بينور فقط مع نور التابلوه
3- الأزاز الكهرباء لما كنت بطلعه ونزله كان صوته مسموع وعالي شوية هل دا عادي برضه ولا مكن الأزاز كدا فيه مشكلة؟
مش عارف بصراحة لأني ما سمعتش الصوت ... بس عموما هو بيعمل صوت مسموع طبعا وواضح جدا لكن مش مزعج .. عادي زي صوت الكهرباء لما تكون عالية حبتين
4- زرار الفوج الخلفي مشتغلش وقالولي هيظبطوه قبل الأستلام أن شاء الله - يغيروه بقا يصلحوه مش عارف ومع أني عارف أني نادر أني أستخدمه بس الموضوع عكنني شوية بس الحمد لله.
معلش بسيطة بإذن الله ممكن تكون اللمبة كانت محروقة ولا حاجة وهما هايغيروها فقط لا غير ... وربنا يحفظك
5- أخر حاجه العربية كان مكتوب عليها تاريخ الشحن 10 / 2012 هل فعلاُ تلحق توصل لأن اللي أعرفه أنها بتاخد 3 شهور عقبال ما تيجي فأستغربت شوية.
ممكن تكون المركب شدت حيلها شوية عشان تلحق قبل ميعاد التسونامي اللى جاي .. وأكيد عمو عز شد حيله في التخليص الجمركي عشان الناس اللى حاجزة وهاتضربوا بالنار
معلش أسئلة كتيير وقبل كمان ما استلم بس بعد العذاب اللي شفته الفترة اللي فاتت عشان العربية تيجي مخليني موسوس شوية :e_braces[1]: