بخصوص فتيس النوبيرا الاتوماتيك

**Dr.kordy90** · 04-01-2013 01:13 AM

دلوقتي من فتره حوالي شهر ظهر حاجه ان بقيت بحس بنقله الفتيس وخصوصا بين التالت والرابع ولما اجي اشيل رجلي من علي البنزين بحس بحاجه بيسموها زغطه باين المهم روحت لبتاع الفتايس ركب وجرب قالي الفتيس كويس بس علبه البلوف هيه اللي بتعمل كده بقوله من ايه قالي من الاستهلاك قولتله والحل قالي ملهوش حل استغربت قولتله ولا حتي اغير زيت وفلتر قالي ابقي تعالي غير زيت بس اداني معاد بعد 5 تيام ولا الدكاتره لان فعلا عنده ماشاء الله عربيات مرسيدس والماني كتير فبقوله يمشيني كده قالي اها فبصراحه مش مقتنع فهل حد عنده فكره ده ايه وايه سببها وقالي الفتيس بياخد نقلاته وعادي بس هيه علبه البلوف وقعد يجرب يجيب 3 وهيه ماشيه الحمد لله بتسقط النقله وعادي

**Ali Wika** · 04-01-2013 03:07 AM

انا عندى نوبيرا 2004 وعاملة 98000 كيلو و من يوم ماستلمتها زيرو و انا بحس بالنقلات و فى التوكيل زمان قالوا لى ده عادى فى النوبيرا

**golden_web_2007** · 04-01-2013 03:58 AM

فى واحد تخصص فتيس اوتوماتيك فى احمد سعيد مشهور اوى هناك .. ممكن يفيدك

**3ateef** · 04-01-2013 02:04 PM

عندى نفس الحكاية فى عربيتى, نوبيرا 2 موديل 2004.
جرب تغير زيت الفتيس وتحط اضافة ليكوى مولى لزيت الفتيس, وانت ونصيبك.

**drmagieed** · 04-01-2013 02:23 PM

طيب طالما نفس الحكاية عند ناس كتير يبقي عادي مافيش مشاكل!!!

**Dr.kordy90** · 04-01-2013 02:46 PM

شكرا جدا يا جماعه هعمل كده وانقلكو التجربه وربنا يكرم

**Dr.kordy90** · 04-01-2013 02:51 PM

طب كنت عاوز اعرف ايه اضافات الفتيس بتاعه الليكو مولي دي وبتعمل ايه وبتتحط علي كام كيلو عشان بس ابقي فاهم ورقمها ايه عشان لو هجيبها مطابقه للنوبيرا

**3ateef** · 05-01-2013 12:34 AM

Liqui Moly ATF Additive
محطوطة فى حاجة شبة بلسم بانتين D:

معرفش بتقعد اد ايه بس عموما هتنزل مع الزيت لما تيجى تغيره.

**Ali Wika** · 05-01-2013 02:26 AM

يعنى حضرتك ليكوى مولى ده زيت فتيس ولا اضافة بس على زيت الفتيساتا غيرت لعربيتى زيت الفتيس عند 60 الف كيلو بزيت موبيل وهى عاملة الوقتى 98 الفممكن حضرتك الايضاح لتعم الفائدة - وجزاك الله عنا كل خير---------------------------------------------------------------------الدال على الخير كفاعله