مشكلة في فتيس الميجان 2005 check gearbox at 170 km/h

السلام عليكم ياجماعة
انا بكتب الموضوع دا بعد البحث والمصاريف عند الصنايعية واللف في مواضيع القسم
باختصار انا عندي مشكلة في الفتيس عند 170 السرعة مابتزيدشي ولما اهدي الفتيس يديني check gearbox ببطل واشغل تاني كله يكون تمام
لو نفضت ومشيت عليها النقلات بتتاخر في النزول ي3ني لو ان على الثالث وبهدي ممكن العربية اوقفها وهي لسة مدية الثالث
رحت الحرفيين وصقر قريش وسمعت كلام غيرت زيت فتيس مرتين
طبعا قالوا نغير البلف وانا رفضت عشان العربية سحبها مظبوط وضغط الزيت مظبوط على الكمبيوتر حوالي 2.3 بار وهيا على الدرايف
لو حد غنده اقتراح ياريت مايبخلشي

الأستاذ أحمد عبد المقصود غير زيت الفتيس تقريبا .... بعد ما غيره لما كان بيمشى على سرعة عالية زى 170 مثلا شوية كانت بتظهرله Check gear box ... وكلم التوكيل قالهم على المشكلة قالوله أنزل شوية ل 140 تقريبا والرسالة هتختفى

دا عشان غير زيت الفتيس وبيقولوا إن الزيت الأصلى اللى فيها مش زى اللى بيحطه التوكيل والله أعلم لأن الزيت المفروض إنه مبيتغيرش دا بالنسبة للفتيس الأوتوماتيك

اقتباس:

---

المشاركة الأصلية كتبت بواسطة MohammedAladel

الأستاذ أحمد عبد المقصود غير زيت الفتيس تقريبا .... بعد ما غيره لما كان بيمشى على سرعة عالية زى 170 مثلا شوية كانت بتظهرله Check gear box ... وكلم التوكيل قالهم على المشكلة قالوله أنزل شوية ل 140 تقريبا والرسالة هتختفى

دا عشان غير زيت الفتيس وبيقولوا إن الزيت الأصلى اللى فيها مش زى اللى بيحطه التوكيل والله أعلم لأن الزيت المفروض إنه مبيتغيرش دا بالنسبة للفتيس الأوتوماتيك

---

لأ يا باشا الرسالة اللى كانت بتطلع لي هي Gearbox overheat

أعتقد المشكلة عند صاحب الموضوع فى سلونويد الفتيس.........و الله أعلم.

اقتباس:

---

المشاركة الأصلية كتبت بواسطة ahmed a.maksoud

لأ يا باشا الرسالة اللى كانت بتطلع لي هي gearbox overheat

أعتقد المشكلة عند صاحب الموضوع فى سلونويد الفتيس.........و الله أعلم.

---

آسف جدا على الخطأ

اقتباس:

---

المشاركة الأصلية كتبت بواسطة mohammedaladel

آسف جدا على الخطأ

---

و لا يهمك يا باشا :)

كولر الفتيس و إن شاء ألله خير

فعلا المشكلة مش gearbox overheat
لو كدا كان الموضوع اتحل لكن المشكلة مش مفهومة وخصوصا ان نقلات الفتيس مظبوطة جدا قبل ال 170
انا تقريبا هبتدي افكر في حساسات السرعة
بس مافيش اي error حتى في الكشف
انا بردو بفكر يكون الثرموستات بتاع الفتيس بايظ وعشان كدا مابيديش overheat error؟
مافيش حد عنده افكار تانية؟