الموضوع: فوانيس الكشافات الاماميه للماروتي

اعضاء المنتدي الكرام
السلام عليكم ورحمة الله وبركاته
بصراحه انا كنت تعبت اوي من موضوع النور بتاع العربيه الماروتي حاسس ان الاضائه بتاعتها للطريق ضعيفه جدا جدا
قولت يمكن الفوانيس
نزلت اشتريت فانوسين باغ مش زجاج لكن القمره بتاعها مضلعه وسعرهم 120 جنيه علشان توزيع الاضائه

الفوانيس الاصليه كانت اللمبات اللي بتركب عليها طبق مثل اللمبه اللي علي الشمال
الفوانيس الجديده كانت نجمه مثلثله مثل اللمبه اللي علي اليمين
طبعا جيبت لمبتين جداد لكن الاضائه فضلت زي ما هيا مفيش غير تحسن نسبي
وكان شكلهم زي دول



قولت اجيب لمبات كبيره لكن ملقتش لمات كبيره ماركه او تكون صناعه معروفه كلها صيني وانا خوفت لتأثر علي ضفيرة الكهرباء
طيبت لمبتين فليبس الماني ب 85 جنيه لكن نورهم ثلجي ابيض رائع لكن برضه هيا هيا نفس الاضاءه متغيرتش كتير
روحت لكهربائي قالي هتركب كاتوت ونركب لمبتين اكبر من اللي فيها قالي اللمبتين دول وحشين قوي علي اللمبات الفلبس وقالي هصفرو بسرعه قولتله دول اصلي قالي لا بكبيرهم شهرين
وقالي هعمل ترجربه هدي اللمبه كرباء دريركت من البطاريه لو نورهم زاد نركب كتاوت لو مزادش مش هتحتاج وجاب سلك ووصل للفانوس كهرباء لكن النور مزدش
طبعا الصنيعي ده حافظ مش فاهم وانا مشيت علي كلامه وفضلت سنين ماسي بالعربيه نورها تعبان مش يبان عير من الشوارع الضلمه كحل
طبعا جربت وجيبت فوانيس شبوره لكن ابيض مش ارزق ولا اصفر نورهم كان كويس نوع ما بعد ما جيبت 3 انواع وكلهم يني ب 35 جنيه
واشتريت كتاوت نور تايواني ب 40 جنيه



ليه معرفش بس قولت اشتريه وجيبت 8 متر 2 ملي ومتر 3 ملي وترامل الموضوع دخل في 75 تقريبا وركنتهم ليه معرفش بس كنت عاوز انا اركبها بس معرفتش كل ما اروح لكهربائي اقوله اركب زينون يقولي هيتحرق بسرعه
الي ان شاء القدر كان احد اصدقائي بيعملصيانه لعربيته وغير الزينون علشان كان فيه مشكله قولتله هخده اصلحه واجربه عندي
كانت مشاكله بصيطه الفبيش كانت بتهرب كهرباء لعدم احكامه في القفل ظبتهم وجربت الزينون اشتغل زي الفل قولت اركبهم لكن اللمبه كانت بول واحد يأما عالي او واطي بس
سئلت لقيت لمبات اسمها h4 2



وده بتركب مكان اللمبه القديمه عالي زينون وواطي نور اصفر وقولت اعتمد علي الله واركبهم
وبعد التركيب مرضيوش يشتغلو
روحت لكهربائي قولتله عاوز اركب دول فضل يجرب ويمين وشمال مش شغالين يجربهم بره علي البطاريه يشتغلو
قوتله علي فكره انا النور عندي واصله كهرباء مباشر والمفتاح بيفصل الارضي قالي كده محتاج كتاوت
قولتله عندي اخدت العربيه والحاجه وروحت جيبت الكاتوت والسلك ورجعتله وابتدي يركب الكتاوتي علي اللمبات القديمه ويسم سلكهم وجيبتله فيش للمبات علشان يسيب السلك الاصلي ميلعبش فيه يخليه زي ما هوا
وهوب الكتوات ركبت جرب يعم الحج لقيت الاضائه زادت وبقيت كانها نهار علي اللمبات القديمه قولتله كده زي الفل قالي والزينون قولتله دول احسن من الزينون نورهم تلجي ابيض عالي وواطي ونورهك شديد بعد تركيب الكتاوت

دلوقتي فيه فوانيس جديده شكلهم ظريف








والفوانييس ده بتركب من غير شنب تحتيها وحجمها اكبر لانها واخده مشاحة الشنب البلاستيك مع الفانوس لكن سئلت عليهم لقيت سعرهم غالي الفانوس الواحد ب 125 والاثنين ب 250
براحه لسه مروحتش شوفتهم عن الراجل هرو اعيانيهم وارجع اقولكه ايه الاخبار
انا اسف الموضوع طويل لكن بجد العربيه الماروتي الاضائه بتاعتها محتاجه كتاوت هتلاقي الدنيا اختلفت تماما
اسف علي الاطاله

والله هيا الكشفات ممتازه وشكلها جميل لكن انا في اعتقادي البسيط هيا ليست مصممه للماروتي
1- لاني لما حاولت التركيب لازم اقص جزء من قاعدة الفانوس الثابته في السياره التي يربط بها الفنوس اما اقطع جزء من بلاستيك الفانوس لان حجم الفانوس اكبر من فتحة الفانوس بقليل
2- اماكن التثبيت بالماسمير غير متطابقه غير مسمار واحد متطابق والمسمارين الاخرين غير متاطابق
انا عربيتي مارتي 2008 تصنيع هندي ممكن تكون مطابقه لموديلات اخري
جاري الان تعديل الفانوس وان شاء الله بعد الانتهاء من التركيب سوف اقوم بوضع الصور النهائيه