الموضوع: تعديل فوجات اللانسر البومه وتركيب فوجات اسبرانزا a620

المشاركة الأصلية كتبت بواسطة kadry_2012

بصراحة شغل جميل ربنا يباركلك
انا جبت بردو الفوجات ال a620 بس كنت عيز اعرف اكتر عن تثبيتها في الإكصدام.... القواعد اللي ركبتها دي جاهزة ولا الراجل بتاع الفبر عملها مخصوص ولا بتتشرى منين ؟؟؟ ياريت لو في صور ليها
وسؤال كمان عن الفبش الكهربا وفقتها إزاي ولا جبتها منين
ومشكووووووووووووور

ربنا يخلييييك ياكبيييييييير بتاع الفايبر بيعملهم قواعد جديده وتركب على طول على القواعد الجديده والقواعد للاسف مصورتهاش ومعلش اتاخرت فى الرد علييييك معلش ياكبيييييير

المشاركة الأصلية كتبت بواسطة ahmedbasto

الف مبروووك يا عادل
ماشاء الله شكلهم تحفة

الله يبارك فيييك يااابو حمييييد

المشاركة الأصلية كتبت بواسطة hhhhhm

معلهش يا أستاذ قدرى كنت عاوز أعرف أنت جبتهم بكام ومنين وياترى الكرتونه فيها الفوجين بس ولا جايين بالضفيره والكتاوت والسعر كام ؟
لأنى عملت نفس القصه من حوالى 5 شهور وكنت عاوز أعرف أنا جبتهم غاليين ولا أيه مع العلم أن الكرتونه جاتلى بالفوجين بس من غير الضفيره والكتاوت والزرار
أما بالنسبه لأستفسار حضرتك أنا ركبتهم عند سمكرى هو صحيح أتعلم فيا بس الشغل طلع تمام بنسبة 75فى الميه هو عملهم خوصتين حديد لكل فوج على المقاس من الأكصدام والفوج وربطهم بمسامير وبرشام بس لازم تاخد بالك من 3 حاجات أول حاجه أوعى السمكرى يربط مسمار أو برشام فى عضم الفانوس نفسه لأنه كده هايدخل ميه ويقرفك وياريت تجرب الفوجات قبل ما تركبهم لأنهم عندى لقيت واحد منهم بيدخلوا ميه وخليت الكهربائى فكه ونشفه بالهوا وعمله بسيليكون مع ان السمكرى ما عملش فى عضمهم حاجه ( عيب صناعه صينى بأه )
تانى حاجه تخلى السمكرى يكفى الفوجات للأرض ويجيبهم فى وش بعض لأن مسمار الريجلاج غالبا مش هاتلاقيه شغال مع العلم أن اللمبات اللى فيهم زباله وهاتتحرق علطول (أنا ما ركبتش زينون)
تالت حاجه السمكرى هايضطر يقطع فى الأكصدام علشان يركب الفوجين خد بالك أوى لأن حجم الفوجين قريب جدا من الفتحات الموجوده فتخليه يشيل يادوب 2 ميلى من تحت بس ولو احتاج كمان يزود لأنه غالبا هايتعلم فى أول فوج ويطلع التانى مظبوط

أما بالنسبه لأستفسارك التانى الفيشه بتاع الفوجات بتبقى موجوده فى العربيه تحت الأكصدام نازله فى العربيه وهاتكتشف كمان أن النور بتاع الفوجات موجود فى التابلوه وطبعا هاتحتاج كذا متر سلك وشوية رفايع فى حدود 15 جنيه وهاتحتاج زرار ديماكس مثلا تقريبا ب 25 جنيه لأن الزرار الأصلى فى التقطيع (الحته على بعضها بزراير المرايات )هاتلاقيها ب 370 جنيه عربيتى 1300 وهاتحتاج كتاوت أنا جبتها أصلى من عند بتاع التقطيع ب 40 جنيه
بالنسبه للمصنعيات أنا السمكرى أخد منى 50 جنيه
والكهربائى أخد 50 جنيه برده
واللمبتين أتحرقوا منى بعد كده فجبت لمبات أصلى الواحده ب 15 جنيه
وللعلم الفوج جميل جدا على العربيه أنما كصناعه وخامات فهو للأسف ردىء جدا صينى أصلى

+111111111111111111111

المشاركة الأصلية كتبت بواسطة kadry_2012

الف شكر لإهتمامك يا سيد hhhhhm
انا جبتهم من اسكندرية من واحد اسمه الجمال جنب المديرية القديمة في العطارين وكان كل فوج في كرتونه لونها بني مش عليها غير ستيكر ملزوق ونوعها todo ومن غير اي زرار او ضفيرة بس باللمبة وكان الواحد ب 70 جنيه.
انا لقيت الفيشة تمام جنب الكلاكس بس مش لاقي فيشة تركب فيها ولا لازم اقطهعا خالص وانا مش عايز اعمل كدة فلو تقولي اجيب فيشة زي دي منين يبقى 100 100
تاني حاجة ايه زرار الديماكس ده ؟؟؟؟ انا جبت زرار بتاع فوجات بس مش نفس المقاس ومش بيركب طبعا على فيشة الزرار الاصليه.... الديماكس ده بيركب ولا لا واجيبه منين ؟؟؟
وشكرااااااااااااااا

المشاركة الأصلية كتبت بواسطة hhhhhm

متشكر على الرد بالنسبه للفيشه أكيد هاتلاقيها عند بتوع الأكسسوار أما زرار الديماكس ده ركبته عندى تمام بس الكهربائى شال حتة الفبره اللى بتبقى راكبه جوه وقاللى أحتفظ بيها علشان لو جبت الزرار الأصلى والى حد ما شغال وعلى فكره على الرغم من اللفه الكبيره اللى انا عملتها والمصاريف طبعا ووقفة الصنتيعيه تعتبر الفوجات عندى مجرد شكل جميل جدا اما كأضاءه مش فارقه خالص يمكن علشان أنا ما ركبتش زينون

الاحسن فعلا انك تركبلهم زينون هتاخد اضاءه وشكل حلوووووو والزينون عامل 170 جنيه فى التوفيقيه وبقاله معاااايا 10 شهور تمااام معايا

المشاركة الأصلية كتبت بواسطة fouaa

اولا مبروك الفوجات حلوه احلى من بتاعت الاوكتافيا a5 عمل رائع . تحياتى

تسلم ياكبيييير فعلا مريحه على الاكصدام اكتر من بتاعت الاوكتافيا